مي القاضي Mai Alkady

في سورة يوسف بيان صريح و جميل لمدى تأثير الأب على شخصية الابن و تفكيره و كلامه.

في أول السورة و لسة سيدنا يوسف طفل، سيدنا يعقوب بيقول ليوسف : يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ فَيَكِيدُوا لَكَ كَيْدًا ۖ إِنَّ الشَّيْطَانَ لِلْإِنسَانِ عَدُوٌّ مُّبِينٌ.
(الشيطان هوالسبب في كيد إخوتك ليك، عشان ميخليهوش شايل منهم و يكرههم)
في آخر السورة بعد أكتر من ٣٠ سنة ده كان سبب أن سيدنا يوسف سامح إخوته بسهولة و قال : مِن بَعْدِ أَن نَّزَغَ الشَّيْطَانُ بَيْنِي وَبَيْنَ إِخْوَتِي.
(إخواتي مش بيكرهوني ده الشيطان هو اللي وقّع بيننا)

في أول السورة سيدنا يعقوب بيقول ليوسف : إِنَّ رَبَّكَ عَلِيمٌ حَكِيمٌ.
و في آخر السورة سيدنا يوسف بيقول:إِنَّ رَبِّي لَطِيفٌ لِّمَا يَشَاءُ ۚ إِنَّهُ هُوَ الْعَلِيمُ الْحَكِيمُ.

في أول السورة سيدنا يعقوب بيقول: وَيُتِمُّ نِعْمَتَهُ عَلَيْكَ وَعَلَىٰ آلِ يَعْقُوبَ كَمَا أَتَمَّهَا عَلَىٰ أَبَوَيْكَ مِن قَبْلُ إِبْرَاهِيمَ وَإِسْحَاقَ.
بعدها بسنين سيدنا يوسف بيقول: وَاتَّبَعْتُ مِلَّةَ آبَائِي إِبْرَاهِيمَ وَإِسْحَاقَ وَيَعْقُوبَ.

كل كلمة قالها سيدنا يعقوب ليوسف و هو صغير كان لها تأثير عليه في حياته.

مش أي مشكلة معناها نهاية…
ومش أي فترة صعبة معناها إن الحب خلص.
أوقات العلاقات بتمر بفترات فتور،
ضغط،
سوء فهم،

لكن الفرق الحقيقي:
هل لسه فيه رغبة حقيقية للمحاولة؟

خليني اقولك علامات إن العلاقة لسه فيها حياة :

١- الاتنين لسه بيحاولوا.
يمكن بطريقة غلط،
يمكن بتعب،
لكن فيه محاولة من الطرفين…
مش طرف واحد بيجري لوحده.

٢- الخلافات لسه فيها احترام.
مفيش تقليل،
مفيش كسر،
حتى وقت الزعل فيه حدود بتحافظ على الأمان بينكم.

٣- لسه فيه رغبة للفهم.
مش مجرد دفاع وهجوم…
لكن فيه سؤال:
“إزاي نوصل لبعض؟”

٤- وجودكم مع بعض لسه فيه راحة…
حتى وسط المشاكل.
تحس إن الشخص ده رغم كل حاجة،
لسه مكان آمن لقلبك.

٥- الأفعال بتتغير… مش الكلام بس.
اعتذار حقيقي،
مجهود واضح،
محاولة إصلاح،
مش مجرد وعود مؤقتة وقت الخوف من الفقد.

٦- لسه شايفين بعض “فريق”.
مش خصمين بيكسبوا ضد بعض…
لكن شخصين بيحاولوا يكسبوا العلاقة.

💭 الحقيقة إن العلاقات الصحية مش كاملة…
لكن فيها نضج كفاية يخلي الطرفين يختاروا بعض،
حتى وقت التعب.
🤍 أحيانًا الحب الحقيقي مش في إنكم ما تقعوش…
لكن في إنكم كل مرة تقرروا تقوموا سوا.

‏⠀من جميل الدعاء ؛

اللهم ما أخشاه أن يكون صعباً هوّنه وما أخشاه أن يكون عسيراً يسّره وما أخشاه أن يكون شراً اجعل لي فيه خيراً 🤲❤️✨

اللهم ارزقنا من حيث نحتسب و من حيث لا نحتسب ، و بارك لنا في كل نعمة رزقتنيها ، واجعل قلوبنا دائما شاكرة راضية 🤍

و حين يسألونك على جهاد النفس الحقيقي ،

أخبرهم أن أصدق الجهاد هو قدرتك على أن تُبقي قلبك نقياً ، صالحاً للحياة الآدمية بعد كل تلك المفاجأت و العثرات و الانكسارات و الهزائم .
و كأنك مازلت في الصفحة الأولى في السطر الأول من مشوار العمر .....

الجهاد الحقيقي هو جهادك مع قلبك كي يبقى سليماً نقياً بالرغم من كل معاركك النفسية 🤍🤍