Hazem Tarek أخصائي التغذية العلاجية

27/07/2026

لو انت مش بتعمل كدة في الوجبات بتاعتك فا انت مضيع علي نفسك كتير ....الوجبات اللي بندخلها جسمنا لازم يكون غرضها إعانة جسدك علي الحياة لكن لو اتحولت ان غرضها الاساسي هي تلبية شعور الذة فقط اتحولت لمصدر هلاك حتمى لجسمك ولصحتك بشكل عام علشان كدة قبل ماتعرف ايه اللي محتاجه جسمك من مغذيات لازم تخلي رؤيتك للاكل بشكل عام هو انه وقودك اللي خلايا ووظائف جسمك بلا استثناء هتديلك ردة فعل بناءا علي جودته ..بمعنى انك لو حطيت وقود جودته سيئة زي النشويات السريعة والمصنعات والمواد الحافظة فااعرف ان في خلايا كاملة هتنهار ووظائف كتير هتتأثر بالسلب والاعضاء هتبدا انها تدمر شوية شوية وتبدأ الاعراض تجيلك من كل عضو وماتبقاش فاهم ايه اللي ربط القولون بالخمول بالصداع والمزاج السئ
تابعني علشان انا جاي اقولك علي الصح والمفيد لجسمك ..فولو➕️حفظ📌لايك♥️👍
#تغذية #صحة Hazem Tarek

27/07/2026

الحل في انك تكمل علي الدايت انه يكون مناسب احتياجات جسمك ويومك وانك تبقى فاهم المجموعات الغذائية وتعرف تفرق ما بينهم علشان وجباتك تكون كاملة وملبية لاحتياجاتك اليومية بشكل سليم وحسب هدفك خسارة الوزن ولا اكتساب عضلات والحفاظ علي اللياقة البدنية والصحة بشكل عام او لو عندك لا قدر الله اي مرض تعرف تتعامل معاه غذائيا بشكل صحيح واستقرار او تخفيف اعراضه #تغذية #اخصائي Hazem Tarek

25/02/2026

🌙 صدمة "طبق الفاكهة" على الفطار.. ليه ممكن يضيع تعب صيامك؟ 🍎❌
​كتير مننا بيفتكر إن كسر الصيام بـ "سلطة فواكه" أو كمية كبيرة من الفاكهة هو قمة الصحية.. لكن الحقيقة إنك كدة بتقدم لجسمك "قنبلة سكر" وهو في أضعف حالاته!

​إيه اللي بيحصل جوه جسمك لحظة الإفطار؟؟؟؟؟؟

ماهو انت بعد 14 أو 15 ساعة صيام، مخازن السكر في جسمك بتكون فاضية تماماً، والأنسولين في أقل مستوياته نايم ننه.
أول ما بتنزل الفاكهة (سكر الفركتوز والجلوكوز) على معدة فاضية وغفلانة:
اول حاجة بتحصل يافندم ​انفجار سكر الدم: السكر بيترفع في ثواني لمستويات عالية جدا (Glucose Spike).
وبالتالي ​استنفار البنكرياس علشان يلحق البلوة اللي انت عملتها يااستاذ : البنكرياس بيتخض، وبيفرز كمية "ضخمة" من الإنسولين عشان يلحق السكر ده.
​تخزين الدهون: الإنسولين العالي جداً ده هو "هرمون تخزين الدهون" الأول.. يعني جسمك بدل ما يحرق، بيبدأ يخزنه فوراً.
يعني لو انت فاكر انك كدة هتخس فاانت فعلا بتعمل العكس تماما
دا غير بقي اللي جاي دا عد معايا
١ #​دوخة "ما بعد الفطار": سكر الدم بيقع فجأة بسبب رد فعل الإنسولين، فتلاقي نفسك بعد الفطار بنص ساعة عندك خمول رهيب،
٢ #صداع،
٣ #وعايز تنام..
وبتجوع أكتر! 😴📉

​طيب والحل؟
ماتعملش اللي فات دا
واعمل كدة ⬇️⬇️
نكسر صيامنا إزاي صح؟
​✅ سنة النبي ﷺ هي الأصح علمياً: (1-3) تمرات فقط مع ميه.. التمر فيه ألياف بتهدي سرعة السكر شوية.
✅ البروتين والخضار أولاً: ابدأ بالشوربة، ثم طبق السلطة، ثم البروتين (فراخ، لحمة، سمك).
✅ الفاكهة مكانها "تحلية": لو عايز تاكل فاكهة، خليها بعد الوجبة المتكاملة بنصف ساعة او ساعة بالكتير ..
ليه ؟ لأن يابيه الألياف والبروتين اللي أكلتهم هيعملوا "حائط صد" هيمنع سكر الفاكهة إنه يرفع سكر الدم بسرعة.

​رمضان فرصة ذهبية لتنظيف جسمك وفرصة صعب انك تعرف تعوضها في الايام العادية
بالله عليك بلاش تحوله لموسم تخزين دهون وتسمين بسبب توقيتات غلط ومعتقدات غير سليمة بالمرة ❎️❌️
لو بتحس بخمول فظيع بعد الفطار، جرب النهاردة تأخر الفاكهة لبعد الوجبة وقولي في الكومنتات حسيت بفرق في نشاطك ولا لأ؟"

19/02/2026

#تغذية #رمضان #دايت #سحور
Hazem Tarek

17/02/2026

17/02/2026

#متابعة #تغذية #رمضان #مجانية
Hazem Tarek