قول كورة Qol Kora

الزمالك – زيسكو يونايتد الزامبى 1- 0 دورى المجموعات - البطولة الكونفدرالية - قول كورة_حكم الكورة هشام حامد _23-11-2025

** 3 نقاط بشوط وهدف والباقى بلا هدف **
- الزمالك ب 3 نقاط بشوط أول وهدف
- ومازال تذبذب الاداء الفنى مستمر ومفيش شكل للفريق.
- الزمالك لعب الشوط الاول وأضاع واحرز هدف واللى يضيع ......
- شوط تانى بلا مدرب أو لاعيبين.
- الادارة الفنية من على الخطوط غابت وغابت معها الحلول.
- المستوى البدنى اقل من 30% واللاعيبة مش قادرة تجارى المستوى البدنى لزيسكو طوال الشوط التانى.
- الزمالك فلت من هزيمة او تعادل على الاقل فى الشوط التانى.
- تغييرات لم تأتى بجديد وتاخير نزول شيكو بانزا أضر بالجانب الهجومى للفريق.
- مطلوب من عبد الروؤف تحفيظ المهاجمين يعنى ايه من نص فرصة لازم أسجل خصوصا فى المباريات الافريقية لتجنب سوء أرضية الملاعب الافريقية بالإضافة لضعقف المستوى التحكيمى فى بعض المباريات.
- انتقالات يناير مطلوب بديل كفء لعمر جابر والونش وعدى وسيف الجزيرى لكثرة إصاباتهم وبرضو الجناحين.
- عبد الروؤف يستمر حتى التوقف لبطولة الامم فى ديسمبر ثم يأتى بعد كده التقييم.
**مبروك للزمالك الفوز الغير مقنع لجماهير الزمالك ولكن اللى جاى افضل إن شاء الله**

قول كورة
هشام حامد
حكم الكورة

الاهلى- شبيبة القبائل 4 - 1 دورى المجموعات دورى الابطال
** الاهلى بقى توروب وتوروب يعنى الهجوم المرعب**
- مش هنتكلم عن حلاوة الاداء ومش هيبنفع نقول ان شبيبة القبائل قليل نسبيا بس اللى نقدر نقوله أن الاهلى بقى توروب وتوروب يعنى الهجوم المرعب وعدوا معايا اللى علّمو وحفظو توروب للاعيبته:-
1- علّمهم إنك لما تهاجم لازم تهاجم بعدد لا يقل عن 6 ل 8 مهاجمين وده اللى كان موجود فى معظم الهجمات.
2- علّمهم التمركز الصحيح لمهاجمى الوسط والامام عند بناء الهجمة.
3- علمهم التحرك من غير كورة فى اخر تلت هجومى.
4- علّمهم إذا يكمل لاعبى الوسط المدافع مروان وديانج وبرضو تكملة هانى بس اللى ناقص تكملة كوكا وليه العذر لغاية ما نشوف مشاركة محمد شكرى.
5- علّمهم تبادل الادوار والمراكزوحرية حركة المهاجمين فى الخط الامامى بنشوف زيزو مكان بن شرقى والعكس وتريزيجيه مكان شريف والعكس.
6- علّمهم عدم الاعتماد على لاعيب بعينه فى بناء الهجمة اواقات نلاقى زيزو واوقات بن شرقة واوقات تريزيجيه بالاضافة للمهام الجديدة لمروان وديانج.
7- علّمهم إنك ماتنساش ان الهجوم المرعب لازم يصاحبه إلتزام دفاعى من المهاجم ذات نفسه وإنه لازم يرجع بأدى دوره الدفاعى.
8- علّمهم وجفّظهم ان الهجوم المرعب إنك دايما تحط خصمك فى تلته الدفاعى يعنى بتلغى تماما الخصم وبتقدر تمشى الماتش زى ما أنت عايز.
9- علّمهم يعنى ايه الجماعية وروح الفريق.
حفّظهم إنهم يكونو توروب
وتوروب هو الاهلى
والاهلى نادى القرن
والفضل يرجع لجمهوره العظيم
** مبروك للاهلى الفوز ومبروك على الاهلى توروب واللى جاى افضل إن شاء الله
قول كورة
هشام حامد
حكم الكورة

مصر - كاب فيردى 1- 1 ركلات ترجيح 2 - 0 مباراة ودية تجريبية
كاب فيردى
ايه عندك وايه عندنا
• عندك شويبر ياخد على الشناوى وخصوصا فى مباريات الاعداد دى.
• عندك محمد هانى بيسلم نفسه بدرى اوى للمهاجم وتهوره عالى شويتين خصوصا داخل منطقة الجزاء.
• عندك فتوح ماينفعش تعتمد عليه باك شمال الحتة الدفاعية ملبقتش موجودة عنده والحتة الهجومية تحتاجها منه اخر تلت ساعة من المباراة.
• عندك محمد حمدى يعلب فى مركزه الاساسى باك شمال ومش هيقدر يدى ك ثارد باك.
• عندك نركز مركز 6 يلعبه واحد بس هو مروان واللي طورت انت كتير من اداءه.
• عندك زيزو وسط يمين وتريزيجيه وسط شمال مافيهمش كلام.
• عندك صلاح يمين ومرموش شمال ووسطهم اسامة فيصل واللى انت ماعندكش غيره.
• عندك مصطفى محمد لازم يكون دكة.
•عندك استحواذ على الكرة ونقل سريع بس ناقصك ال Finishing الهجومى.
ايه عندنا
• عندنا دعم الجمهور فى كل مباراة ووراك فى المغرب برضو.
• عندنا دعم الاعلام الرياضى وده موجود بس انت ماتحطش فى دماغك نظرية المؤامرة دايما.
• عندنا دعم السئولين وعلى رأسهم الوزير الرياضى أشرف صبحى واللي دايما بيدعمك وفى ضهرك.
• عندنا دعوات المصريين ليكم وربنا يحفظ اللاعيبة من الاصابات.
ده كان اللى عندك وده اللى عندنا......
قول كورة
هشام حامد
حكم الكورة

مصر - ازوبكستان 0 - 2
أوزبكستان
وماينفعش يا حسام
• ماينفعش العب ب 3 مدافعين قدام فريق وصل زيك لكأس العالم.
• ماينفعش ماتذاكرش الفريق اللي هتلاعبه قبل المباراة وده اللي بان فى المباراة.
• ماينفعش مايكونش عندك حلول طوال الشوط الاول وان أنا مقدرش أغير طريقة اللعب.
• ماينفعش ألعب بطريقة لعب جديدة وأقول أنا بجرب قبل كأس الأمم بشهر، الثبات على طريقة اللعب هو ده شخصية الفريق.
• ما ينفعش أصبر على رأس حربة وهو مابيدنيش حلول.
• ما ينفعش أحط صلاح فى مركز لا هو عارف ايه المطلوب منه ولا أنت عارف توظفه.
• ماينفعش أستحوذ على الكرة فترات طويلة وأنا نش عارف اوصل بهجمة.
• ماينفعش إنك ماتقدرش تجارى فكر المدرب اللي قصادك وتسيبه يوصل لل هو عاوزه وأنت ماتوصلش لحاجة.
• ماينفعش تتغلب بهدفين واللي كانوا ممكن يوصلو لخمسة وأنت ماتوصلش لفرصة واحدة حقيقية.
• وبرضو ماينفعش نسيبك وماندعمكش عشان خاطر ماتش اللى ينفع هو الدعم الكامل ليك وللاعيبتك واللي جاى أفضل.
** فى النهاية الحرص الدفاعى والجرأة الهجومية هما اللي يوصلوك للفوز، مش جرأة على حساب حرص ولا حرص على حساب جرأة.

قول كورة
هشام حامد
حكم الكرة

الاهلى - ايجل نوار 1 - 0 (العودة) دورى ابطال افريقيا 25-26 قول كورةحكم الكورة هشام حامد _ 25-10-2025
- ييس توروب والدرس المستفاد
- 7 تغييرات افقدت الفريق قوامه وربنا ستر
- ديانج لازم تعمل فارق والجهاز واللاعبين وقبلهم الجمهور يحس بوجودك واهميتك فى خط الوسط
- احمد عبد القادر الفرصة بتيجى مرة واحدة
- جراديشار هدوء المهاجم وتحكمه فى أعصابه أهم من أداءه داخل الملعب، وحطت فريقك فى وضع صعب
- شابوو لطاهر لأداءه الرجولى فى الملعب بعد طرد جراديشار وإن شاء الله اداء دايما فى الطالع
مبروك النادى الاهلى التأهل واللي جاى افضل إن شاء الله
قول كورة
هشام حامد
حكم الكورة

الزمالك - ديكيداها 1- 0 (العودة) البطولة الكونفدرالية - قول كورة_حكم الكورة هشام حامد _24-10-2025

الزمالك - ديكيداها الصومالى (مباراة العودة) 1 - 0
- مفيش كلام فنى يتقال
- مطلوب الاستقرار على المدير الفنى لموسم على الاقل لان الزمالك جاى من بعيد ولسه قدامه وقت للعودة
- المشاكل الادارية وعدم توافر الموارد المالية لتوفير مستحقات اللاعيبين المادية السبب الرئيسى لتذبذب الاداء والاستقرار الفنى
- مجلس الادارة السابق سبب رئيسى للي فيه الزمالك دلوقتى
مبروك التأهل للزمالك واللى جاى افضل إن شاء الله
قول كورة
هشام حامد
حكم الكورة

حسام حسن، أحد أبرز أساطير كرة القدم المصرية والعربية، حقق إنجازات كبيرة كلاعب خلال مسيرته الممتدة لأكثر من عقدين
• مواليد حلوان بالقاهرة فى 10 أغسطس 1966
• بدايته كناشئ بالنادى الاهلى
• تم تصعيده إلى منتخب مصر الأول وهو في سن 19 عامًا فقط.
• أول مشاركة رسمية له مع المنتخب الأول كانت في منتصف الثمانينات، وتحديدًا عام 1985
• أكثر لاعب تمثيلًا لمنتخب مصر لفترة طويلة .
• أحد الهدافين التاريخيين في تاريخ الكرة المصرية.
• لعب في 4 عقود مختلفة (الثمانينات، التسعينات، الألفينات، بداية 2010).
• سجل أهدافًا دولية وهو في سن 39 عامًا.
تجربته الاحترافية خارج مصر
• باوك اليوناني
• نيو شاتيل السويسري
• العين الإماراتي
الاندية التى لعب لها محليا
• الاهلى
• الزمالك
• المصرى البورسعيدى
• الترسانة
• الاتحاد السكندرى
** حصل على لقب عميد لاعبي العالم (2001).
** أطلقو عليه لقب جان بيير بابان نجم فرنسا فى ذلك لتشابهم فى طريقة اللعب كمهاجمين رقم 9
قول كورة
هشام حامد
حكم الكورة

أرقام حسام حسن المدرب
حسام حسن، بعد مسيرة أسطورية كلاعب، اتجه إلى التدريب مباشرة بعد اعتزاله، وحقق حضورًا لافتًا في عالم التدريب في مصر، رغم التحديات. اشتهر بشخصيته القوية، والحماس الشديد، والانضباط، ونجح في ترك بصمة في عدد من الأندية
أبرز الأندية التي دربها:
1. المصري البورسعيدي
2. الزمالك
3. الاتحاد السكندري
4. المقاصة
5. الإسماعيلي
6. المصرية للاتصالات (أول تجربة تدريبية)
7. المنتخب الأردني (تجربة دولية وحيدة حتى الآن)
8. بيراميدز

** على الرغم إنه لم يحقق بطولات رسمية كمدير فني حتى الآن، لكن سجلّه يشمل تطوير فرق وصناعة لاعبين ونتائج قوية مقارنة بإمكانات الأندية.
** إلى أن جاءت اللحظة الكبرى بوصوله:-
- نهائيات امم افريقيا عن جدارة
- نهائيات كأس العالم 2026
بوصول سهل وسلس وبعيدا عن الحسابات وضغط الاعصاب اللى كان بيحصل فى المرات السابقة وهو ده الإنجاز ولازم نشوف الموضوع بالشكل ده الكرة نتائج قبل ماتكون مستويات والتاريخ هو اللى بيقول ده

* شابووو كبير للعميد وجهازه المعاون وكتيبة اللاعيبين *

وكل التوفيق للمنتخب والرياضة المصرية فى الفترة القادمة

قول كورة
هشام حامد
حكم الكورة

مصر- جيبوتى 3 - 0 والوصول الرسمى لكأس العالم 2026 مصر المنتخب رقم 19 قول كورة - هشام حامد 8-10-2025

- مبروك لمصر مبروك لكل المصريين التأهل المستحق لكأس العالم 2026 امريكا كندا المكسيك
- الف شكر حسام حسن وجهازه المعاون
- الف شكر كتيبة الابطال بقيادة محمد صلاح
قول كورة
هشام حامد
حكم الكورة

الاهلى - كهرباء الاسماعيلية 4 – 2 جولة 10 دورى نيل 2025-2026 السبت 4-10-2025
- مباراة متوسطة المستوى
- عماد النحاس يعود بالاهلى لمكانه المفضل
- الرقم 8 رقم المعادلة الصعبة ومحور الكرة الهجومية وهو دى طريقة لعب باريس سان جيرمان - الرقم 8 يعنى تهاجم ب8 لاعيبة (ثلاثى الوسط وثلاثى الهجوم بالاضافة لظهيرى الجنب) وهو ده اللى عمله الاهلى
- لازم يكون هدف كل فربق إنه لازم يسجل هدف فى أول 20 دقيقة لو تم ده لازم تسعى للهدف التانى والتالت والاهلى عمل ده فى ق 17 و ق 36 وزود التالت فى ق 50 والباقى كلنا عارفينه
- النحاس مجهود تشكر عليه واللاعيبة الشوط الاول عملتو المطلوب والشوط التانى نزول واضح فى المستوى البدنى
- خط الدفاع صداع فى دماغ الاهلى من 20 سنة باستثناء فترة عبد المنعم ورامى ربيعة - مطلوب قلبى دفاع على مستوى عالى بالاضافة لظهير أيسر ودول مش موجودين على المستوى المحلى
- تخلى الاجنحة وطرفى خط الوسط عن الانانية والرغبة الفردية فى إحراز الاهداف كان ليه أثر واضح فى المباراة وده شغل المدير الفنى وعشان كده شوفنا تنوع الاهداف وتنوع محرزيها
- بن رمضان لازم يْخرج منه كل اللى عنده ودى مسئولية عماد النحاس بتخفيف المهام الدفاعية المطلوبة منه
- زيزو عودا أحمدا
- مبروك للنادى الاهلى الوصول للمركز الاول بفارق الاهداف بعد المصرى ثم الزمالك ولكن بمباراة اقل
- هارد لك لكهربة اسماعيلية ومديره الفنى الكفء المجتهد رضا شحاتة
** كل التوفيق لكل فرق الدورى وإن شاء الله نشوف دورى قوى
قول كورة
هشام حامد
حكم الكورة

مباراة الزمالك - المحلة 1-1 جولة 10 دورى نيل 2025-2026 السبت 4-10-2025
- مباراة أقل من المتوسط
- فيريرا ونزيف النقاط
- الحل احمد حمدى ومركز 10 وتوظيف جديد بمهام جديدة ضرورة لتعديل الاوضاع سريعا
- عدم القدرة على استغلال خوان بييزرو وتحريره من الرقابة مسئولية اولى لفيريرا وإلا......
- التبديلات المتأخرة بقت عادة ويجب التخلص منها
- مازال وسيضل نجم الزمالك الاول هو جمهوره الوفى
قول كورة
هشام حامد
حكم الكورة

الاهلى – الزمالك (2 – 1)
مباراة متوسطة المستوى
** الزمالك
- بداية جيدة اول 10 دقائق بفرصتين محققتين للدباغ وناصر ماهر.
- اسوء قرار لفيريرا بعد إصابة الدباغ تغيرة ناصر منسى وهو سبب تحول أداء الزمالك خصوصا التغييرة كانت بدرى جدا.
- الزمالك كان محتاج مهاجم متحرك عنده قوة وسرعة مثل أحمد شريف أو عمرو ناصر خصوصا والزمالك متقدم.
- ناصر منسى مهاجم صندوق وماكنش التغييرة فى التوقيت ده والزمالك متقدم فى النتيجة.
- عدم اللعب على خوان بيتزيرو افقد الزمالك قوته خصوصا والمدافع كوكا اللى بيلعب مش فى مركزه.
- التبديلات المتأخرة ودت الزمالك فى حتة تانية وخرجتو من المباراة تماماونعتبر الزمالك ماجاش المباراة.
- المدرب واللاعيبة ياخدو 1/10 ونبقى مكرمينهم فى التقدير.
- ونجم الزمالك الاول هو جمهور الوفى.
** الأهلى
- استحواذ الاهلى على الشوط الاول ولغى وجود الزمالك طوال الشوط وفاعلية الاهلى محدودة فى الهجمات.
- شوط أول سيطرة كاملة بدون تركيز فى إنهاء الهجمات.
- شوط تانى اهلاوى من البداية للنهاية لعبا ونتيجة.
- تبديلة النحاس لتريزيجيه داخل الملعب من الشمال لليمين كانت ليها مفعول السحر وزيادة الضغط على الجبهة اليسرى للزمالك.
- الجبهة اليسرى للزمالك الضعيفة دفاعيا بداية من ادم كايد لعبدالله السعيد لبنتايك لم تتحمل الضغط الاهلاوى المكون من هانى وتريزيجيه وطاهر وميول شريف كمان للجبهة.
- هجوم الاهلى من الجبهة دى استمر طوال 40 دقيقة من عمر الشوط التانى وهى دى الجبهة اللى احرز الاهلى هدفيه منها (الهدف + ركلة الجزاء)
- استرجاع الكرة من الزمالك مابتحتاجش اكتر من 30 ثانية وبتكون كمان فى المراكز الهجومية الامامية للاهلى.
- العظمة هى محمد شريف اللي قدر فى ق 72 يلخص الاستجواذ والسيطرة ويصنع الفارق بلمسة سحرية بعد مرواغة عبد المجيد ودى نقطة التحول والطريق للفوز.
- شريف حس بالعظمة اللى عملها ووقف بعد التمريرة وحط ايده فى وسطه وافتخر بنفسه وليه حق.
- الشحات افضل تغييرة فى المباراة وكأف مدربه نتسجيله الهدف وصناعة ركلة الجزاء.
- دايما الجمهور الداعم هو جمهور الاهلى العظيم اللي صبر على فرقته وماستعجلش الفوز.
*** ميروك للاهلى وهارد لك للزمالك وتحية واجبة للجمهورين العظيمين..
قول كورة
هشام حامد
حكم الكورة