ألش رخيص بس مش رخيص اوي

07/07/2026

كابتن وائل جمعه جاي في تقديمة حسين عموتة واللي هي اول مؤتمر صحفي ليه برضه وقال الاية (ربنا افتح بيننا وبين قومنا بالحق وانت خير الفاتحين) مايعرفش ان سيدنا شعيب قال الدعا ده لما قومه ظلموه يعني بيدعي عليهم ياريت ياكابنن وائل قبل ماتقول حاجة اواية تتاكد من معناها ولا انت جاي غصب ولا ايه 😅 وائل جمعة - Wael Gomaa

24/05/2026

جمهور الزمالك المتخلف شايف ان حسام حسن قاصد يتجاهل لعيبة الزمالك مع انها لعيبة سوبر وف نفس الوقت شايف ان لعيبة الاهلي لعيبة جامدة وان ده فريق المليار وان فريقهم بيلعب ب رغيف طعمية انه حقق معجزة انه ياخد الدوري ماهو برضه حسام بيهزر ازاي ماياخدش خوان بيزيرا مع ان مدرب البرازيل سايبه علي اساس ان حسام هياخده منتخب مصر بلاش بيزيرا ممكن ماشافوش عشان كان في جيب كوكا عندك عدي الدباغ وادم كايد هتقولي دول فلسطينيين طب مالاتحاد المصري بيعامل الفلسطينيين معاملة المصريين ايه المشكلة اما الاتحاد الدولي كمان يحسبهم مصريين مش كده ياحسام كفاية اضطهاد للعيبة الزمالك عشان هما بياكدو انك هتخرج م الدور الاول من كاس العالم اللي مصر كل بطولة بتوصل النهائي فيه انت حر بقي 😅😅

22/05/2026

انا بتخض والله ياريت ماتبعتوش في عيد الاضحى وانا مقدر ذوقكو كانكو هنيتوني😅🤭

12/05/2026

ألا مافيه حد من المواطنين محدد دقنه حتى..

11/05/2026

بيزيرا عدي كارته بلبيس

11/05/2026

امبارح شفت لقاء قديم لعمرو الصفتي بيتكلم فيه عن دوري 2002.. اللي فاز بيه الاسماعيل وهو اخر دوري يفوز بيه.. واخر دوري يفوز بيه بطل غير الأهلي والزمالك.

عمرو الصفتي قال حاجة غريبة، قال ان المنافسة في الدوري كانت بين الإسماعيلي والأهلي... واخر ماتش معانا (النادي المصري) كان مع الإسماعيلي.. بس قبلها هنلاعب الزمالك.. فيوم ماتش الزمالك.. قلت لجمال حمزة وحازم امام لازم نكسبكم علشان منهبطش والا هنضطر نعطل الإسماعيلي والأهلي ياخد الدوري.. وقال اننا قدرنا نكسب 2-1.. وخسرنا من الإسماعيلي والإهلي خسر الدوري... وان لاعيبة الزمالك لما جابوا جول فينا كانوا زعلانين...

انا ماليش دعوى باللي قاله عمرو الصفتي...

بس تعالى اقولك اللي حصل في دوري 2002.. واللي حصل في المباراة الأخيرة...

الدوري دا كنا 14 فريق بس.. يعني الدور كله شاكب راكب 26 ماتش.. حسام حسان كان هدافه بـ 18 هدف.. متخيل 18 هدف في 26 ماتش.. دلوقتي الدوري حاجة و30 ماتش.. والهداف بيبقى جايب 10 اهداف.

احلى ماتشات في دوري 2002... كانت لقاء الأهلي والزمالك 6-1 وفي الدور الأول الزمالك كسب 2-1... وحرفيا كل جمهور الأهلي محدش كان متوقع نتيجة 6-1... ويتحمل النتيجة مدرب الزمالك أوتوفيستر اللي كان عنده قناة انه هيكسب الأهلي باي حد...
برضه فيه لقاء الإسماعيلي والأهلي 4-4 في الإياب.. وفي الذهاب اتعادلوا 1-1... عايز اقولك ان الاهلي لو كسب ماتش 4-4 دا كان خد الدوري... تخيل..

الإسماعيلي فاز على الزمالك 4-3 ... واتعادلوا 0-0

اجمالا الإسماعيلي لعب 26 مباراة كسب 20 واتعادل 6 ومخسرش ولا مباراة.. وحقق دوري اللا هزيمة مع مدربه محسن صالح.. وبعدها راح محسن صالح يدرب المنتخب وخرجنا بفضيحة من أمم افريقيا 2004 في تونس.

نيجي بقى لماتش عمرو الصفتي... عارف الإسماعيلي كسب المصري في اخر مباراة كام... 3-2، الإسماعيلي أتقدم بهدف لعماد النحاس... فاتعادل المصري بضربة راس لايهاب جلال الله يرحمه... الإسماعيلي أتقدم بهدف لعمرو فهيم... فاتعادل المصري بهدف لعمرو الدسوقي...

الماتش كمان شهد طرد عمرو الصفتي في الدقيقة 21 في الشوط التاني.. ومع ذلك المصري كان متماسك جدا وبيلعب كورة كويسة.. ودخل فيه هدف في الدقيقة 85 برضه عمرو فهيم.. وبركات كان نجم اللقاء دا وكان بعد كل هدف بيخلع التيشيرت بتاعه ويكون لابس كات لونه ابيض مش مكتوب ولا عليه أي حاجة.. فمش عارف بيخلع التيشيرت ليه..

اللي يخليني اقولك ان المصري مباعش الماتش... ان أولا الإسماعيلي كان فريق جبار.. بيلعب في الإسماعيلية.. ومخسرش ولا ماتش في الدوري أصلا.. ضيف على كل دا... ان المصري مدربه أنور سلامة ودا من أبناء النادي الأهلي.. ومكانش هيسمح بحاجة زي كدا...

أنور سلامة مدرب المصري قدر يجمع 21 نقطة في 12 مباراة... وقدر انه يخلي المصري في الدوري بعد ما كان بينافس على الهبوط وقتها

ولو عمرو الصفتي عمل كدا.. فدا تصرف من دماغه.. ونفسي اللاعيبة اللي بتطلع تلعلع دي.. يبقى ليها عقاب علشان دي اسمها خيانة امانة... خيانة للمكان اللي انت بتقبض منه.. وخيانة للناس اللي قاطعة تذكرة ورايحة تتفرج عليك... ودي حاجة مش مصدر فخر خالص.. أيا ما كان انتمائك..

بعد ما المباراة خلصت... اشتغلت اغنية "نعناع الجنينة المسقي في حيضانه.. شجر الموز طرح... ضلل على عيدانه.. ومش عارف ايه علاقتها بالدوري... بس احنا ناس طيبين ونستاهل كل خير.

10/05/2026

سمعت البوابين اللي تحت البيت بيهيصو قلت الزمالك جاب جون دخلت نمت صحيت الصبح لقيت الزمالك خسران واحدقلت الجون اتلغي عادي اكتشفت ان الجون اتلغي والزمالك جاب جون تاني واتلغي ونفس الكورة اتحسبت ضربة جزاء ودخلت ف الدقيقة الاخيرة بيقولك ادوية الجلطة نقصت م الصيدليات 😅😅

08/05/2026

😅😅

08/05/2026