عاش الزمالك

طاهر أبو زيد يحرج الجميع: لو الجودة هي المعيار.. يبقى المعايير لازم تبقى واحدة! 🔥🎙️
طاهر أبو زيد فتح بابًا مهمًا جدًا للنقاش حول اختيارات منتخب مصر، وتحديدًا فكرة التعامل بمعايير مختلفة مع اللاعبين.

وقال إن مصطفى محمد قبل احترافه كان واحدًا من أفضل المهاجمين داخل القارة الأفريقية، كما كان محمد عبد المنعم من أبرز المدافعين في أفريقيا.

لكن السؤال الحقيقي الآن: لو بنتكلم على المستوى الحالي، هل المعايير المطبقة على الجميع واحدة؟

مصطفى محمد صحيح مرّ بفترات تذبذب في المستوى، لكن في المقابل اللاعب قضى 4 مواسم كاملة مع فريقه، وكان هداف الفريق في موسمين، وثالث الهدافين في موسم آخر، وأنهى الموسم الحالي ضمن أبرز هدافي الفريق.

أما محمد عبد المنعم، فرجع مؤخرًا من إصابة قوية بالرباط الصليبي، وقبل الإصابة لم يكن يشارك بصورة أساسية بشكل منتظم.

الغريب أن البعض يعتبر استدعاء عبد المنعم أمرًا طبيعيًا بسبب تاريخه وجودته، بينما يرفض تطبيق المنطق نفسه على مصطفى محمد رغم مشواره الطويل وخبراته الدولية الكبيرة.

القضية هنا ليست المقارنة بين لاعبين، لكن السؤال الأهم:
إذا كان التاريخ والجودة والخبرة عوامل تؤخذ في الاعتبار مع لاعب، فلماذا لا تُطبق بنفس الشكل على لاعب آخر؟

وفي النهاية، جمهور الكرة من حقه يناقش ويختلف، لكن الأهم أن تكون المعايير ثابتة على الجميع، لأن العدالة في الاختيارات هي أول خطوة لبناء منتخب قوي قادر على المنافسة.

عصام الحضري يفجّرها في وش حسام حسن: الاختيارات ماشية بالمستوى ولا بالأسماء؟ 🔥🎙️
عصام الحضري خرج بتصريحات نارية جدًا وفتح ملف اختيارات منتخب مصر بشكل مباشر، بعد ما اتكلم بصراحة عن المعايير اللي بيتحدد على أساسها ضم اللاعبين للمنتخب.

الحضري قالها بوضوح:
"عايزين نعرف الاختيارات مبنية على إيه بالظبط؟"

وأضاف إن فيه علامات استفهام كبيرة جدًا حوالين استمرار بعض الأسماء رغم تراجع مستواها الواضح، وضرب مثال بمحمد عبد المنعم اللي — على حد وصفه — بقاله فترة طويلة بعيد عن مستواه الحقيقي، وكمان مشاركاته مش مستقرة، ومع ذلك موجود بشكل دائم في المنتخب بدون نقاش.

وفي المقابل، الحضري اتكلم بإعجاب كبير عن محمد إسماعيل مدافع الزمالك، وأكد إن اللاعب قدّم موسم استثنائي جدًا ومستوى يخليه واحد من أفضل المدافعين في أفريقيا حاليًا، لكن رغم كده محدش بيديله التقدير اللي يستحقه أو حتى يبصله بالشكل الكافي داخل المنتخب.

وقال:
"الموضوع مش محتاج خبير… أي حد بيفهم كورة هيعرف مين الأفضل حاليًا"

الحضري لمح كمان إن الأزمة مش فنية فقط، لكن فيه لاعيبة وراها دعم إعلامي ولجان وتطبيل بيخلّي أسماء معينة ثابتة مهما كان مستواها.

وأضاف إن في لاعيبة تانية بتتظلم لأنها مش واخدة نفس الضجة الإعلامية رغم إنها تستحق الفرصة أكتر بكتير.

واختتم كلامه برسالة قوية:
"محمد إسماعيل لو كان بيلعب في نادي تاني أو وراه إعلام بيطبله… كان زمانه أساسي في المنتخب من بدري"

تصريحات الحضري فجّرت جدل واسع جدًا بين الجماهير، خاصة بعد الموسم الكبير اللي قدمه محمد إسماعيل مع الزمالك والحديث المستمر عن تجاهله رغم مستواه القوي 👏🔥

كنت عاوز اقولكم أن الكونفدراليه بتكون برد بليل ابقوا خد معاكم جاكت والبسوا كالسون
يالا بالتوفيق

جاليليو يفجّرها قبل الحسم: ليه كل البلد مركزة مع الزمالك وسايبة الأهلي والمصري؟!
محمد عبدالجليل جاليليو علّق على حالة الجدل الكبيرة قبل جولة الحسم في الدوري، مؤكدًا إن السوشيال ميديا بقت مليانة كلام غريب وتحليلات غير منطقية هدفها زيادة التوتر والضغط قبل المباريات المصيرية.

وقال بسخرية:
"في حد جيه يكحلها عماها وقال أصل أمين عمر كان جاي للزمالك عشان كده جابوا حكام أجانب!"

وأضاف:
"حضرتك عرفت منين؟ وليه أنا معرفش؟ ولو أنت عرفت كل ده يبقى الحكم كان جاي ليه أصلاً؟"

جاليليو أكد إنه مش مقتنع بالكلام اللي بيتردد عن إن بعض الفرق هتلعب بدون حماس أو إنها هتسهل المباريات لأي طرف، ورفض تمامًا فكرة التشكيك في عماد النحاس أو المصري البورسعيدي.

وقال:
"كابتن عماد النحاس مدرب محترم، والمصري عمره ما كان كوبري لحد"

وأضاف إن الغريب فعلًا إن كل التركيز الإعلامي والجماهيري متوجه ناحية مباراة الزمالك وسيراميكا، في الوقت اللي مباراة الأهلي والمصري تكاد تكون خارج الحسابات رغم إنها واحدة من أهم مباريات الحسم.

وأشار:
"ليه كل العيون على سيراميكا؟ هو الأهلي ضمن يكسب المصري منين؟"

واسترجع جاليليو موسم إنبي التاريخي لما حسم الزمالك الدوري، مؤكدًا إن الناس بتحاول تغيّر الحقائق وتصور إن الفرق كانت بتلعب لغيرها، بينما الحقيقة إن كل فريق كان بيلعب لمصلحته وتاريخه.

وقال:
"إنبي وقتها كان بيلعب عشان يشارك أفريقيا لأول مرة في تاريخه… ملعبش لحد"

وأكد إن الأهلي يومها أضاع فرصه بنفسه، وإن ربنا وقتها أراد فرحة الزمالك بالدوري.

كما انتقد عدم وضوح رابطة الأندية بشأن ترتيبات يوم الحسم، مشيرًا إلى إن الدوريات الكبيرة بتعلن خططها بشكل واضح للجماهير والإعلام من بدري.

واختتم:
"الدوري لسه فيه 90 دقيقة… وكل فريق داخل يلعب لمصلحته وتاريخه، واللي هيكسب داخل الملعب هو اللي يستحق"

الحضري احرج سيف زاهر وهـُ‘ـُزق الاهلاوية...

الحضري بيقول مصر كلها حزينه ع خسارة الزمالك البطولة..

سيف زاهر قاله لا مش كلها ياحضري..

الحضري قاله معلش اللي فرحنين ف خسارة الزمالك معاهم فريق بمليارات وعندهم اسكواد ف تلات فرق ورغم كل ده كانه قعدين يتفرجوا ع الزمالك اللي عنده مشاكل الدنيا والاخرة و17 ايقاف قيد وهو بيلعب نهائي قاري فانت بدل ماتفرح فية المفروض تتكسف وتشوف النادي ده اتفوق عليك بكل ازماته ومشاكله دي ازاي وتتعلم منه مش عيب تتعلم من اللي احسن منك....

سيف زاهر قاله لاء يا حضري لو قصدك الاهلي ف الاهلي كسب الزمالك...

الحضري قاله يافرحتي بالفوز ع الزمالك هوا الفوز ع الزمالك هيرجعني كاس العالم اللي طلعت منها من غير انتصار واحد ولا الفوز علي الزمالك هيرحعني كاس مصر اللي خرجت فية من فريق درحه تانية معرفش يصعد ممتاز الموسم ده ولا الفوز علي الزمالك هيرحعني افريقيا اللي خرجت فيها بالخسارة بالتلاته من الترجي ع ارضي الفوز علي الزمالك مش بطولة ياكابتن انا مش جايب زيزو وتريزيجية وصفقات بمليارات عشان افوز ع فريق عنده مشاكل الدنيا و17 ايقاف قيد.. اللي يقولك الاهلي ف اسواء مواسمه كسب الزمالك والكلام ده ده واحد بيضحك ع الاهلاوية ويصبرهم بكلمتين لان الحقيقة ان الزمالك هوا اللي ف اسواء مواسمه بكل المشاكل اللي عنده دي ورغم كده متفوق ع اندية معاها مليارات واسكواد كبير زي الاهلي وبيراميدز

في موسم "جروس" 2019 الزمالك كان متصدر الدوري
والكل يتفاجئ بتصريح "سيد عبدالحفيظ" بعد مباراة ما وهو بيقول "أمين عمر، محمود البنا" ما بيحكموش ليه للزمالك..؟
وبعدها الكل يتفاجئ ان "أمين عمر" بيحكم المباراة التالية ويتعثر للزمالك

. في الموسم التالي لدوري "فيريرا" الاعجازي الزمالك كان عنده مباراة مهمة مع "أسوان" مباراة القطار الشهيرة
الزمالك يكسب المباراة دي يتصدر الدوري ويصدر الضغط للمنافس والزمالك خسر بنتيجة 2/1 تقريبا
مين كان حكم المباراة دي..؟
ايوه هو "أمين عمر" اللي بعد المباراة انهال على "فيريرا" اللي في سن جده بالىىىب والشتم وصلت لىىىب الدين على مرأى ومسمع من مراقب المباراة وبعدها اتوقف لاخر الموسم ما يحكمش للزمالك

. في الموسم الحالي الزمالك متصدر الدوري ومن أول جولة في دور تحديد البطل وبيتم الضغط من لجان الاهلي عشان "أمين عمر" يحكم للزمالك

. هل دي كلها صدف..؟ ولا صاحب العقل بيميز ان امين عمر حكم "ملاكي" للاهلي وبيلجأله في الأزمات..؟

. ليه تحديدا الزج والصغط بأسم أمين عمر عشان يحكم او بمعنى أدق (يعطل) الزمالك..؟
لانه حكم متمرس في القىذارة بيعرف يركب اي فرقة على التانية بصفارته فاولات من وحي الخيال للفرقه اللي عايز يركبها وتغاضي عن اخطاء للفرقه اللي عايز يوقعها
وكمان السماح باللعب الخشن ضدهم عشان يخرجهم عن شعوره ومافيش أسهل من البطاقات تجاه لاعبي الزمالك

. موقف "فرجاني ساسي" الشهير وشد السماعة
قبل اللعبة دي اتعمل على "فرجاني" 3 تدخلات عنيفة تستحق كل واحدة فيهم تستحق انذار وفاول "امين عمر" لم يحتسب ايا منهم ونجح انه يخرج "ساسي" عن شعوره وفي لحظه أشهر الكارت "الأحمر"

. موقفه مع "بنشرقي" اللي اداله انذار وعشان خبط الكورة في الارض انذار تاني في طرد

. حكم سجله حافل ومتمرس أخصائي تعطيل مسيرة فرق بذكائه في انه يركب طرف على طرف بصفارته واستفزاز طرف ويخرجه عن شعوره

. هي مش صدفه خالص هي بجاحىه ازاي نادي يطلب حكم بعينه عشان يحكم للخصم مش في موسم ولا اتنين ده من 2019 والاهلي بيطالب بأمين عمر حكما لمباريات الزمالك 😂
حتى لو ده بيثير الشبهات عادي وشهم مكشوف الكل عارف ان "امين عمر" ملاكي للاهلي وهنطالب به يحكم للزمالك عادي.

مسرحية ختام الدوري من اجل انقاذ الننوس...

محمود ناجي ده اقوي صفقة للاهلي الموسم ده كان حكم ماتش سموحه والاهلي ومحسبش بلنتي لسموحه وكسب الاهلي وبعدها راح يحكم ماتش انبي والزمالك وخسر الزمالك نقطتين وبعدها رجع يحكم للاهلي ف ماتش انبي ولغي هدفين وضربتين جزاء لانبي وحسب ضربة جزاء غير صحيحه للشحات وكسب الاهلي.. وجايبنه يخلص ع بيراميدز ف اخر ماتش ف الدوري عشان الننوس لو مخدش الدوري ع الاقل ياخد تاني ويلعب دوري ابطال...

امين عمر محبوب الاهلي واللي بيطالبه به يحكم للزمالك عشان يعطلوا فالزمالك طلع انصح منهم وطلب حكام اجانب.. فاتحاد الكرة قالك الاهلي اولي باولاده وقام بتعيينه حكما لماتش الاهلي والمصري الاخير ف الدوري لكن كده كده الماتش مش محتاج امين عمر عشان النحاس مدرب المصري هيعمل الوجب وزياده والاهلي هيكسب اربعه خمسه....

عاااااااااااجل 🚨🚨 | عماد النحاس مديراً فنياً مؤقتاً للأهلي بعد الوعكة الصحية لثوروب ويقود المباراة القادمة من دكة بدلاء المصري لارتباطه بعقد مع الفريق البورسعيدي

المنافسة الحالية أفادت الكرة المصرية 🔥
لأول مرة من سنين الدوري يبقى فيه منافسة حقيقية لآخر جولة، وده انعكس على قوة المباريات ومستوى اللاعبين
وكمان أفادت منتخب مصر، لأن المدير الفني بقى عنده اختيارات كتير من لاعبين متعودين على الضغط والمباريات الكبيرة، وده بيخلق جيل وشخصية اقوى للمنتخب
أتمنى الفترة الجاية المنافسة تكبر وتبقى بين ٥ أو ٦ فرق، عشان درع الدوري مايبقاش محصور بين فريق أو اتنين بس.
وقتها هيبقى عندنا دوري أقوى وكورة مصرية أفضل