Muhammad ELSalamony - محمد السلامونى

رحلة مميزة انتهت الحمد لله مع احد جروبات المبادرة … وأثرها مستمر بإذن الله

الحمد لله انتهيت من تقديم سلسلة من محاضرات تدريبية ضمن مبادرة رواد مصر الرقمية – Digital Egypt Pioneers Initiative - DEPI لجروب اكثر من رائع فى تخصصص الـ UI & UX design ، وكانت تجربة مميزة بكل تفاصيلها مع مجموعة رائعة من الشباب الطموح.

خلال الفترة الماضية اشتغلنا معًا على مجموعة من أهم المهارات اللي بتمثل أساس قوي لأي مسار مهني ناجح، وكان الهدف دائمًا إن كل مشارك يخرج من المحاضرات التدريبية دى بمعرفة حقيقية وتطبيق عملي يساعده في رحلته المهنية.

📌 من أبرز الموضوعات اللي تناولناها خلال المحاضرات بفضل الله:
- Career Planning – التخطيط المهني وبناء مسار واضح.
- Personal Branding – بناء علامة شخصية قوية.
- Emotional Intelligence & Customer Excellence – الذكاء العاطفي والتعامل الاحترافي مع العملاء.
- CV Writing & Interview Skills – كتابة سيرة ذاتية احترافية والاستعداد للمقابلات.
- Presentation Skills – مهارات العرض والتقديم والتأثير.
- Portfolio Building – بناء بورتفوليو احترافي يعكس المهارات.
- Freelancing Foundations – التسعير، العروض الفنية، إدارة الميزانية، والعقود.

الجميل في التجربة إن المحاضرات ما كانتش مجرد محتوى نظري، لكن كان فيها تطبيق عملي، نقاشات حقيقية، وتجارب واقعية خلت التعلم أقرب لاحتياجات سوق العمل.
ممتن جدًا للتفاعل والحماس اللي شُفته من المشاركين،
وسعيد إني كنت جزء من رحلتهم في بناء مستقبلهم المهني .. الحمد لله.

👏 شكر خاص لكل القائمين على المبادرة وتحديدا مؤمن الغالى Mohamed Momen، وللتيم الرائع اللي تشرفت بالعمل معاه خلال هذه التجربة.
وإن شاء الله تكون بداية لرحلات تدريبية أكثر تأثيرًا في المستقبل بإذن الله.

هل خطتك المالية قوية زي خطتك المهنية؟

إحنا بنقضي وقت كبير قوي بنخطط لشغلنا ، نطور مهاراتنا ، ونحضر لاجتماعات الشغل ...

بس تعالي نسأل نفسنا بصراحة!
كام واحد فينا عنده خطة طوارئ مالية بجد؟
النهاردة الدنيا بتتغير بسرعة ،
وعدم اليقين بقي هو الطبيعي مش الاستثناء.
والفرق بين شخص بيواجه الأزمات بتوتر ولخبطة،
وشخص تاني بيتعامل بهدوء وثبات ..
مش المرتب وبس
الفرق في حاجه اسمها المرونة المالية.
المرونة المالية مش بس تحويش،
دي طريقة تفكير وأدوات بتخليك تمتص الصدمات،
وتعدل مسارك بهدوء... من غير مالمركب تغرق.

قريبا جدا هشارككم خلاصة تجارب عملية في كورسي الجديد " بناء الصلابة المالية في أوقات عدم اليقين"

لو حابب تبني أمانك المالي وتبقي مستعد لأي ظرف،
اكتب كلمة "مهتم" في التعليقات ، وانا هبعتلك التفاصيل قريب جدا وفيها خصم الحجز المبكر ان شاء الله.

فاكر السؤال اللي سألته من يومين عن إمكانية ان حد يخلص معاملاتك البنكية مكانك؟
خالد كان في نفس الموقف بالظبط!



كان مسافر شغل بره ، والبنك طلب حضوره علشان يستلم كشف حساب مهم جدًا…
الوقت ضيق ومفيش بديل!

لحد ما موظف البنك قاله:
ممكن تعمل تفويض رسمي لحد يخلص الإجراء ده بدالك، من غير ما يكون ليه صلاحية على الحساب.
خالد وقتها اتفاجئ إن في حاجة اسمها التفويض البنكي بتوفرله الراحة، وتحافظ على أمان حسابه في نفس الوقت.

تابعني، الريل الجاية هتفهم منها إزاي التفويض البنكي ممكن ينقذك في مواقف كتير 👇🎬

ولو مهتم تحضر وتتعلم أكتر عن المعاملات البنكية بشكل عملي، اكتبلي كلمة "مهتم" في التعليقات علشان يكون ليك الاولولية في حضور ورشة تدريبية بعنوان "البنوك لغير المصرفيين".

هل عمرك مضيت على ورق في البنك… ومكنتش فاهم ميه فى الميه هو إيه بالظبط؟
أو عملت معاملة بسيطة زي تحويل أو سحب… واتفاجئت إنك اتكلفت رسوم مش فاهمها؟
المعاملات البنكية مش رفاهية… دي جزء من حياتنا اليومية.
وغياب المعلومة الصح ممكن يسببلك خسارة وقت أو فلوس أو حتى مشاكل قانونية! ⚠️

علشان كده عملت وركشوب "البنوك لغير المصرفيين"
اللي هتتعلم فيها ببساطة:
✅ إزاي تدير معاملاتك البنكية بثقة.
✅ حقوقك وواجباتك كعميل.
✅ أخطاء شائعة لازم تتجنبها.

لو مهتم، اكتبلى "مهتم" فى التعليقات علشان ابعتلك التفاصيل ^^

قواعد الجامعة الاربعون - محاضرة هتغير حياتك للأبد
🎓 لسه خارج من الثانوية العامة او طالب فى الكلية ومش عارف تبدأ منين او تأهل نفسك ازاى وانت في الجامعة لسوق العمل؟

لو نفسك تخلي سنين الجامعة أحلى سنين في حياتك وتطلع منها بأقصى استفادة، يبقى لازم تحضر محاضرة "قواعد الجامعة الأربعون".

📅 معاد المحاضرة: النهاردة الجمعة الموافق ١٥ اغسطس ٢٠٢٥ ، الساعة ٩ مساءا.
📍 المكان: اون لاين عن طريق اللينك ده مباشرة
meet.google.com/tmo-wzpu-kif8
استعد لتغيير مستقبلك من دلوقتي!