Muscles Factory

كذب من قال أنه لا يوجد في الإسلام :

١ - رفض غربلة #الدقيق لعمل الخبز : حديث أم أيمن
٢ - التحذير من الفول والعدس والبصل والثوم : وصفهم في القرآن بوصف (الأدنى)
٣ - أهمية #السكر للجسم : الآيات والأحاديث التي تذكر مصادر السكر مثل #العسل والتمر والعنب
٤ - أهمية #الدهون للجسم : آيات تحريمها على اليهود عقاباً لهم
٥ - أهمية #الخل للجسم : نعم الإدام الخل
٦ - أهمية #الزيتون للجسم : آيات قرآنيه عديده
٧ - أهمية توازن #الطعام والماء والهواء في الجسم : فثلث لطعامه وثلث لشرابه وثلث لنفسه
٨ - التحذير من الأكل بدون جوع : لا نأكل حتى نجوع
٩ - التحذير من الشبع : وإذا أكلنا لا نشبع
١٠ - إرتباط كل الأمراض بالمعده : المعدة بيت الداء
١١ - ضرورة عدم الإسراف : وكلوا وأشربوا ولا تسرفوا
١٢ - الإمتناع عن الطعام الفاسد والمضر : كلوا من طيبات ما رزقناكم
١٣ - شرب #الماء بطريقه صحيحه : لا يشربن أحدكم قائماً - اشربوا في ثلاث
١٤ - ضرورة عمل صيانة للجسم بالصيام : صوموا
تصحوا - وإن تصوموا خير لكم إن كنتم تعلمون

هو مين قال إن احنا لازم ناكل تلت مرات في اليوم ؟

فكرة إنك لازم تاكل فطار وغداء وعشاء، وكل وجبة فيها تشكيلة ألوان وأصناف، دي فكرة "صناعية" بحتة، اتعملت عشان تناسب مواعيد المصانع والشركات، مش عشان تناسب جسمك إنت!

بص كدا حواليك في الطبيعة.. الأسد، ملك الغابة، ممكن ياكل وجبة واحدة دسمة ويقعد بعدها من 3 لـ 5 أيام صايم وفي قمة هيبته ونشاطه. أما التمساح الكائن اللي عايش من ملايين السنين، فده ممكن ياكل أكلة تقيلة ويقضي بعدها شهور من غير ولا لقمة، وجسمه شغال زي الساعة!

@ربنا خلق جسمنا مهيأ علشان يكون في حاله صيام ،،

مسألتش نفسك ليه جسمك بيصلح نفسه وأنت نايم بالذات؟

السـ.ر ببساطة إنك صايم. طول ما معدتك فيها أكل، جسمك بيبقى كأنه في خناقة الهضم ومستهلك كل طاقته فيها.

أول ما بتنام والمعدة فاضية، جسمك بياخد الطاقة الجبارة دي ويوجهها لمهمة تانية خالص و بيبدأ يرمم الخلايا التالفة ويطرد السموم ويجدد نشاطك.

إحنا بنـ.مرض لأننا مش بنسيب فرصة لجسمنا يتنفس من زحمة الأكل. الصيام مش حرمان، الصيام هو "الكتالوج" الأصلي اللي جسمك بيستناه عشان ينضف الصدأ اللي جوه ويرجع جديد ،،

شارلز جلاس: لا تأكل الكربوهيدرات بعد التمرين مباشرة ، وانتظر ٤٥ دقيقه .. والأفضل انك تتناول مكمل البروتين ..

دينيس جيمس : لا يفضل ان تأخذ البروتين مباشرة بعد التمرين ، والأفضل اخذ الكاربوهيدرات .

طيب نعمل ايه احنا دلوقتى :D نأخد بروتين ولا كاربوهيدرات بعد التمرين ، انا شايف ان الواحد ياخد امينو ويريح نفسه :D

باختصار كل مدرب في اللعبه ده له آرائه ووجهه نظره اللي تختلف عن التاني
تابع مع مدرب واحد ومتحيرش نفسك من الكلام من كل مدرب عشان هتلاقي أغلب اللي هيتقال عكس بعض نهائي
خليك مع واحد بس عشان مش كل قاعده تمشي مع الجميع

المدرب اللي متابع معاك هو ال عارف حالتك كويسه اللي بناء عليها يحدد كل حاجه

ليه مش بنكتبلك نظام غذائي بس؟

ممكن تستغرب السؤال ده، وتقول: "دي وظيفة أي أخصائي تغذية، مش كده؟"

لكن خليني أوضحلك وجهة نظري كأخصائي تغذية تعامل مع ناس كتير وسمع نفس الطلب ده كتير اوي.

كتير مننا لما يقرر يغير نظام أكله أو يبدأ رحلة خسارة الوزن، أول حاجة بتيجي في باله إنه محتاج نظام مكتوب يمشي عليه ويفتكر إن ده الحل اللي هيخليه يوصل لهدفه.
فتبدأ تسأل: "مين يعرف دكتور كويس؟ عايز حد يكتبلي دايت!"

طيب، هتروح للدكتور، وهيعمل استشارة وياخد منك تفاصيل: وزنك، صحتك، أسلوب حياتك، وتفضيلاتك.
هيكتبلك نظام ومع أول أسبوع تلاقي نفسك متحمس، بتشتري أكل الدايت، وملتزم 100%.
تيجي بعد كده ثاني أسبوع، الحماس بيقل، الوجبات مملة، وعزومة هنا ومناسبة هناك.
"هعمل إيه؟ أعزل نفسي؟!"
والنهاية؟ ورقة النظام تضيع، ويبدأ الإحباط، وتقول لنفسك: "هو أنا مش قادر ألتزم ليه؟"

وهنا بحب أطمنك: المشكلة مش إرادتك.

الواقع إن فكرة الالتزام بورقة نظام غذائي مكتوب بتعتمد على مفهوم غلط.
إنك تمشي على نظام حد تاني حددلك كل تفصيلة في أكلك، ده حل غير مستدام.
ليه تاكل فرخة لو مش بتحبها؟ ليه تتقيد بحاجة مكتوبة؟

الحل؟
بدل ما تعتمد على ورقة نظام، تعلم أساسيات التغذية!
افهم احتياجات جسمك، وازاي تعدل أكل بيتك حسب ظروفك، شغلك، ومزاجك.
لما التغيير يكون بسيط وقابل للتنفيذ، قدرتك على الاستمرار هتزيد وثقتك في نفسك هتقوى.
مثال؟
➖ قلل الكميات بدل ما تمنع نفسك.
➖ عدل طريقة الطهي بدل ما تغير الوصفة كلها.

عايزك تتعلم تتعامل مع الأكل بشكل أذكى، وتفهم إن الصحة مش مجرد ورقة مكتوبة. الصحة هي إنك تلاقي حل يناسبك، تقدر تستمر عليه بسهولة، ويحقق ليك الراحة النفسية والجسدية.

لو مستعد تبدأ التغيير ده، أشترك في المتابعة الشهرية معانا ب 𝟐𝟓𝟎ج

وهتلاقي دعم يومي طوال الشهر. هنكون معاك خطوة بخطوة، نراجع تقدمك، ونساعدك في ضبط أكلك بشكل يناسب احتياجاتك وأسلوب حياتك.

✉️ اشترك معانا دلوقتي وهنساعدك في توفير النظام الغذائي المناسب ليك
Diet and Wellness: No Fat, No Illness.


#دايت

يعني اي لقيمات؟
الحديث ده واحد من أهم مبادئ الصحة العامة والتوازن الغذائي

النبي ﷺ قال: "ما ملأ آدمي وعاءً شرًّا من بطن، بحسب ابن آدم أكلات يقمن صلبه، فإن كان لا محالة فثلث لطعامه، وثلث لشرابه، وثلث لنَفَسِه"

يعني اي .... تعالى نفهمها حته حته بشكل مبسط ونوضحها بالتغذية العلاجية

1️⃣ "ما ملأ آدمي وعاءً شرًّا من بطن"

▪️هنا النبي ﷺ بيقول إن أسوأ حاجة ممكن يملأها الإنسان هي بطنه.

▪️يعني البطن لو امتلأت بالأكل بشكل مبالغ فيه ده بيكون ضرر كبير على الجسم والصحة وبيسبب الأمراض والخمول والكسل

▪️استخدام كلمة "وعاء" إشارة لأن البطن زي الحله أو الإناء ولو اتملت زيادة عن اللزوم فهيبقى فيه ضرر.

التغذية العلاجية بقى :

📛 زيادة الأكل بتسبب ارتفاع الإنسولين وده بيخلي الجسم يخزن دهون أكتر وده مع الوقت ممكن يؤدي للسمنة والسكري.

📛 بيحصل لغبطه في هرمون الجريلين (هرمون الجوع) وبدل ما تحس بالشبع بسرعة بتفضل عايز تاكل أكتر.

📛 اللبتين (هرمون الشبع) بيقل فمتبقاش حاسس إنك شبعت بسهولة وده يخليك تاكل ومش هتتحكم في شهيتك.

📛 لما معدتك تتملي على الآخر بتضغط على الحجاب الحاجز ( عضلة تحت القفص الصدري ) وده بيخلي التنفس صعب وبيسبب إحساس بالتخُمة (الخمول الرهيب) والكسل.

2️⃣ "بحسب ابن آدم أكلات يقمن صلبه"

▪️يعني الإنسان مش محتاج يأكل كميات كبيرة عشان يعيش لكن يكفيه القليل اللي يخلّيه قادر ينصب طوله ويتحرك ويشتغل بدون تعب.

▪️"يقمن صلبه" معناها يخلوا ضهره مستقيم يعني يفضل قوي وقادر على الحركة.

التغذية العلاجية بقى :
📛 جسمك مش محتاج كميات مهولة من الأكل عشان يشتغل هو بس محتاج المغذيات الصح.

📛 لما تقلل أكلك شوية الجسم بيدخل في حالة الأوتوفاجي (Autophagy) وده حالة بيبدأ الجسم فيها ينظف نفسه من الخلايا التالفة ويحسن مناعتك.

📛 تقليل الأكل بيخلي الجسم يستجيب للإنسولين بشكل أحسن (ومايبقاش في مقاومة الأنسولين) وده بيقلل خطر الإصابة بالسكري والسمنة.

📛 كمان بيقلل من الكورتيزول (هرمون التوتر والزعل) فهتحس بهدوء نفسي وطاقة متزنة على مدار اليوم.

وده تأكيد على إن الأكل وسيلة مش غاية عشان تحافظ على صحتك واتزانك

"فإن كان لا محالة"
▪️"لا محالة" يعني في حالة إنه مش هتقدر تلتزم بالقليل ومضطر تاكل أكتر من سعراتك الحرارية....

فهنا النبي ﷺ بيدّينا نظام مثالي للأكل.

"فثلث لطعامه"

▪️يعني يخلّي ثلث معدته للأكل وما يملأش بطنه بالكامل بالأكل.

▪️ده بيخلّي الهضم أسهل والمعدة تشتغل بكفاءة من غير تعب ومايبقاش في pressure عليها

"وثلث لشرابه"

▪️يعني يسيب ثلث المساحة في معدته للميه أو المشروبات.

▪️لان شرب الميه مهم للهضم ولحركة الأمعاء، وملء البطن بالكامل بالطعام ممكن يمنع الجسم من الاستفادة الكاملة من السوائل.

"وثلث لنَفَسِه"

▪️يعني يسيب جزء من بطنه فاضي علشان النفس والتنفس يكون طبيعي ومريح.

▪️لما الإنسان ياكل لحد ما بطنه تتملي لل الآخر بيحس إنه مخنوق والتنفس بيبقى أصعب بسبب الضغط على الحجاب الحاجز.

فالنبي ﷺ بيدينا قاعدة ذهبية إننا ناكل ونشرب بتوازن بحيث نفضل مرتاحين وصحتنا تبقى سليمة.

الحديث ده مش بس نصيحة دينية لكنه قاعدة صحية رهيبه في تحسين نمط يومك ال lifestyle ♥️

ماتنسوش تتابعو Muscles Factory