Coach Nasr Salieb

دقايق مع نفسك وتأمل لحظات يعمل فرق كبير فى حياتك.

الآن خدمات الاستفسارات والدعم متوفرة عبر شات WhatsApp

ياترى آية آخر سؤال سألته لنفسك؟ شاركنا!
يمكن نضحك، يمكن نزعل، يمكن ننتبه.
"الحياة غير المفحوصة (التى بلا تساؤلات) لا تستحق أن يعيشها الإنسان" - سقراط.
المصدر: أفلاطون، محاورة الدفاع( الجزء A38)
http://www.perseus.tufts.edu/hopper/text?doc=plat.+apol.+17a
شارك حتى لو مش هتكتب المهم انك تاخد عشر دقايق مع نفسك هتفرق.

**قوة السؤال**
*Power of Asking*

تخيل أننا هنا بالشكل الحالي نتيجة لقوة السؤال! كل ما حققه الإنسان من تقدم كان نتيجة سؤال. الطب تقدم للإجابة عن سؤال، والتكنولوجيا تسعى للإجابة على سؤال.

هو ده سحر علامة الاستفهام (؟؟؟)، علامة تدفع للفضول وتثير الرغبة في المعرفة. علامة الاستفهام تدفع الإنسان للحيرة، وعلامة الاستفهام توصل الإنسان لمعرفة الحقائق.

كل شيء أنت وصلت له في حياتك نابع من نوعية الأسئلة اللي أنت مهتم بها، والطريقة اللي أنت بتجاوب بها على الأسئلة دي. يعني لو أنت في مكان كويس ومبسوط، تبقى الأسئلة اللي حاولت تجاوب عليها كانت رائعة، وأنت وصلت لإجابات مريحة ومفرحة.

أما لو أنت مش مرتاح ومش مبسوط، يبقى الأسئلة اللي بتحاول تجاوب عليها إما صعبة وتحتاج مجهودًا، وربما تحتاج مساعدة، أو أسئلة مش مظبوطة، وأنت محتاج تغيرها لأنها قادتك لإجابات مش مريحة.

أحنا مع بعض في رحلة اكتشاف الذات، هنحاول نجاوب على أسئلة مهمة جدًا تخلي حياتنا أفضل. أنا هكون بسأل مش بجاوب، وأنت اللي هتجاوب على الأسئلة دي، سواء في الكومنتات لو تحب، أو تقدر تشاركنا أفكارك، أو بينك وبين نفسك. المهم أنك تهتم تجاوب على الأسئلة دي لأنها هتساعدك تجاوب على الأسئلة الأكبر والأهم عشان تعيش حياة أفضل.

من البوست اللي جاي، خليكوا جاهزين لأول سؤال!