Basira - بصيره

أجمل "لأ" اتقالتلي

فكرت قبل كده في نعمة اسمها
اللطف الخفي؟
اللي شكله وحش كده من بره وكله ظلم ليك ووجع ..

بس من جواه عين الطبطبه على قلبك ..

الشلة اللي كنت هتموت وتدخلها…

والجوازة اللي كنت متأكد إنها هتغير مجرى السعادة في حياتك…

والشغلانة اللي كنت تنام وتصحي تحلم بيها…

والعلاقة اللي فجأة قلبت ضلمة…

والخروجة اللي فاتتك…

والسفرية اللي باظت…

والفلوس اللي راحت…

والزحمة اللي أخرتك عن الميعاد…

وغيرها من أبواب كتير اتقفلت في وشك.

والفستان اللي باظ
والاكله اللي اتحرقت 😄
والبيعه اللي باظت

وقتها زعلت…
واتضايقت…
ويمكن سألت:
“ليه يا رب؟”

بس القفله مش قفله اذيه!

بتتقفل عشان تحميك

كأن الباب بيقول لك:

“متحاولش…
مش هتدخل.”
خبط براحتك

مش لأنك قليل…
ولا لأنك فشلت…

ومش معناه اننا منحاولش لكن لو مفتحش نسخط نغضب ننفجر و نظلم نفسنا واللي حوالينا!

حاول وأسعى
بس من غير جمله "انا حموووت عليها"..

بعد الشر عليك ❤️..

اسأل نفسك قلبك فين وانت بتسعى ..
يكون قلبك بين الدعاء والرجاء..

بس المفاجأه

لقينا اللي ورا الباب ده رحلة مش مكتوبة لك.
عشان قلبك الحلو ده..

وطريق مش طريقك.

وحمل مش حملك.

ودرس مش محتاج تتعلمه بالطريقة دي.

فكل ما كنت بتزق الباب…
كانت الرحمة الإلهية تزقه الناحية التانية.

وهو في الحقيقة كان بيتم عمليه إنقاذك من نفسك..
وقصر بصيرتك ..
واستعجالك..

كام باب اتقفل في وشك…
وبعد سنين بقيت تبص له وتقول:

“الحمد لله.”

الحمد لله إنه ما فتحش.

الحمد لله إني ما دخلتش.

الحمد لله إن ربنا أنقذني من حاجة كنت فاكرها نجاة.

من أجمل أسماء الله في حياتنا “المعطي”
بس فكرت في
“المانع”

العطاء رحمة…

و المنع أحيانًا رحمة أكبر.

فلو في باب مقفول قدامك دلوقتي…

سيب إيدك من على المقبض شوية.

واهدى.
وقول يا رب بيدك الخير كله مش بإيدي

يمكن الرسالة مش:
“حاول أكتر.”

يمكن الرسالة:
“أنا مش بقفل الباب في وشك…
أنا بفتح لك عمرك كله من باب تاني خالص ..

وأدخل من باب الرجاء من غير ما تزق

جدد بس أنت النيه وحتشوف 👌🏻

انها القلوب إذا غابت غاب معاها كل شئ
غابت الرحمه والمودة
غابت روح الإنسان
وفى نفس الوقت يشعر الإنسان بالكبر الداخلى الذى يعطيه الحق فى السيطرة على كل من حوله
فيبداء يشعر أن له الحق فى كل شئ ويتبع نفسه التى تقوده ولكن إى نفس ...
نفسه الغائبة لا تدرى كيف تتصرف و كيف تفكر
فإن النفس كالغيوم اذا اظلت على صاحبها لا يستطيع رؤية النور
نور الله الذى أشرقت الارض به
و ينسوا رحمه الله و يتعاملو بكل قسوة مع الذين حواليهم وهما مش حاسين
ديما اسأل !!!!
من اشد قوة النفس ام الشيطان
انخشى أنفسنا ام نخشى الشيطان فاحيانا أنفسنا تكون أقوى من الشيطان فهى تتبع شهوتها و افكارها لكى تكون الأعلى و تعلى لكى تكون الأحسن و فى سبيل هذا تبيح بعض التصرفات التى ترضيها وتبرر كل تصرف تحت مسمى الضعف و الضحيه
اللهم أعنّي على نفسي، ولا تكلني إليها طرفة عين، واهدِ قلبي لنورك، وطهّر روحي من الكبر والهوى والغفلة، واجعلني ممن عرفك فاتبعك، وأحبك فأطاعك، ورجاك فلم ييأس من رحمتك."
#مروة عصام
#الذكاءالعاطفي
-awareness

كل عام وانتم بخير وصحه وسعاده ❤️ وفتح من الله ورزق واسع..

الواحد قلبه تعب الفترة اللي فاتت…
والحقيقة إن القلب ده مش مخلوق لكل الزحمة دي.

أصله لما يبعد… بيتعب.
ولما ينشغل بالدنيا زيادة… بيثقل.
ولما ينسى هو جي الدنيا ليه … بيحس إنه تايه حتى لو كل حاجة حواليه ماشية.
بس هو مش مرتاح..

يمكن علشان كده محتاجين نقف وقفة صادقة مع نفسنا…
نراجع حياتنا…
نطبطب على روحنا…

ونرجع نسأل نفسنا بهدوء:
إحنا جايين منين… ورايحين على فين؟

هقابلكم بإذن الله السبت الجى
23/5
الساعة ٧ مساءً
على Zoom ✨

املوا الفورم علشان يوصلكم لينك الـ zoom

https://docs.google.com/forms/d/e/1FAIpQLSfmO_OZlcv4uWVTorub2Xi05g5ozB9_IV_J2ccImWeqmjSlgw/viewform?pli=1