DraGon Gym

🔅هعمل فورمه فكام يوم ياكابتن🤔!

سوال شائع ومنتشر وملهوش معني.❕

🔹التحول فشكل جسمك اذا كان زيادة في الكتلة العضلية أو بتخس بيقف ع استجابه جسمك للتمرين ولنظامك الغذائي بمعني تاني إستجابة جسمك غير إستجابة جسمي..

🔹فبدايه نزولك للجيم اكيد نزلت مع صحابك ولاحظت ان في تغير فزميلك وانت لسه مفيش تغير او صاحبك ظهر عليه النتيجه بسرعه وانت زي مابدات مفيش تغير ودا يخليك تعرف ان الموضوع بيعتمد علي الجينات الوراثية.

🔸بس اكيد دا مكنش عائق لمتدربين كتير واثبتو ان موضوع الجينات دا ليس الا تعجيز للنفس و استمرو فالتمرين واشتغلو ع نفسهم فترات مش بالقليله لحد ماقدرو يوصلو لمكانه اكتر مما كانو يتوقعو .

🔸بدل مانت بتسال انا هعمل دا امتي او نازل انك هتعمل فورمه فاسبوع بدون روت او تاخد كلمه من كابتن يقولك شهر وهخليك دبابه وبعد الشهر متلاقيش فتياس وتقعد ، خلي عندك صبر واشتغل ع نفسك وحب تمرينك وان شاء الله هتوصل.

🔔نتيجه اي حاجه فحياتنا هتيجي بعد جهد وتعب وتنظيم واصرار ، هتتسرع مش هتلاقي او هتلاقي الي مش هيرضيك ، اشتغل ع نفسك و كبر نفسك فعينك
وربنا هيراضيك وزياده ✔️♥️
====================
- لو عجبك البوست و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك
و لو عندك معلومه ممكن تضيفها في كومنت ...
ولو عندك اي سوال تابعنا ع رسايل الصفحه.
وقوللنا اهم المواضيع الي محتاجين تعرفو عنها.🔥✅

بقولك ايه ياكوتش المياه غلط فالتمرين! 💦

_من الهبدات والاخطاء المنتشره جدا هي: متشربش مياه وسط التمرين !!
⬅️تعال كدا هفهمك كام نقطه :
-لو عاوز تحافظ و وتزود الMucsle و تقلل الدهون و تبقى صحتك كويسة .. لازم لازم تحافظ على شرب المياه واكيد في التمرين.. عارف ليه تعال هقولك ليه🤷🏻‍♂️
- المياه تقريبا بتمثل ٧٠٪ من كتلة العضلات.
- شرب المياه بيشتغل على تحسين الأداء أثناء التمرين، وبيقلل طبعا من التعب، ويقلل من وقت الRecovery بتاع جسمك .
-المياه بتساعد في تنظيم درجة حرارة جسمك واهم وقت وانت بتتمرن, عشان في التمرين عضلاتك بتولد حرارة من الطاقة أعلي 20 مرة من وانت قاعد في حالة السكون .
🚫ونقطه مهمه جدا المياه بتساعد ع نقل ثاني اكسيد الكربون والجلوكوز والاحماض الامينيه والاكسجين بين خلايا جسمك ودا بيزود عمليه الحرق فجسمك🔥.
ايه دا يعني المياه مطلعتش غلط اهي لو انت بتخس🤦🏻‍♂️
⬅️ دا غير طبعا ان المياه بتحافظ ع البشره وتوازن سوائل الجسم وتوازن وظائف الامعاء بتاعت جسمك.
⬅️المياه مهمه فالاحماء و لالياف جسمك وبتقلل الاصابات كمان.
⬅️قله المياه وعدم تشبع جسمك بالمياه ممكن يجبلك Cramps في عضلاتك و مجهودك يبقي ضعيف وعندك صداع باستمرار.
🔴طيب سوال ياكوتش انا اعرف منين انا واخد احتياج جسمي من المياه ولا لا :
أحسن مؤشر تعرف منه جسمك متشبع بالمياه ولا لا هو لون البول, طالما لونه غامق يبقي جسمك محتاج مياه.
نهاركو زي قلبكو♥️
====================
- لو عجبك البوست و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك
و لو عندك معلومه ممكن تضيفها في كومنت ...
ولو عندك اي سوال تابعنا ع رسايل الصفحه.
وقوللنا اهم المواضيع الي محتاجين تعرفو عنها.🔥✅

مفيش حاجة اسمها انا عايز اوصل للوزن المثالي وطولي يبقي زي وزني
⬅️ الوزن المثالي يا جماعة، يعني ممكن تكون ٦٠ كيلو وعندك كرش و ترهلات عادي لأن نسبة الفات عندك عالية .. وممكن طولك يكون ١٧٠ سم ووزنك ٩٠ كيلو وعضلات بطنك منحوته ✨

ريحوا عقلكو واهتموا بصحتكم وشكل جسمكم ونظامكو الغذائي♥️👍🏻
صباحكو بيضحك♥️
====================
- لو عجبك البوست و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك
و لو عندك معلومه ممكن تضيفها في كومنت ...
ولو عندك اي سوال تابعنا ع رسايل الصفحه.
وقوللنا اهم المواضيع الي محتاجين تعرفو عنها.🔥✅

الBulk🦍
وايه الفرق بين المدرسه الجديده والمدرسه القديمه لكمال الاجسام !؟؟

⬅️دايما بتلاقي الي يقولك انا ففتره Bulk اكل الي انا عايزو!

‏Bulkيعني تضخيم عضلي، طبعا هتسال طب دا هعملو ازاي!!؟

⬅️هنضخم يعني رقم واحد المسئول عن الكلمه دي هي نوع التغذيه الي المتدرب هيعتمد عليها وكميات الاكل والسعرات الي بتدخلها جسمك ع مدار اليوم

⬅️طيب نوع التمرين مهم فالضخامه!؟
_التمرين مهم اكيد بس مبيأثرش بشكل كبير في عمليه الBulk
⬅️ايوا برضو اعمل ايه !؟
هقولك تعمل ايه.. ضخامه يعني اكل اكتر من المعتاد لازم تفهم وتقنع دماغك هو انك لازم تاكل اكتر من الي انت متعود عليه او بمعني تاني اكتر من الي انت بتاكلو ففتره التنشيف.
⬅️بروتين/ دهون صحيه / كاربوهيدرات :العناصر الغذائيه المعتاده الي لازم تهتم بيها وتاكلها اكتر من المعتاد
ف لو بتاكل طبق رز صغير خليهم اتنين ولو بتاكل بيضتين خليهم اربعه بتاكل ٥٠ جرام مكسرات خليهم ١٠٠ كل الاخضر باليابس لحد متطرد من البيت😌

كدا احنا فهمنا يعني ايه بالك وامشي عليه ازاي تعال بقه نعرف الفرق بين المدرسه الجديدع والمدرسه القديمه!

⬅️المدرسه الجديده؛ معتدمه اعتمال كلي ع فكره الclean bulk يعني تضخم بأقل نسبه فات تقدر تعملها
وهنلاقي معظم الابطال واللاعبين بيتعمدو ع دايت وبياكلو كميات اكبر من البروتين والكارب والدهون الصحيه

⬅️ نيجي للمدرسه القديمه : زمان اللاعبين كان بالنسبلهم الفتره دي فري مسموحلهم ياكلو اي حاجه تقابلهم من غير نظام ولا دايت محسوب المهم انهم يدخلو لجسم اكبر عدد من السعرات اذا كان بقه برجر او حلويات ودا كان بيخلي الناس ففتره الاوف سيزون شكلهم مش مناسب للقب محترفين🤷🏻‍♂️

- لو عجبك المقال و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك

منشن لصديق التمرين
اعمل #شير و فيد غيرك

انا هاخد وقت قد ايه عشان اوصل للجسم دا!!؟

◀️سوال طبيعي ويعتبر اكتر سوال بيتسال من جانب اي لاعب مبتدا .

مستعد للرحلة ولا هتتعطل في نص الطريق؟🚀

_ طبيعي علشان تبني عضلات هتحتاج مجهود من ٦شهور لسنه كامله، معظم الناس عايزين نتايج سريعه فيوم وليله

⬅️اول شهر مش هتشوف أي نتايج تذكر بغض النظر عن الجهد اللي بتبذله في التمرين ، في الشهر الاول جسمك وعضلاتك هتمر بمرحله التكيف مع عمليه بناء وتكسير الالياف العضليه .

⬅️تاني شهر وتالت شهر هتبدا تلاقي تغير فشكل وحجم العضله

⬅️ بعد اول ٣شهور تمرين وجهد وطبعا الاكل الصحي والتكيف جسمك بيزيد نص كيلو لكيلو عضل ،طبعا دلوقتي استغربتو وعارف انو ممكن ميكنوش رقم عالي لاكن زي مقولت بناء العضلات بيحتاج من ٦شهور لسنه.

⬅️بعد ٦:٧ شهور بتزيد من ٣ل٦ كيلو عضلات

⬅️وبعد سنه بيبيقي مبين ٦ل١٢ كيلو عضل طبعا رقم
ممكن يغير حياه وشكل وجسم انسان

*بعد اول سنه تمرين*
↩️لو كنت لسه بتتمرن بعد اول سنه وللاسف شباب كتير جدا بيقعد بعد كام شهر عشان مبيلاقيش نتايج فوريه لازم تفهم إن عملية بناء العضلات هتبطئ شوية ، بصفة عامة كل سنة جديدة هتكتسب نص اللي قدرت تكتسبه من الكتلة العضلية مقارنة بالسنة اللي قبلها مثلا السنه اولي كسبت ٦ ك عضل ، السنه التانيه ٣ك عضل ، السنه التالته كيلو عضل وهكذا...

⬅️ معظم المتدربين بتوقف تمرين قبل متبدا حتي على نص كيلو عضل ، فلو كنت شخص عادى مش هتستمر ست شهور متتعبش نفسك وتنزل وتعمل مجهود ، أنا مش بقولك كده علشان أحبطك ، بالعكس عايزك تستخدم المعلومات دي كدوافع تحفيزية ليك ، حدد أهدافك وإصبر عليها وإتعبلها هتوصل وصدق نفسك وخدها كتحدي مش كاوسيله عشان تلفت النظر الناس ليك ♥️
====================
- لو عجبك البوست و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك
و لو عندك معلومه ممكن تضيفها في كومنت ...
ولو عندك اي سوال تابعنا ع رسايل الصفحه.
وقوللنا اهم المواضيع الي محتاجين تعرفو عنها.🔥✅

١٠٠٠ عده بطن فاليوم 💥

هلعب بطن كل يوم ١٠٠٠ علشان اعمل سيكس باك واوصل للشكل المثالي الي فدماغي

⬅️علميا وعمليا مفيش حاجه اسمها كدا ، عشان تظهر عضلات بطنك بتتوقف ع عامل واحد وهو نسبه الدهون الي فجسمك في علاقه عكسيه مبين عضلاتك ودهونك (كل ما قلت نسبه الدهون كل ما عضلات جسمك ظهرت اكتر) فانت بتحتاج تتخلص من دهون جسمك كلها لان علميا مستحيل تقدر تؤمر جسمك انه يحرق دهون منطقه معينه .

⬅️طيب اقلل نسبه دهوني ازاي ياكوتش!؟

_ الاجابه هتلاقيها فالبوست هنا https://www.facebook.com/527098748096212/posts/633133397492746/ 💫
====================
- لو عجبك المقال و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك

منشن لصديق التمرين
اعمل #شير و فيد غيرك

🔅من الحاجات الي لازم تسمعها وهتقابلك وحاول ع قد ماتقدر تقتل الي هيقولهالك🚶🏻‍♂️😂

⬅️ في التضخيم تاكل كل حاجه عشان تضخم طبعا دا غلطط ولو عملت كدا هتزيد نسبه دهونك جدا ولما تيجي فتره التنشيف هتتعب وهتلاقي صعوبه جدا

⬅️ في التنشيف لازم تقطع كارب ودهون وتبتعد عن العالم. ودا غلط طبعا 🤣 التنشيف عباره عن انك بتقلل سعراتك عن اقل من احتياجك وترفع نسبه البروتين واكيد ميمفعش تقطع كارب

⬅️نظام الbro split(العضله الواحده ) افضل نظام لزياده الكتله العضليه ودا غلط طبعا عشان في انظمه تمارين كتير زيppl& upper lower& واكيد مش كل الناس واحد ... وفي الي هيستجيب لاسلوب معين والتاني لا.

⬅️ شرب المياه غلط فالتمرين وانا بقولك اول متسمع الكلمه دي احدفو بالدمبل 😂

⬅️ استشفاء العضله الكبيره بياخد من ٤ل٥ ايام والصغيره ٢ل٣ علميااا غلط طبعااا الي بيحدد الاستشفاء اكلك ونومك لو بتاكل و تنام كويس الاستشفاء مش هيبقي اقل من ٧٢ساعه ولو انت مقصر هتاخد مده مش بالقليله و صعب تلاقي نتايج فالبناء العضلي اساسا👍🏻

متنساش كومنت وشير عشان يوصلك الجديد🔥

- لما تدخل تمرينة مع صاحبك الفورمة وتلاقيه بيبدأ اول مجموعة بالوزن للي انت بتنهي تمرينك بيه :"

⬅️هو انا ممكن اضخم واخس فنفس الوقت!!!

واحد من أكتر الأسئلة اللي بتتقال من الناس اللي نفسها تقلل وزنها و تبني عضلات ، الإجابة أيوة ينفع جدا ، ممكن تكتسب عضلات و تخسر الدهون في نفس الوقت

⬅️ لو روحت للاساس هتلاقي اغلبيه المتخصصين فالتغذيه و اللياقه البدنيه بينصحو بزياده الكتله العضليه بهدف تسريع عملية حرق الدهون و السعرات الحرارية الزايدة ،

⬅️ السبب إنه كل ما نسبة عضلاتك زادت أكتر هتحرق سعرات حرارية و دهون أكتر لإن العضلات بتزود من معدل الأيض الأساسي (الحرق)

⬅️ علشان تقدر تبني عضلات و انت بتحرق اهتم بالكارديو بجانب الحديد ، الكارديو عموما لاغني عنو فااي مرحله وان شاء لله هننزل بوست مفصل عن الكارديو و ما تسمعش لحد يقولك إلعب كارديو الأول علشان تخس بعدين إبدأ إلعب حديد ، غالبا الشخص ده هتلاقيه في الأصل كان شغال نقاش 😂😂

⬅️ طبعا الكارديو عامل مساعد جمب
- خطتك الغذائيه السليمة و المتوازنة و المتصممة مخصوص ليك عشان توصلك لهدفك وطبعا عمرك ما هتقدر تبني عضلات و تحرق دهون في نفس الوقت حتى لو اتمرنت كل يوم بالساعات الا وانت ماشي ع الخطوات الي فاتت دي 🤷🏻‍♂️

-كارديو⬅️نظام غذائي ⬅️تمرين⬅️راحه =هدفك🔥
====================
- لو عجبك المقال و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك

منشن لصديق التمرين
اعمل #شير و فيد غيرك

‎كل شخص هتقابله في حياتك هو قصه و درس ليك
‎ذكائك انك تركز و تستفيد و تفهم الحكمه من كل قصه


‎فكر ... اتعلمت ايه من اللي فات
‎وهتحقق بيه ايه في اللي جاي
‎يومكم جميل ♥️

‎كل يوم بكتبلكم موضوعات في على مزاجي ف إيه رأيكم لو تقولولي هنا على المواضيع اللي تهمكم واللي حابين إني أتكلم فيها وأشرحها .. كل اللي عنده موضوع حابب يقرا عنه يقولي وهتكلم عنه في پوست

المكملات الغذائيه بعبع الامهات وبعض اللعيبه.😈

⬅️ المكملات ينفع اخدها من غير تمرين ؟

في مكملات تنفع زي حوارق الدهون الطبيعية تاخدها من غير تمرين مع نظام غذائي بس و فيه مكملات متنفعش خالص من غير تمرين

⬅️ حوارق الدهون بتأثر على القلب أو الضغط ؟

لو أنت عندك مشكلة اصلا فيهم مينفعش تاخدهم و لازم تسأل الدكتور بتاعك الاول لكن لو معندكش مشكلة مش هيأثروا عليك بـحاجة و برضه مينفعش تمشي على حوارق الدهون على طول إنت بتاخدهم لهدف معين و بمجرد إنك تنزل الدهون الزيادة اللي عندك تبطلها

⬅️ محفزات هرمون النمو و هرمون التست مضرة أو بتأثر على هرمون الجسم بعد كده أو بتظهر في التحاليل ؟

لأ دي فيتامينات و منتجات طبيعيه بتزود مستوي الهرمون اللي موجود في جسمك مش بتدخلك حاجة من بره ومبتظهرش في تحاليل ولا بتقلل مستوي هرمون جسمك الطبيعي.

⬅️ نيجي السوال المهم واكتر سوال بيواجهنا هي مضره!!❌

تقريبا الاشاعه دي هتفضل تطاردنا...عشان نعرف ليها اضرار ولا لا لازم نعرف يعني ايه( بروتين) من استخدامو
١/بناء العظام ٢/الجلد والأظافر والشعر ٣/العضلات والخلايا ، غير إنه له دور كبير فى انتاج كل الإنزيمات المهمة للجسم ، البروتين بيساعد الجسم على تكوين ٢٠حمض اميني منهم الاساسي اللي جسمك مبيقدرش يفرزو ولازم تاكله سواء اكل طبيعي او مكمل غذائي ومنهم اللي جسمك بيقدر يصنعهم وبيتقسم لنوعين بروتين حيواني وبروتين نباتي الفرق بينهم بيبقي في عدد الاحماض الامينية في الحيواني اكتر واهم من النباتي ٣/بناء العضلات وتقليل هدم العضلات لوقت كبير ، بإختصار بسيط البروتين يعتبر حاجه اساسيه لا غني عنها زي المياه والاكسجين بالظبط

⬅️نيجي بقه للمكملات الغذائيه: الي هي المفروض مضره بالنسبه لمعظم الناس مكملات البروتين عبارة عن مستخلص البروتين من الطعام زي اللبن و البيض ،معظم المكملات الغذائية الطبيعية مستخلصة من طعام طبيعي، أو مصنعة علشان تبقى بالظبط زي الأحماض الأمينية أو فيتامينات معينة ،اوعلشان تستفيد منه لازم تكون بتاكل كويس وماشي ع نظام غذائي محسوب.
(طبعا انت عرفت دلوقتي هي مضره ولا لا)

⬅️ واخيرا وليس اخرا : ياكوتش هو لو بطلت جيم جسمي هيتحول لدهون او هخس!؟

زي معرفنا فوق المكملات بتكمل احتياج جسمك وبتعوض الي انت مبتعرفش تدخلو جسمك من الاكل الطبيعي .. فطبيعي لما توقف مكملات وبالمقابل متعوضش اكل هتخس.

⬅️المكملات ليها سن معين!؟

معظم المكملات بتبدا من ١٨سنه وفي مكملات فوق ال٢١ سنه وعلي حسب المنتج.

====================
- لو عجبك البوست و استفدت منه اعمل لايك و شير
و See First للصفحه و تابعنا
علشان تشوف معلومات اكتر هاتفيدك و تساعدك توصل لهدفك
و لو عندك معلومه ممكن تضيفها في كومنت ...
ولو عندك اي سوال تابعنا ع رسايل الصفحه.
وقوللنا اهم المواضيع الي محتاجين تعرفو عنها.🔥✅