Coach Eisa - كابتن عيسى

الي بنزرعه في طفولة أولادنا وبناتنا بنحصده في مرحلة مراهقتهم .

قبل مرحلة المراهقة ، فيه سنوات طويلة بنبني فيها عادات أطفالنا .
خصوصا اوقات فراغهم بعد المدرسة أو بعد المذاكرة ..

كل طفل عندي بوجهه في التدريب لانه يخلي الرياضة اسلوب حياة عنده وجزء من حياته ..

علشان تكون هي اول حائط لصد كل العادات السيئة الي ممكن يكتسبها من أقرانه ✋🏻 .

مع ك / أحمد عيسى أطفالكم غير .

إحنا بنعلّم أطفالنا كل حاجة مهمة للمستقبل
بس هل بنعلّمهم إزاي يحافظوا على جسمهم وصحتهم ؟!

الطفل بيتعلم يقرأ ويكتب ، يذاكر ، ويطوّر مهاراته .

لكن جسمه وصحته؟
غالبًا بنفتكرهم بس لما تظهر مشكلة صحية .

التدريب لازم يكون مبني على أسس التربية البدنية والصحية
مش مجرد مجموعة حركات وتمرينات بس .

لأن التربية البدنية والصحية هي أهم جزء أنا بأسس عليه الطفل الي بيجيلي .

- إزاي يتحرك ويقف ويمشي بشكل مظبوط .
- إزاي يتحكم في جسمه .
- لازم ازرع فيه قيمة التدريب وفايدته له .
- وأن صحته أمانة لازم يتربى ازاي يحافظ عليها ، ودة بيمنعه مستقبلا من الوقوع في مخاطر العادات الصحية الخاطئة .

علشان كدة هدفي من تدريب الأطفال أنهم يبنوا من سن صغير علاقة صحية مع النشاط والحركة البدنية .
تتحول معاهم لعادة وأسلوب حياة .

أجمل نجاح بيكون مع اللاعب الي بيبدأ معاك من الصفر 👌🏻

مع كل بطولة للجمهورية ومليك بيتكرم بفتكر
اول تمرين بدأ معايا فيه
وهو بيتعلم ازاي يجري ويسخن
وانا شايفه بيكبر قدامي ❤️

رحله البطولة صعبة مجهود ووقت وصبر كتير
والحمد لله ثمرة النجاح ميدالية دهب للبطل
في بطولة الجمهورية الاولى تحت 7 سنوات .

فايدة الجمباز للطفل في صعوبته ..

- انك تفضل تعلم طفل 3 ساعات وتحاول تقوم حركته واداؤه وتفكيره .
- تشتغل على الأداء المهاري والاجباري لازم يخلص في وقت ضاغط .
- انك تطور من الاداء البدني ولياقه الطفل وتركيب جسمه
مش بس يوصل للجسم المثالي دة مش كافي لا كمان يوصل للأداء المثالي في الحركة .
- انك تتعامل مع الطفل على قد قدراته وامكانياته وتطورها
وتقف معاه في كل دروباته ( تعب - دراسة - إصابة -غياب )
والاصعب انك تفضل محافظ على ارتباطه بيك ...

"الفتنس شيء ثانوي بيخدم على رياضة الطفل."

طيب .. خلينا نفترض إن ده صحيح .

لو ابنك بيلعب سباحة، والسباحة هي الأساس ..

إيه اللي يخليه يقدر يحافظ على نفس جودة الأداء لما يبدأ جسمه يتعب ؟

المهارة موجودة .

لكن هل الجسم عنده القدرة اللي تخليه يستخدم المهارة دي للنهاية؟

وهنا بنوصل لنقطة مهمة :

المهارة مش هي القدرة البدنية .

نفس الفكرة في رياضة تانية تماما .

في رمي الجلة ، اللاعب ممكن يكون فاهم الحركة والتكنيك .

لكن لو قدرته على إنتاج القوة مش بتتطور ،
هل تتوقع إن رقمه يفضل يتطور لمجرد إنه بيكرر الرمية ؟!

صعب ..

وفي الجمباز ، الموضوع ياخد شكل مختلف .

الطفل هنا بيتعامل مع جسمه نفسه كأداة للحركة .

بيرفع وزن جسمه في جميع الحركات .
فلو اللاعب عنده نقص في كتلته العضلية مش هيقدر ولو عنده زيادة في نسبة الدهون أو المياة مش هيقدر كمان لو ناقصه قدرة بدنية محتاجها في رفع وزن جسمه مش هيقدر ..

فهل مجرد ممارسة الجمباز معناها إن كل المتطلبات دي بتتطور بالقدر اللي يحتاجه الطفل ؟

مش بالضرورة .

وده يخلينا نعيد تعريف كلمة "فتنس" !
لأن مافيش تدريب غير تدريب الفتنس اللي
الاهتمام الاول والاخير فيه
بيكون لكل عضلة وكل مفصل في جسم الطفل ..
ومحتاج ايه علشان يقدر يأدي بشكل قوي وعالي .

"الفتنس تدريب مش أساسي .. ابني بيتمرن 3 أيام في رياضته."

الجملة دي منطقية جدا لو إحنا بنعتبر إن ممارسة الرياضة معناها تطوير كل احتياجات الطفل البدنية .

لكن هنا في فرق مهم لازم ناخد بالنا منه

ممارسة الرياضة ≠ تطوير كل اللي جسم الطفل ... محتاجه ..

طفلك ممكن يلعب كورة 3 أيام في الأسبوع ، ويكون فعلا نشيط وبيتحرك وبيتمرن.

لكن هل ده معناه إن كل القدرات البدنية اللي جسمه محتاجها في مرحلته بتتطور بالشكل المناسب؟

مش بالضرورة .

لأن كل رياضة لها قدرات بدنية مختلفة
مثلا الكورة محتاج : كتلة عضلية أعلى في الرجلين ( تحمل دوري تنفسي + رشاقة على الأرض وفي الهواء + تحمل سرعة )

وطبعا كل طفل على حسب مدى احتياجات رياضته وطبيعة جسمه .
كمان هل محتاج كمان تركيز على نسبة دهون أو عضلات أو مياة ؟! "BODY COMPOSITION"

وعشان كده ، السؤال مش بس :

" ابني بيتمرن كام يوم؟! "

لكن كمان :

"إيه القدرات البدنية اللي بتطور من التدريب ده؟ وإيه اللي لسه محتاج يتطور ؟! "

لأن هدف التطوير البدني مش إن الطفل ياخد تمرين زيادة .

الهدف إننا نطوّر اللي جسمه محتاجه فعلا .

ودي نقطة مهمة في فهمنا لبناء الطفل الرياضي .

التمرين مش قطع نفس وعرق وخلاص

ممكن ابنك يخرج من التمرين وهو عرقان جدا ، وبينهج ..

بس ده لوحده مش معناه إن جسمه اتطور بالشكل اللي محتاجه .

لأن فيه فرق بين إن الطفل يتحرك ويتعب ، وبين إننا نكون عارفين إيه اللي بنطوره في جسمه وإزاي !!

هل محتاج نسبة دهون أقل ؟
هل محتاج قوة أكتر؟
محتاج كتلة عضلية ؟
تحمل عضلي أعلى ؟
تحمل دوري تنفسي ؟
سرعة؟
رشاقة؟
توازن وتحكم أفضل في جسمه؟
مرونة ؟

الموضوع مش بيتقاس بكم فرهدة الطفل .

لكن بيتقاس بتطور جسمه وشخصيته واداؤة ..

وده اللي بيفرق بين مجرد تمرين بيجهد الطفل ..
وتدريب بدني منظم ومخطط بيبني طفل رياضي أقوى وأكفأ .

بنتك أو ابنك حركة رجليهم في المشي لجوا ؟!

كتير من الأمهات بيلاحظوا المشكلة دي مع أطفالهم وبيسمعوا جملة "سيبيها .. هتكبر وهتتظبط لوحدها."

لكن الحقيقة إن في بعض الحالات، الموضوع بيكون ليه سبب تشريحي معروف ، محتاج فهم .

الحالة دي اسمها Femoral Anteversion ، ودي بتكون زيادة في التفاف عظمة الفخذ للداخل أثناء النمو .

وده ممكن يخلي القدمين يبانوا داخلين لجوه أثناء المشي أو الجري .

العظام نفسها بتتغير مع النمو عند أطفال كتير ، لكن اللي بيفرق فعلا هو قوة العضلات وطريقة الحركة .

علشان كده ، الطفل بيحتاج برنامج حركي مناسب يساعده يحافظ على حركة أفضل ويقلل أي ضغط زيادة على الركبة أو الحوض أو الكاحل .

مر عليا حالات زي دي كتير بعد توجيهم لعمل الأشعة اللازمة وبنبدأ برنامج تدريبي علاجي لتقليل والحد من المشكلة القوامية دي .

البرنامج بيركز على :
✅ تقوية عضلات الحوض Stability Exercises .
✅ تحسين التوازن العضلي Muscle Balance.
✅ إطالة العضلات الي عليها الحمل زيادة Stretching .
✅ تقوية العضلات المهملة في الحركة Strength Exerciss .

ودة بشكل Individualized لان مفيش برنامج واحد ينفع لكل الأطفال .

لو لاحظتي إن بنتك أو ابنك حركة رجليهم في المشي لجوا
ابعتي رسالة بكلمة " تقييم " وهقولك إذا كانت دي من التغيرات الطبيعية مع النمو ، ولا محتاجة تقييم حركي متخصص .

مع ك / أحمد عيسى أطفالكم هنا غير ..

ده قرار ممكن يفرق في مستقبل بنتك أو ابنك ..
اختيار المدرب مش رفاهية .. لأن الطريقة الي هيتدرب بيها طفلك هي أساس حركته وقوة جسمه وشخصيته طول العمر .

علشان كدة بنيت طريقة تدريبي على منهج علمي ممزوج بخبرة أكتر من 10 سنين في تطوير الأداء البدني والرياضي للأطفال .

خدماتي :
- إعداد البنين فنيا وبدنيا للمشاركة في بطولات الجمباز السنوية للجمهورية .
- إعداد خطط للأحمال البدنية للأطفال الرياضيين (بنات-بنين) بمختلف الرياضات .
- تدريب اللياقة البدنية (بنات-بنين) لإعداد جسم أفضل بشخصية أقوى .
- تصميم برامج علاجية لتحسين قوام الأطفال المتدربين .

ابنك او بنتك أساس برنامجي التدريبي مش مجرد رقم وسط مجموعة
علشان كدة كل جروب بيضم 5 أطفال فقط
لضمان متابعة فردية - وتصحيح مستمر للأداء - وتطور حقيقي لكل طفل .

هدفي أبني أفضل نسخة رياضية من ابنك أو بنتك
ابعتي على واتساب واعرفي البرنامج الأنسب لطفلك - الأعداد محدودة .
مع ك/ عيسى - Coach Eisa أطفالكم هنا غير ..