HEYA DONIA - Coach Donia Konsowa

Donia N. Konsowa

يومكم ظريف ويفرح 💕⚘️

يعني ايه رحمه؟؟؟؟
ازاي تكون رحيم مع نفسك ؟؟ ومع غيرك ؟؟؟

لما تتفهم الاسباب الورا الافعال.. لما تعرف تطبطب علي نفسك او غيرك وتبطل تحكم وتجلد نفسك او غيرك ... ساعتها بس هتحس بالقوه والرحمه مع بعض ...

هتعرف انك عشان تعرف تعيش محتاج ترحم ...

"الراحمون يرحمهم الرحمن"

#الرحمة #حياه #ميدتيرم #التعافي #حياتي #التربيةالايجابية #الناس

صبحكم بيزقزق وبيضحك 💥💫
مع Donia N. Konsowa

مش غلط انك تكون حساس وطيب وبتتعاطف مع الناس .. لكن الغلط انك تسيب طباعك دي تكون سبب في انك تتحمل ان الناس تجرحك او تظلمك وتقول اصل انا حاسس بيهم و شايف الحلو الجواهم ...

حافظ علي طباعك الهتدخلك الجنه بأنك ماتسمحش بحاجه تجرحك او تظلمك ...

حافظ عليك ده من حقك 🤍🤍🤍

#الوعي

صباح الاكتشافات 🙏

✨ عمرك حسيت إنك اشتغلت على نفسك كتير، لكن لسه أول تريجر بيرجعك لنفس الوجع؟

البوست ده من قلبي ليك … يمكن تلاقي فيه رسالة ليك 🤍
لفترة طويلة كنت فاكرة إن شغلي على نفسي معناه إني أهدّي جروحي، وأدوّر على حاجات أغيّرها في شخصيتي أو أتعلمها تخليني ما اتأذيش تاني…

ومع تريجر ورا التاني لنفس الجرح — وبالرغم من إني كنت واعية — بردو اتجرحت وزعلت 💔، وزهقت من كتر ما بتوجع.

كل مرة كنت بلوم نفسي على طبتي، وأقول: “بردو متعلمتش متوجعش؟”

❔ وسؤالي كان دايمًا: ️
"طب وبعدين؟ هتعلم امتى متوجعش وابطل طبتي وحساسيتي؟"

وبمساعدة اللي بيحبوني ❤️، وقبلهم طبعًا إرادة ربنا ونوره 🌸، فهمت إن التعافي الحقيقي هو إني أوصل لقواعد واضحة تناسبني،أحمي بيها طبتي وحساسيتي، وتحافظ على اللي تعلّمته، وتساعدني ما أكونش مع حد أصلاً ممكن يلمس الجرح ده ويعيد ألمه.

وفهمت إنه مش كفاية الواحد يكون عارف جرحه أو بيعالجه… ودي كانت حقيقية

"وكتبت قواعد دنيا التسعة للحماية" اول كومنت هتلاقي واحده ⚡️

وأهم درس فهمته… 🪙

إن التعافي مش معناه إني أرجع أحط نفسي قدام نفس النوع من الناس اللي كانوا السبب في الجرح، وأقول:

“لازم أبقى عادي دلوقتي، ومتجرحش ولا أزعل… لازم أستحمل وأبقى متعافية معاه.”

لأ، الطبيعي إني أحمي نفسي، وأختار اللي يناسبني ويحترمني. 👍
الجرح جه أصلاً من شخص مش مناسب ليا، تصرفاته بتوجعني، وده مش معناه إني غلط أو لازم أجبر نفسي أبطل الوجع، ده معناه إني منفعش معاه، وهو منفعش معايا.

القواعد دي مش قسوة، القواعد دي أمان …
أمان لقلبي، وأمان لطفلتي الداخلية كمان، علشان تفضل حرة وفرحانة. 💞

اعرف إن القواعد مش بتقيدك … دي بتحميك

“لو هتحط لنفسك قاعدة واحدة تحمي بيها قلبك… هتكون إيه؟” مستنيه مشاركتكم 🌹

Donia N. Konsowa

#تعافي #الوعي
#ترند

اترددت كتير أشارك اللحظة دي معاكم… 🤍

لكن يمكن تكون رسالتي سبب إن حد ياخد خطوة هو محتاجها بقلبه 💭

من 2015 🗓️ بدأت أشوف قد إيه جوايا وجع وغضب وحزن… 💔 وبدأت رحلتي في ✨

وصلت لحاجات حلوة 🙌 بس كان دايمًا بييجي بعدها انتكاسة… وكل مرة كنت بسأل نفسي:

"يا ترى لسه في إيه غلط فيا محتاجة أعدّله علشان أبعد عن الوجع؟" 🤷‍♀️

لحد ما وقعة كبيرة وجعتني فوق احتمالي 😞
ومع دعم رينا ❤️🤍

اكتشفت الحقيقة اللي كانت مستخبية وسط محاولاتي للتحسُّن:

أنا طول الوقت كنت بحاول أظبط اللي جوايا "دندن الصغننه" 🙇… مش أسمعها. 👧💬

كنت بحاول ألبّسها قناع 🎭، قالب، شكل "مقبول"،
علشان أهرب من الرفض، الخذلان، الألم… 😣

لكن طلعت أنا كمان كنت بضغطها، بلومها، بخنقها 🧠💢

ودي كانت لحظة حقيقية 🌱

لما مدت إيدي ليها… مش علشان أعدّلها،
لكن علشان أطبطب عليها وأقولها:

"انتي مش السبب في اللي حصل…🫂
وانتي مش محتاجة تبقي مثالية علشان تتحبي 💖
انتي حقيقية… وكفاية... وانا هكون أمانك… متخافيش ومتدوريش على الأمان برّه." 🤗

الصورة دي مش بس تصميم 🎨
دي نقطة رجوع… ووعد مني لنفسي 🤲

يمكن تفتّح عندك لحظة…
تمد إيدك للطفل اللي جواك مش علشان تغيّره،
لكن علشان ترجّعه لحضنه 🫂💞

🤍 يارب ثبّتني،
ويارب أكون سبّت أثر طيب يفضل في ميزان حسناتي…
يوم ما أقابلك يا ربّ 🌸 ❤️

Donia N. Konsowa





#التعافي

في وقت الشدة... وقت الغدر... وقت الجرح من أقرب الناس... 😥😥

بتدعي...💔

"يا رب خدلي حقي... يا رب ورّيهم... يا رب خليني أشوف فيهم يوم..."🤲🤲

بس فجأة... تيجي الآية... وتوقفك:❌️

"لَيْسَ لَكَ مِنَ الْأَمْرِ شَيْءٌ..."
(آل عمران 128)

يعني مش بإيدك…
لا تتحكّمي في النتيجة،
ولا في شكل النهاية،
ولا حتى في الانتقام اللي بتتمنيه.🤯🤯

اللي ظلمك؟ ممكن ربنا يهديه.
واللي أذاكِ؟ ممكن ربنا يرحمه.
واللي كسرك؟ ممكن ربنا يعافيه.😔

مش قرارك خالص ... وافتكري...

حتى فرعون…الي قال "أنا ربكم الأعلى"!🤔
لما ربنا قال لسيدنا موسى وهارون يتكلموا معاه قالهم:

"فَقُولَا لَهُ قَوْلًا لَيِّنًا لَّعَلَّهُ يَتَذَكَّرُ أَوْ يَخْشَىٰ"
– سورة طه، الآية 44

يعني الرحمة مش ضعف… دي قوة …👍👍

لكن لما قلبك يتكسر، وعشان إنتِ تستاهلي قلب سليم… ونَفس مرتاحه ... ما تدوريش على حقك فيهم … دوري على ربنا فيكِ.💥❤️

سلمي نفسك لربنا… مش لغضبك ولا حزنك.
سيبيها على ربنا... هو شايف...
هو أحنّ من أي انتقام. وهيجبر بخاطرك ويراضيكي ❤️❤️

Donia N. Konsowa



ًا






#التعافي


#الله

"اعوذ بالله من قهر الرجال" .. دي جمله كانت ضمن دعاء الرسول صل الله عليه وسلم ... 💚

وعلي الاساس ده الناس بيقولوا قهر الرجال أصعب وجع... بس ماحدش شاف الست القوية وهي بتقع. ⛔️

فيه ستات اتربّت من صغرها إن الدموع ضعف، وإن التعب ماينفعش يتقال، وإن لازم تبقى دايمًا عاقلة، متماسكة، سند لنفسها ولغيرها.😔

اتربّت على إنها تبقى "راجل في نفسها"،💔 مش بس علشان الدنيا صعبة، لكن كمان علشان محدش كان بيسمع، ومفيش حضن كان بيساع.🥺

الست دي لما بتتقهر بيتكسر جواها حاجة محدش بيشوفها.
بتحط وش القوة وتمشي💀... وتروح تعيط في صمت، وتلوم نفسها لأنها "مفروض تكون أقوى من كده".😢

القهر مش أصعب على الراجل ولا الست.👍
القهر أصعب على اللي اتعلّم يكتم، ويتكسف يقول
"أنا موجوع".🗣

اللي اتربّى يسمّي ضعفه "فشل".😒
واللي اتربّى يخبّي عيّطه جوه هدومه.🥺

كل حد محروم من التعبير عن وجعه... وجعه بيكون أعمق، وأخطر.😥😥

✨ عايزين نفتح مساحة لكل إنسان يتشاف، يتسمع، ويصدق إن مشاعره مش عيب.

مش لازم تكون "قوي" طول الوقت. أوقات كتير، الشجاعة الحقيقية... هي إنك تعترف إنك تعبت.🥰

Donia N. Konsowa

#التعافي #مشاعر #حقك

مساء الفل 💥💎

الرَّاحِمُونَ يَرْحَمُهُمْ الرَّحْمَنُ

سبحانك ياالله ... حاجه سهله وصعبه قوي 🤯😱 ... ازاي التمس العذر لحد انا موجوعه منه او ظلمني ؟؟؟؟😢🤬🤓😔

طب ما في سؤال مهم ... ناس كتير هتشوف انه سؤال ملوش لازمه ... بس انا ساعدني كتير ... يمكن حد يساعده ... 💓↔️

هل الانسان الجرح وظلم ده .. كان واعي وقاصد ؟؟؟
ولا تصرفاته دي جايه من وجع اصلا جواه وهو مش عارف يتعامل معاه 🤔🤔.... وضربت عندي انا في لغم محتاج اتعامل معاه 🫣🤫 ....

ناس كتير هتقول وانا مالي هو مر بإيه .. مش من حقه 😡.. صح جدا .. 🤩💃وأنا اصلا معنديش ألغام 🤣🤣🤣🤣 محدش معندوش ألغام ..صدقوني 😉😉

بس هل اني التمس العذر معناه اني اتنازل عن حقي❌️ او اني كده بديله حق يوجع ويجرح اي حد ...🤓🤓

لأ ولأ ولأ❌️❌️❌️ .. لكن هكون بعاتب برحمه💖 ... هكون بطالب بحقي بتفهم 🤍... مش بغضب 🤬.. هكون بطالب بيه بقوه وثبات وثقه🫷 مش بجبروت 😈ولا بإحساس اني ضحيه🥺🥺 ...

ماهو لو رحمت وانا بطلب حقي .. ربنا هيرحمني ويجبلي حقي لغاية عندي ... 🤍🤍🤍

مش هتكلم علي الاوبشن التاني🙉 .. انه يكون الانسان قاصد يوجع او يظلم ... لان طول عمري عندي وجهة نظر انه محدش بيتولد وحش لكن بيكون اتعرض لاختبارات من ربنا واختار السكه بتاعت القسوه وبيكون الشيطان زاينهاله واقنعه ان هي دي السكه الهتجبله حقه ... وهو ياحرام صدق 💥.. ربنا يقوينا كلنا يارب ❤️‍🩹🤲🤲🤲

وده بقي حواره حوار .... 🤲🤲

﴿ وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ﴾ [ فصلت: 34]

المره الجايه بقي نشوف حوار اللغم الضرب ده 🤣🤣🤣

Donia N. Konsowa



#التعافي
#الرضا
#دورك
#ترند
#الله