29/04/2025
طبعًا انت مش عارف ليه بعد مكسب ٣ أو ٤ ماتشات اللاعب خسر، رغم إن مستواه عالي
ومش السبب إن ده الحد الأقصى لإمكانياته!
السبب بسيط...
وينقسم لجزئين:
---
الجزء الأول
اللاعب نفسه مش مصدق نفسه
والسبب التاني إنك رفعت عليه الحمل النفسي برفع المسئولية
لو هنتكلم عن الجزء الأول
فلازم تعرف الأول إن ده أصلًا بيحصل
طب تعرفه إزاي؟
ببساطة من حوار بعد المباراة
بس الحوار يكون إيجابي ويسمحلك تسأل اللاعب أسئلة مباشرة، زي:
١ - هو الماتش كان صعب؟ ولا انت مكنتش قادر تلعب؟
٢ - حسيت إنك هتكسب بسهولة عشان كسبت اللي قبل كده؟
٣ - كنت أصلًا متوقع تخسر أول ماتش؟
٤ - بعد أول مكسب، كنت حاسس إنك قادر على التاني؟
٥ - الماتش الأخير اللي كسبته... كنت حاسس بإيه قبله؟ وبعده؟
لازم تعرف إن اللاعب كان مجهّد نفسيًا
وإن الحمل النفسي اللي عليه كان مستحمل ٣ أو ٤ مباريات بس
وهنا ييجي دور المعد النفسي والعقلي
علشان يرفع مستوى تحمّل الضغط النفسي أثناء المنافسات
---
الجزء التاني
اسأل نفسك كمدرب:
بعد كل مكسب...
كنت بتتعامل معاه بنفس أسلوب التدريب الصعب؟
ولا بدأت تفرح وتخرج عن المألوف؟
حضرتك مش متخيل
إن مجرد ابتسامة مش متعود عليها اللاعب ممكن تؤثر عليه سلبيًا
لازم تفضل معاه في شخصيتك العادية، زي التمرين بالظبط
لكن تطمنه بكلمات ثقة... مش بكلمات ضغط
زي:
أنت بطل
أنت عملت اللي عليك
ربنا هيبارك في تعبك
وخلّي بالك من الجمل اللي بترفع الحمل النفسي:
"أنت جامد ولازم تكسب" → ليه لازم؟
"هزعل لو خسرت" → ليه حمل زيادة؟
---
كلمة واحدة ممكن تخرجك من البطولة
خليك في البطولة زي التمرين
ومرّن في التمرين كأنك في البطولة
بالتوفيق
03/04/2025
إزاي ممكن تقلل الوقت الضايع في التمرين وتحقق نتائج أسرع؟
في نقاش مع واحد صاحبي خلال تدريب مجموعة لاعبين من ٤ أندية مختلفة، اتكلمنا عن تدريب معين والهدف منه. التدريب كان مهاري خططي، يعني استخدام مهارة معينة في مواقف مختلفة، وده مهم جدًا في تطوير الأداء.
بس خلال الكلام، ظهر إن فيه مشكلتين رئيسيتين في التدريب ده:
1. عدم التأكيد على نتيجة كل خطوة: يعني اللاعب مش بيتأكد إنه بيحقق الهدف المطلوب من التمرين.
2. إهدار وقت كبير بخطوات زائدة: رغم إنه ممكن نوصل لنفس النتيجة بخطوات أقل وأكثر فاعلية.
يعني إيه الوقت الضايع في التمرين؟
لما نبص على الوقت اللي بيقضيه اللاعب في التمرين، هنلاقي إن فيه فرق بين الوقت اللي بيتمرن فيه فعلًا وبيطور مهاراته، وبين الوقت اللي بيكون فيه التمرين موجود لكنه مش مفيد.
✅ الوقت الضايع مش معناه فترات الراحة، لأن الراحة عنصر أساسي في الحمل التدريبي. ❌ الوقت الضايع هو الوقت اللي اللاعب بيتمرن فيه لكن من غير فائدة حقيقية.
لما حسبنا الوقت الضايع في بعض التمارين، لقينا إنه ممكن يكون من 30% إلى 65% من إجمالي وقت التدريب! وده رقم كبير جدًا، وواحد من أكبر أسباب تأخير النتائج.
إزاي الوقت الضايع بيأثر على البطولات؟
اللاعبين اللي كانوا موجودين في التمرين أغلبهم أبطال جمهورية، وده معناه إن المدرب بتاعهم شاطر ومجتهد معاهم. بس المفاجأة إنهم احتاجوا ٨ سنين عشان يحققوا أول بطولة!
طيب، السؤال هنا:
ماذا لو استغلوا وقتهم بشكل أفضل؟
هل كانوا هيحققوا نفس الإنجاز في وقت أقل؟
لو قارنا ده بلاعبين آخرين، هنلاقي إن بعضهم بيحقق بطولات عالمية في نفس الفترة اللي غيرهم بياخد فيها بطولة جمهورية فقط. الفرق هنا مش بس في الموهبة، لكن في كفاءة استغلال الوقت التدريبي.
أبحاث علمية بتأكد الكلام ده
📌 دراسات في التدريب الرياضي بتقول إن تقليل الوقت الضايع بنسبة 20% فقط ممكن يسرّع النتائج بنسبة 40%! 📌 أبحاث في التخطيط الرياضي بتؤكد إن جودة التمرين أهم من كميته. 📌 كتاب "The Talent Code" بيتكلم عن أهمية التمرين المركز بدل العشوائي. 📌 كتاب "Peak" للدكتور أندرس إريكسون، بيؤكد إن التكرار الذكي أهم من التكرار الكثير.
إزاي المدرب يقلل الوقت الضايع؟
1. تحليل الأداء: قياس الوقت الفعلي اللي اللاعب بيتمرن فيه بجد.
2. التركيز على الكيف مش الكم.
3. إلغاء الخطوات الزائدة اللي ملهاش لازمة.
4. استخدام التكنولوجيا زي الفيديوهات التحليلية لتوفير الوقت.
رسالة لكل مدرب ولاعب
ليه تضيع سنين في تحقيق نتائج ممكن تحققها في نصف الوقت؟
اسأل نفسك: هل وقت تدريبي بيتم استغلاله بشكل صحيح؟
هل ممكن أحقق نفس النتائج بزمن أقل؟
📢 لو إنت مدرب أو لاعب وعاوز تعرف إزاي تحقق أفضل نتيجة في أقل وقت، شارك برأيك في التعليقات! 💬 هل شايف إن تدريباتك فيها وقت ضايع؟ قول رأيك!
⬇️ تابعني لمزيد من الأسرار حول تطوير الأداء الرياضي! ⬇️
24/03/2025
صدق أو لا تصدق...
مش كل الأنظمة اللي خرجت أبطال جمهورية كانت بنفس المعايير، ولا بنفس درجات التدريب، ولا بنفس الوقت، ولا بنفس الإتقان.
في فرق بين مدرب بيصنع لاعب يفضل متألق على الملعب سنين، وبين مدرب بيصنع بطل يلعب سنة أو سنتين وخلاص.
مش كل لاعب مقدرش يكمل كان بسبب ضعف مدربه... ممكن تكون ظروفه أو قدرات أهله هي السبب. فبلاش تقارن، لأنها مقارنة غير عادلة من الأساس.
في أماكن ما عندهاش كاراتيه أصلًا، لكن عندها عدد كافي علشان يحول القطيع الكبير إلى حالة من الغليان... وفي النهاية يطلع منهم لاعب أو اثنين.
وفي أماكن تانية عندها نظام واضح، وترتيب، وتدريب، فتكون النتيجة 100%.
لكن حتى في الأماكن دي، أحيانًا الـ 100% دول بيهدموا تعب مدربهم لما يقرروا يسيبوا اللعبة ويضيعوا مجهود سنين.
صدقوني... كل مدرب هو بطل.
وبطل كبير جدًا، لأنه بيشتغل في المهنة الصعبة دي، وفي الظروف دي.
هدفي؟
أسهّل عليك الطريق، وأوفر عليك الوقت... بخبرة عشتها بنفسي.
المعلب واحد، لكن مش كل اللاعبين بنفس الجمال!
أتمنى التوفيق للجميع...
خليني صديق ليك، وهكون لك خير صديق.
#محمدـالنحاس
📞 للتواصل: 01153139606
23/03/2025
لو حلمك يشبه حلمي، هكون سعيد إني أشاركك رحلتي.
لو شغفك بالكاراتيه ورغبتك في تحقيق إنجازات كبيرة فيه، فاعرف إن أغلب التحديات اللي هتقابلك، واجهناها قبل كده، وكانت جزء من نجاحنا.
✔️ حلول وأفكار مبتكرة
✔️ نظم وأساليب في الإدارة والتخطيط والتدريب
✔️ تجربة حقيقية أوصلتنا لـ 17 فرع وأكثر من 15 بطل جمهورية و150 بطل قاهرة، رغم تحديات كانت تكفي لإحباط أي حلم.
رؤيتنا كانت سر نجاحنا، لكن في بعض المواقف، كان الإصرار بدون تخطيط سبب انتكاستنا.
لو حابب يكون معاك رفيق يختصر عليك الطريق، ويوفر عليك الوقت والتجارب الصعبة، تواصل معانا. هنساعدك بأفضل أسلوب يناسب ظروفك وظروف أولياء أمور لاعبيك، عشان تحقق أعلى نجاح.
📞 اتصل بنا الآن وابدأ رحلتك نحو القمة!
01153139606
