05/09/2026
سامحي نفسك القديمة.. 🤍
سامحيها على اختيارات مكانتش أحسن حاجة، وعلى حسن نية اتفهم غلط، وعلى طيبة حد استغلها ، وعلى قلة خبرة خلتك تعدي حاجات مكانش المفروض تعديها..
أنتِ وقتها اتصرفتي بأقصى وعي ومعرفة كانوا عندك.
مكانش عندك الوعي ولا الخبرة اللي عندك النهاردة!
جلد الذات على الماضي مش هيغيره ، بس التسامح مع نفسك القديمة هو اللي هيخليكي تقومي وتكملي بروح أخف وأقوى.
قومي نفسك، وطبطبي عليها.. أنتِ اتعلمتي الدرس خلاص. 🕊️
الشطارة مش إننا ما نغلطش، الشطارة إننا نتعلم ونكبر ونسامح نفسنا على اللي فات. 🤍
شاركوني في التعليقات: 👇
إيه الكلمة اللي تحبي تقوليها لنسختك القديمة النهاردة؟
#وعي
#تعافي
01/09/2026
عارف يعني إيه "اجترار فكري"؟ 🧠🌪️
يعني يحصلك موقف معين.. بس عقلك مش عارف يعديه ولا يسيبه في حاله!
كل شوية يرجعك تاني لكل تفصيلة حصلت، يحللها، يعيد ويزيد فيها، ويفتح سيناريوهات ملهاش آخر.. وكل مرة سيناريو مختلف عن اللي قبله!
تفضل تاكل في نفسك وتستهلك طاقتك وقوتك ومشاعرك، ويا ريت الحالة بتتحسن..🤷♀️
للأسف بتفضل محبوس جوة دايرة مابتخلصش، بتتعب وتتوه وأنت بتدور ورا كل "قطعة مفقودة" أو إجابة لموقف عدى وانتهى. 🛑
طب وحله إيه الكابوس ده؟
أنك تقطع على عقلك الطريق! ✋🏼
أول ما تلاقيه بدأ يسحبك ويرجعك للدايرة دي تاني، وقف نفسك فوراً وقوله: "الموقف عدى، والسيناريوهات دي مش هتغير الحقيقة، أنا هركز في الحاضر ..في دلوقتي."
متسمحش لعقلك يسرق منك طاقتك في معارك وهمية مفيهاش مكسب! 🔋🤍
العقل أداة تساعدك تعيش، مش مكان تتس.جن فيه!
وقف استنزاف طاقتك الفكرية وخد نفس عميق وارجع للواقع.
🕊️
شاركوني في التعليقات: 👇
إيه أكتر موقف حصلك ولقيت عقلك معرفش يعديه وفضل يعيد ويزيد فيه؟
#وعي
#تعافي
25/08/2026
وهتيجي عليك أيام تقول: ياااااه على الأيام..
وأيام تانية تخليك تقول: ولا يوم من الأيام!
وأيام تالتة تخليك تقول: ما صدقنا عدت دي الأيام..
وأيام أحلى تخليك تقول:
شكراً لكل دي أيام.. وصلتنا لأحلى الأيام. 🤍
كل يوم بنعيشه بحلوه ومره هو مجرد محطة بتشكّلنا وبتوصلنا للي يستاهلنا. 🕊️
اللهم ارزقنا من الأقدار أجملها، واجعل قادم أيامنا خير مما مضى. 🤲🏼
قولوا آمين في التعليقات 👇
#وعي #رضا #صبر #أمل
#تعافي
20/08/2026
#رساله
#حكمةاليوم
#صباحيات
30/08/2026