Ausrah - أُسرة

إيه هي الأسباب اللي وراء غضب الأطفال؟ 🤔

1- المقارنة والطلبات الكتير:

لما بتطلب من الطفل حاجات أكبر من سنه، أو بتقارنه بناس تانية طول الوقت.
احساسه بالفشل ده بيخليه يتنرفز ويغضب.

2- الاحتياج للـ "حضن" (الاحتواء العاطفي):

لما الطفل ما بيحسش إنه متطمن ومحتوى عاطفياً، أو مش لاقي مكان يسمعوا فيه صوته واحتياجاته.
فبيتعصب عشان يشد انتباهكم للـ "حضن" اللي محتاجه.

3- مش فاهم إيه المطلوب منه:

أوقات بيغضب لأنه مش فاهم كويس إيه المطلوب منه بالظبط، أو ليه بيتعاقب.
الإحساس ده بالغموض بيخليه يتعصب وينفجر.

3 أسباب خفية وراء غضب الأطفال ؟🤔
#أسرة # #تربيةايجابية

الحلقة الثانية من الموسم الثاني لبودكاست "أُسرة" متاحة الآن على يوتيوب 💙🤩
رابط الحلقة في أول تعليق ⬇️

ليه غضب ابنك مش معناه إنه عنيد؟" 🤯
السؤال ده هو اللي هيغير نظرتك تماماً لطفلك!

كتير بنشوف الغضب على إنه "عناد" أو "عدم سماع للكلام"، بس الحقيقة إن الغضب مش تحدي... هو رسالة! 💌

لما طفلك بيغضب، هو بيكون بيحاول يوصل لك حاجة بس مش عارف يعبر عنها. يمكن محتاج اهتمامك، أو حاسس إنه مش مفهوم، أو مش قادر يشرح مشاعره الكبيرة.
وهنا يجي دورك!

بدل ما تحكم عليه، اسمع اللي ورا غضبه. لما بتعمل كده، بتقرب منه خطوة بدل ما تبعد عنه. التربية مش في كبت المشاعر، لكن في فهمها واحتوائها عشان يتعلم يعبر عنها بطريقة صحية.
خد لحظة واسمع قبل ما ترد. يمكن ابنك مش عنيد... يمكن بس محتاج يتفهم! ❤️

هل الغضب معناه ان الطفل عنيد؟ 🤔

ورشة "ابني لا يعاندني هو يناديني" فرصة لتجربة تربوية مختلفة! 🤩

📅 الخميس 9 أكتوبر
من 7 مساءً حتى 10 مساءً
📍مقر قدرات – 16 شارع الدكتور السبكي، أمام الأكاديمية البحرية – الدقي

سجّل دلوقتي الاماكن محدودة
ابعت كلمة "عناد" في كومنت عشان نبعتلك التفاصيل