09/09/2025
بكتب البوست دا و انا عارف ان في كتير هيتجاهله بس حابب اعرف اللي شايف ان حبي للعربيات انا او غيري من الناس اللي بتحب العربيات عموما زايد عن اللزوم او بنالغ في الموضوع ... الفكره مش كده خالص .... حب العربيات مش هتوصله لو انت داخل لمصلحه او لهدف معين و السلام.... حب العربيات بيتزرع جوا كل واحد فينا .... لما تشوفنا قاعدين بنتابع عربيات الدريفت بتاعة المتسابقين و تفتكرها هيافه ف هي بالنسبالنا اهم من المسابقه نفسها لاننا بنعرف الجديد في التيونينج و التعديل الخارجي .... انتظارنا لعربيه جديده هتنزل السوق و نتسابق عشان نعرف اخبارها و تفاصيلها .... النقاش اللي بتخشه مع اصحابك في شئ معين قد يبان لناس تانيه خناقه بس هي بتبقي احسن خناقه ممكن ندخلها في حياتنا...... تشوفنا واقفين في الشارع بنصور عربيه نادره تقول دا اهبل دا ولا ايه بس هي بتبقي اعظم لحظه بالنسبالنا لما نشوف عربيه كلاسيك او نادره في مصر او حتي عربيه جديده نادرا ما تلاقيها .... كل ايفينت فيه ناس معدله عربياتها كلهم حابين بعض و بيدوا خبراتهم لبعض .... صوت التيربو او السوبر تشارجر اللي بتتمزج و يومك ميتظبطش غير بيه كأنه فنجان قهوتك دا لوحده عالم تاني..... الدخان و صوت الصريخ اللي بيطلع من الكاوتش مع كل سحبة هاند بتاخدك لعالم تاني ..... صوت الباك فاير و النار اللي طالعه منه لوحدها علاج لاي حاجه هتحس بيها الموضوع اكبر من شوية صاج علي اربع كاوتشات ماشيين عالاسفلت ... الموضوع حب و عشق و حياه بالنسبه لاي حد بيحب العربيات بجد❤❤❤❤❤❤
MONDY DRIFT
