04/09/2026
الراجل اللي قدامك ده يستاهل مليون تحيه علي الاداء اللي قدمه النهاردة امام سموحه !
عمرو الجزار ابهرني النهاردة بصراحة ، اولا كان المدافع الوحيد اللي لما بياخد وقت علي الكرة كان بيلعب تمريرات بتكسر ضغط سموحه و بيسرع بيها الهجمه و بيخلي الاهلي عمودي و مباشر اكتر ، بالمناسبه عمل 5 تمريرات طوليه صح من اصل 8 !
المبهر فعلا كانت هجمه الدقيقه 49 ، تقدم بالكرة ، تمريره كاسره للضغط بقدمه الضعيفه ل بن جديده اللي لو كان لعبها ب شماله من اول لمسه كان حط علي محمود انفراد صريح !
المبهر اكتر هي اللعبه اللي قدامك دي ، سموحه رايحين انفراد في الدقيقه 76 و اللي احبط الانفراد هو عمرو الجزار ب تدخل انزلاقي مبهر ، بالمناسبه الجزار كسب كل التحاماته ، كل تدخلاته كانت صحيحه ، عمل 7 استخلاصات !
مدافع استباقي مجتهد و محتاج جنبه مدافع تغطيه و للاسف الاهلي مجبش نوعيه المدافع ده ف دايما عندك عدم توازن في خط الدفاع ، مباراة ممتازه جدا من الجزار 👏❤️
