Life Coach - Suzan Diab

العلاقات الناجحة مش صدفة…
دي حصاد ناس قررت تكمل رغم التعب، وتفهم بدل ما تحكم، وتصلح بدل ما تهرب.
العلاقة اللي بتعيش وتكبر مش اللي مفيهاش مشاكل
لكن اللي فيها ناس بتحاول.

المحاولة في العلاقة مش ضعف لما بتكون متبادلة شايلها اتنين عندهم نفس الاصرار علي يبنوا ويصلحوا اخطائهم

كل علاقة سوية كملت… غالبًا كان وراها ناس ما استسلمتش بدري

لأن العلاقات السوية والصحية هي حصاد المحاولين...

الغايات بتكشف رقي الإنسان لكن، الوسائل بتكشف معدنه....

(حتي يحب لأخيه مايحب لنفسه)
دي مهارة سلامة القلب
شكلك ولبسك وتعليمك وإنجازاتك العلمية والعملية مجموعها ( صفر) لو أجتمعت بقلب قبيح ونوايا سيئة

«إنما المرء بقلبه»...

سيعطيك حتي تطمئن روحك... 💝

مش لازم تبقي perfect…
ولا لازم تبقي أحسن ولا أنجح من حد
عشان تبقي كفاية أو محبوب
مش لازم تعمل كل حاجة صح
ولا تمشي على مقاس توقعات الناس أو تقلدهم
علشان تعجب اللي حواليك او تقارن نفسك بيهم
فتضغط نفسك وتجلدها، عشان صورة في دماغك لازم توصلها
و للاسف عمرك ما هتوصل
لأن دي مش معاييرك ولا أهدافك فبتتغير كل شوية

فطبيعي تفضل حاسس إنك ناقص حتى وإنتِ بتعمل أقصى اللي عندك.
كل اللي محتاجه بس تبقي حقيقي تبقي نفسك مش نسخة (fake)

✨ ساعتها…
هاتبطل تجري ورا أي شيء مش مناسب ليك ومزيف
وتبدأ تعيش بسلام من غير ما تستهلك روحك

بسنت كانت باينة انها ست قوية ومكملة حياتها وبتضحك وتعمل فيديوهات بس مش كل اللي بيضحك مرتاح…

بالعكس في نوع من أنواع الاكتئاب الشخص بيبقي مكمل حياته عادي جدا ومش باين عليه تغيير

فيه ناس عايشة بوش طبيعي
لكن جواها حرب كل يوم وتفكير بيهلكها وألم محدش شايفه

الاكتئاب والضغوط الشديدة بتخلّي أبسط الحاجات تقيلة
و الحياة نفسها عبء
في لحظة ضعف وتعب قررت تنهي وجعها كله
مش لأنها ضعيفة…
لكن لأنها وصلت لمرحلة صوتها مش بيوصل لحد وشايلة أكبر من احتمالها

الحكاية مش مجرد "انتحار"
الحكاية تراكم وجع… ضغوط … كسر نفس... إكتئاب
مكنش له حد يحتويه ويسمعها ويدعمها
يمكن كانت مستنية حد يسألها:
"إنتي كويسة بجد؟"
مش السؤال اللي بيتقال وخلاص…
الناس مش بتموت فجأة…
الناس بتموت من جواها حتة حتة
لحد ما توصل للنهاية دي.

مش كل اللي ساكت وبيضحك في راحة وسعادة
ومش كل قوي وبيقدر يشيل مش محتاج حد.


#الإكتئاب

أوّل درجات ضياعٍ النفس...أنك تُراعي شعور كل اللي حواليك وترضيهم ،،
وتنسى شعورك أنت.

هو أيه الفرق بين ( الحب والتعلق)؟

ناس كتير بتخلط بينهم لكن في فرق كبير بينهم 👇🏻

الحب…
بيخليك هادي
بيطمنك
وبيخليك أحسن من غير ما تفقد نفسك

أما التعلق …
بيخليك قلقان طول الوقت
خايف تتساب
ومتعلق بأي اهتمام بسيط كأنه حياة أو موت
بتقيس أهميتك بمدي أهتمام الشخص ده بيك

الحب فيه حرية
إنك تختار الشخص كل يوم بإرادتك

إنما التعلق
خوف من الفقد مش حب حقيقي

الحب بيكبرك
لكن التعلق بيستنزفك بيدمر شخصيتك و أعصابك.


#علاقات

إحنا معاك – للصحة النفسية في الأزمات

يسرّ مؤسسة تطوير الكوتش العربي أن تعلن عن مشاركة:

الدكتورة / سوزان دياب
لايف كوتش PCC – ICF
استشاري الصحة النفسية
أخصائي نفسي إكلينيكي
أخصائي الإرشاد الأسري
دكتوراه في الصحة النفسية

تُقدّم الدكتورة سوزان دعمًا نفسيًا وأسريًا متخصصًا، يهدف إلى مساعدة الأفراد والأسر على التعامل مع التحديات النفسية، وتحسين الصحة النفسية، وتعزيز التوازن والاستقرار العاطفي خلال فترات الأزمات.

وتأتي مشاركتها ضمن جهود المبادرة لتوفير مساحات آمنة للدعم، من خلال جلسات علاجية وإرشادية متخصصة تسهم في تحسين جودة الحياة النفسية والأسرية.

🎁 الجلسة الأولى مجانية
✨ والجلسات التالية بتخفيض خاص دعمًا لوصول الخدمة لأكبر عدد ممكن

للاستفسار والتسجيل في المبادرة من قِبل الكوتشز والاستشاريين النفسيين والأُسريين،
يرجى التواصل عبر رابط الواتساب التالي:
https://wa.me/201223188418

واللهِ لو تعلمون مقام البنتِ في قلبِ أبيها و أهلها ما أُهينت امرأة في بيت زوجها ، ولا نامتْ ليلةً دامعة العين، ولا مكسورة الخاطر...
فالبنتُ قطعةُ القلبِ إن لم تَكُنْ كله ، ولولا أنها سُنة الله في الحياة، والفطرة التي فطرَ اللهُ الناسَ عليها ما فرَّطَ أبٌ بابنته لزوجٍ ولو كانَ أكرم الناس .. فإنَّ فراقها غُربة، وبُعدها عناء ، وخُلو البيتِ منها مُوحش، ولكنها الحياة، وبهذا تستقيم..
فترفَّقوا يرحمُكُم الله ،
( فما هُنَّ إلا المؤنسات الغاليات )❤