بيت هادي - Fatma Talaat

من سنه كنت بدي سيشن
لبنوتة جميلة عندها ١٨ سنة تقريبا👩‍🦱

البنت من أول ما دخلت و أقعدت على الكرسي
دموعها موقفتش لحظة طول السيشن🥲

في وسط كلامها عن التحدي اللي جاية بيه
قالتلي انها وهي في بيتها بتفضل تعيط
وتقرص نفسها عشان تبطل عياط

تتوجع فا تفصل و تركز مع وجعها الجسدي بدل النفسي


بفتكر كان معايا بنت اتعرفت عليها اول ما دخلت الجامعة
كنت بلاقيها عندها خرابيش في ايديها كلها
وكانت بتقولي انها اللي مخربشة نفسها

تعرفي بيتعاملوا مع نفسهم كدا لية ؟؟ 🤷🏻‍♀️

في بداية مرحله المراهقة

الأولاد (بنت او ولد )
محتاجين مساحة آمان يعبروا فيها عن اوجعاهم وتخبطاتهم

وقبلها انهم يعرفوا يعبروا ويعرفوا مشاعرهم
وانهم يتقبلوها ويتعاملوا معاها

ودا بدايتها من انك انتي تتقبلي مشاعرهم زي (لو قالتلك انا محدش بيحبني فاتبدأي تسمعي لو عندها قصه مع صحبتها مضيقاها تسمعيها بهدوء وتحضنيها )

متقلليش منها زي ( وايه يعني فكك وكبري دماغك مش مستاهل تزعلي يعني ، اه دي شكلها هرمونات بقا )

ولا الأفراط زي ( احنا عملنالك ايه عشان تخوفينا عليكي كدا داحنا بنفسحك وبنجبلك كل اللي نفسك فيه )
او تحسي بالذنب وتبدأي تدليل مفرط مفيش قواعد و لا حدود كل اللي انتي عايزاه اعمليه

تقبل مشاعرهم زي ماهي
الأستماع من غير مقاطعة
كأنها صحبتك
بيحميهم من انهم يأذوا نفسهم

أخر السيشن 👉

البنت خدت نفس عمييق

وقالتلي انها كانت خايفة أقعد اديها محاضرة

قالت الحمدلله انك فهمتي مشاعري👌

شاركيني بتتصرفي مع أولادك ازاي لما يجولك موجوعين ؟

صحبة غالية على قلبي بعتتلي👩🏼‍❤️‍💋‍👩🏼

من قريب عن درس في المسجد
وقالتلي دا جنبك تعالي نروح الدرس بيشرح
كتاب "بداية الهداية" للأمام الغزالي

فا قولتلها يلا بينا

خدت فيروز و روحت المسجد احضر الدرس
كان بقالي سنين
مش بروح المسجد غير في رمضان

لأقيت حبه من الناس هناك قليلة
وناس معاهم ولادهم اطفال
لابسين اسدالات شكلهم جميل وبيلعبوا

سرحت فيهم شوية وافتكرت وانا طفله
خالتو كان خروجتها مع أصحابها في المساجد
وكانت بتاخدني معاها دايما

ودا من أسباب حبي للمساجد وقلبي متعلق بيها

حسيت لما روحت ان فايتنا حاجة مهمه أوي

للحظة فكرت ان زي ما بنفكر
نخرج مع اولادنا في نادي
او kids area
بناكل برة سوا
نعمل Activity

محتاجين خروجة للمسجد ، وجودنا بس في المكان
في ظل الزمن كمان اللي احنا فيه

أكتر مكان هنخرج فيه ينفعنا دنيا وأخرة

إزاي تتعاملي مع أولادك فوق سن 14 ؟ 👫

🏡عارفة لما تقرري تفوري البيت تبيضيه وتغيري العفش وتشوفي ايه الحاجات اللي هترميها وتشتري غيرها و ايه اللى هتوضييه من جديد

هو دا نفسه حياتهم من جواهم مدربكه في مرحلة المراهقة
مهم جدا تكوني متفهماها

احترام المساحة الشخصية واحدة من اهم القرب ليهم و تقليل غضبهم
⛰️احترام خصوصية الموبايل (متفتشيش فيه)
⛰️ تخبطي على الباب وتستأذني
⛰️لو له درج او كشكول مش حابب حد يفتحه متفتحوش

🧠 المخ في الوقت دا سريع الأنفعال والأشتعال، حساس فاتفهمه ان مخه بيتكون

وفي نفس الوقت اوقفه عند حدوده لو تجاوز زي انا متفهمه انك غضبان 🤚 مش هقدر اكمل الكلام معاك كدا

🗣 لما يتكلم معاكي اسمعيه عشان تفهميه مش بتفكري وبتحضرى رد

استماع بدون حكم زي لو قالك و سبت صحبي وكان محتاجني واضطريت امشي لسبب ما فا تقوليله انت ندل
كملي اسمعيه

التركيز على تحسين التصرف زي تقدر تساعده ازاي المرة الجاية

🫵 بلاش الكلام من نوع ايه اللي بقيت تلبسه دا
انت يا ابني كل اما تكبر تتهطل انا قولت هتكبر وتعقل

ركزي على الحلو وشاوري عليه

في خطوات منك بتبعد عن القلب 👣
وخطوات منك بتقرب من القلب 👣

هتختاري تمشي في انهي طريق ؟

وانتي قاعدة لأقيتي حال ابنك متغير 🙄
عصبي
بيتكلم بعصبية
بيخرب في الكرسي

عندك اختيارين :

انك تقوليله شكلك محتاج علقه وتضرب
ههزقك عشان تتظبط
انت ايه اللي انت بتعمله دا طب مش هجبلك الحاجات اللي طلبتها مني

أو

تسأليه بهدوء شكلك غضبان ودا مش معناه انك تخرب الكرسي
انت حاسس بأية ؟
محتاج ايه يخليك اهدى ؟؟ ممكن اساعدك إزاي ؟

👈الأولي فيها تنفيس عن غضبك ومعندكيش اى مبرر غير انها قله أدب
وهو يفكر انه مزعج وماما شيفاني مزعج فا يزيد ويخلق فجوة بينكم نفسيا

👈التانية انتي هتفهمي ان تصرفه معناه ان جواه حاجة انتي هتساعديه فيها يتواصل مع نفسه ويفهمها و هيخلق بينكم قرب من القلب

مبروووووك لينا 😍🇪🇬✌️

في يوم من حوالي ٣ ستين
قررت أواجه أكتر حاجة
طول عمري بخاف منها

نزلت اتمرن سباحه🏊‍♀️
انا كنت بترعب انزل المياه

في رابع سيشن ليا في التمرين
كان معايا بنت ماشاء الله منطلقة
وسابقاني

فا قولتلها ماشاء الله انتي بتتتمرني
بقالك فترة قد ايه أو كنتي بتنزلي المياه عادي قبل كدا

عرفت انها كانت بتخاف زي بالظبط
ودي كانت رابع سيشن ليها

وقتها من التجربة دي أمنت سبحان الله
بقدرات كل شخص مختلفة عن التاني

بس احترمت قدراتي و كان بنسبالي اني نزلت في العميق
دا انجاز كبير أوي اساسا بنسبالي

ونيجي هنا أكلمك عن كلامك بينك وبين نفسك
عن أولادك

دي بنت صحبتي طلعلها أسنان و انا ابني لسة
دا ابن قربتي بدأ يمشي و يتكلم و انا ابني لسة

دا صحبة بنتي شاطرة جدا ودرجاتها عالية
وبنتي مهما تذاكر درجاتها مش عالية

المقارنة قاسية وغير عادلة
أولادك محتاجين ياخدو وقتهم و يحترم قدراتهم

سواء في الدراسة أو تمرين أهم حاجة السعى وانها بتحاول
والمشي والكلام انه يكون في وقت نموه الطبيعي لسة

عيد أضحى مبارك 🐏
كل عام وانتم وحبايبكم بألف خير 🤍🤍

لن تكوني رائعة كل يوم ولكن التقدم يهم 🤍🤍