مشوار للجميع

اللهم اتمم علينا فضلك واكتبها لكل الابطال
عاش مشوار

بعلم الوصول

ما تيجو نتخيل مع بعض السيناريو الاسؤ

يالا بينا
خبر عاجل
تم رفض الجهات المختصة للحدث الكبير

طبعا 95%من وسط اللعبه هيفرحو جدا لهذا الإخفاق وهذا الخبر الجميل المبهج بالنسبة لهم
و هيتبادلو التهنئه فيما بينهم
لانهم هيكونو عملو إنجاز كبير جدا لأنهم وقفو امام الفساد من وجهة نظرهم زي ما عهدناهم دوما
علي مدار ثلاثة عقود وطبعا فيه منهم كان لسه وقتها
بيقول عالسكر اوكر وفي منهم لسه داخل المجال من سنين اساسا وعامل نفسه حامي حمي اللعبه وهو خربان ما دريان
دول بالامانه
كانو ونعم النصير للعبه واللاعبين 😂😂😂😂
وكانو بيقولو للاعور انت أعور في عينه علي مرأي ومسمع الجميع
قبل

ومشوار بقي وقتها كان متواطئ وخسيس وبتاع شو ولقطه وسبوبه وكنا عايشين بمبدأ جحا
طالما بعيد عن بيتي ومالو يجوز
خليك مع المصلحه ووطي وبوس الأيد اللي متعرفش تقطعها
95%هيبتهجو ويفرحو ويهللو ويكبرو لهذا النجاح العظيم بفشل
لعدة أسباب
1:لأنهم هيوفرو علي الدوله والاتحاد مصاريف السفريه الي اصلا احنا كنا هنطلعها علي نفقتنا الشخصية وجاهزين
بس الناس دي ضميرهم حي وبيقفو دايما ضد اي حد بيصرف فلوس الدوله عاللقطه والشو في أحداث اللقطه والشو الفائته وعمرهم ما شاركو فيها ابددددداااا
لا مؤاخذه😀😀😀
95%من احباب اللعبه والمثقفين والمتميزين مواطنين شرفاء وأصحاب التاريخ الكبير الطويل العريض دول اللي عمرهم ما طبلو ولا هللو ولا حشدو ناس بمقابل ابدااااا
ولا مؤاخذه
😁😁
هيقولو الحمد لله اننا قدرنا نوقف هذا العبث والهجص وهذا
#الفنكوش
ونحافظ علي موارد الدوله مع اننا مش هناخد مليم من الدوله اصلا 😂😂😂
وطالعين الحدث كله علي نفقتنا الخاصه
وطبعا
نجاح هذا الحدث هيساعد.علي
استمرار هذه المنظومه الجديده اللي لغيت منتخبات الطريق ومنعت وجود سباقات دوري وجمهورية ولم تدشن منتخبات قويه وتعيين مدربين جدد
وقتلت المواهب في عام ونصف من توليها المنصب وده كله طبعا ضد المصلحه العامه للعبه
لا مؤاخذه
ويجب استبدالها بإدارة اخرى
نضيفه ظريفه لطيفه هاديه
عشان نفرح زي ما كنا فرحانين قبل كده في ظل الادارات الفائته وننبسط
الي كانو مثال حي علي النشاط والجوده العاليه وعملو الي محدش يعرف يقوم بيه علي مدار 30سنه متواصله من الإنجازات الملموسة عالأرض 😀😀😀
طب وال5%اللي كانو متحمسين للحدث الكبير
سواء من المشاركين أو من المرتزقه أصحاب المصالح الشخصية والسبوبه
اللي هو احنا واللي أنا علي رأسهم
اخيرا الفرق اللي بين مشوار و95%من الوسط
ان مشوار كان بيعرض ويطبل ويتربح من اللعبه وبيحضر كل حاجه فيها لقطة وشو وبيحشد اعضائه للمشاركه في الأحداث من أجل منصب أو هديه
لكن 95%من الوسط كانو بيعلمو وشغالين عالأرض وسط مشاكل وعقبات مقصودة لتعطيلهم واتعرضو للتهديد المباشر والغير مباشر وكانو بيتم معارضتهم وتوقيفهم في كل مكان وراحو النيابه واتعمل عليهم اكتر من 45استعلام أمني فالسكن وأماكن العمل ده غير أنهم علمو الناس معني الترحال وشجعوهم علي ممارسة اللعبه وعمرهم ما ظهرو في برنامج متلفز
حرام والله 5%من الوسط يفرحو
وباقي الوسط يزعل
طب تعالو نشوف راي الورود والوحوش اللي شغالين عالأرض من سنين
واللي هيطلعو علي نفقتهم الشخصية
يا تري هيكون رد فعلهم ايه في حال إلغاء الحدث ؟؟؟؟؟
هو ده مشوار
انت مين ؟؟؟؟؟
كلامي لمسؤولين
مش للبراشوتات
ولا ولاد.اول امبارح عالطريق
بنذلل كل العقبات المقصوده والغير مقصوده
لإنجاح الحدث الكبير

قضي الامر الذي فيه تستفتيان

❤️❤️

❤️ ❤️
❤️

#مشوار #دراجون #رحالة #مشوار .. 🔥🔥
🚴‍♂️🚴‍♀️
🕋🕋
🇾🇪🚴‍♂️🚴‍♀️
🚴‍♂️🚴‍♀️
🇾🇪🔺️🚴‍♂️🚴‍♀️🕋

تم الانتهاء من الحدث الجمعة ١ مايو ٢٠٢٦ .. طريق المعادي ش الجزائر إلى اللاسلكي لزهراء المعادي لمطلع التنين عبر طريق القاهرة السخنة ونقطة النهاية رابع كوبري بعد بوابة القاهرة : ذهاب وعودة ... بواقع إجمالى:
76.8 كم
اقصى ارتفاع: 449 m
ارتفاعات مكتسبة: 553 m

اما كابتن وسام بدأ وانهى من الهرم بواقع إجمالى 120 kms

فريق مشوار يصول ويجول بالتدريبات في أنحاء الجمهورية استعدادا للحدث العالمي
من الهرم إلى الحرم
كابتن/ وشاح مشوار