مي القاضي Mai Alkady

المشاعر مبتتناقشش.
ومفيش ألم له حق أكتر من ألم تاني. 🤍

د. برينيه براون بتقول إن المقارنة بتسرق مننا التعاطف… لأن الألم مش سباق، ومش محتاج يكون أكبر من ألم غيرك عشان يبقى حقيقي.

إنت ممكن تعدّي من موقف وتقول:
"دي حاجة بسيطة… أنا لو مكانه كنت عديتها."
بس الحقيقة إنك مش مكانه.

كل واحد فينا عنده قدرة مختلفة على الاحتمال، متشكّلة من سنين عاشها، وتجارب مرّ بيها، وجروح محدش شافها، وطريقة جهازه العصبي في استقبال الضغط والألم.
عشان كده…

اللي إنت شايفه "هين"، ممكن يكون بالنسبة لحد تاني آخر نقطة في قدرته على الاحتمال.

وده مش معناه إنه أضعف منك.
ولا إنك أقوى منه.
إحنا بس مش بنحمل نفس الأوزان… حتى لو كنا واقفين قدام نفس الموقف.

والأبحاث في علم الأعصاب بتوضح إن الألم النفسي، زي الرفض أو الفقد أو الحزن، ممكن ينشّط مناطق في المخ مرتبطة بالألم الجسدي.

يعني لما حد يقولك:
"أنا موجوع."
مش دورك تسأله:
"موجوع ليه؟ ما في ناس عندها أسوأ من كده!"

لأن وجود ألم أكبر في العالم ما بيلغيش ألم الشخص اللي قدامك.

يمكن هو مش محتاج حل.
ولا نصيحة.
ولا مقارنة.

يمكن كل اللي محتاجه إن حد يقوله:
"أنا شايف وجعك… ومش هقلّل منه."

وكارل روجرز كان شايف إن من أعمق أشكال المساندة إننا نحاول نفهم الإنسان زي ما هو، مش زي ما إحنا شايفين إنه المفروض يكون.

فخليك رحيم.

ماتستهونش بحاجة أنت مش عايشها.
وماتحكمش على معركة من شكل الشخص وهو واقف بعدها.
لأنك عمرَك ما هتعرف…

هو كان بيحارب إيه جواه، عشان يقدر يبانلك بالشكل ده. 🤍

الطريقة التي ترى بها نجاح الآخرين… تكشف الكثير عنك.

لما تشوف شخص ناجح،
وتقدر تفرح له بدل ما تقارن نفسك بيه،
وتشوف في نجاحه إلهام بدل ما تشوفه تهديد…
اعرف إنك ماشي في طريق صح.

أقوى الناس مش اللي بيحاولوا يقللوا من غيرهم عشان يحسّوا إنهم أكبر،
لكن اللي يقدروا يتعلموا من اللي سبقوهم،
ويفرحوا لنجاح غيرهم،
ويصفقوا لحد وهو بيكسب… من غير ما يحسّوا إن مكسبه خصم من رصيدهم.

لأن الإنسان الآمن من جواه،
مش بيخاف من نجاح الآخرين…
بيستفيد منه.

والأجمل إنك لما تعجبك صفة في شخص،
بدل ما تتمنى تكون مكانه…
ابدأ ابنِ الصفة دي في نفسك.
فما تمدحه في الآخرين،
قد يكون بالضبط الشيء الذي تحتاج أن تنمّيه في نفسك.

الغيرة بتقول: ليه هو؟
أما النضج بيقول: ماذا يمكنني أن أتعلم منه؟

افتكر: نجاح غيرك مش دليل على تأخرك…
ممكن يكون دليل إن الطريق ده ممكن فعلًا.

لا تنقلوا لي شئ عن اصحابي فإنني أحب أن أخرج اليهم و أنا سليم الصدر ❤️

دعاء وقت الزلازل

اللهم لا تقتلنا بغضبك، ولا تهلكنا بعذابك، وعافنا قبل ذلك، وادفع عنا البلاء والزلازل والمحن وجميع الفتن ما ظهر منها وما بطن، اللهم أبدل القلق بسكينة والهم بإنشراح الصدر، والخوف بالطمأنينة والحزن للفرح.

كم مرة حسيت إنك بتكرر نفس العلاقة... بنفس الوجع... مع أشخاص مختلفين؟

يمكن المشكلة عمرها ما كانت في الناس...
يمكن العقدة لسه جواك.
رحلة "فك العقدة" مش مجرد كورس عن العلاقات...

دي رحلة نفسية عميقة هتفهم فيها ليه بتكرر نفس الأنماط، وليه أوقات بتخاف من الرفض، أو بتتعلق زيادة، أو بتدي أكتر من طاقتك، أو مش بتعرف تقول "لا".

على مدار ٥ أسابيع هنشتغل معًا خطوة بخطوة على فهم النفس، فك التشابكات القديمة، وبناء علاقات أكثر صحة واتزانًا.

لأن العلاقات لا تتغير...
إلا عندما يتغير الشخص الذي يدخلها.

إذا كنت مستعد تبدأ رحلة مختلفة...
أهلاً بك في فك العقدة.

و اكتب "فك العقدة" او ارسل Dm للتفاصيل …
او تواصل معنا عن طريق :
01003712646