Zonee 14

04/06/2026

كأس العالم 1994 | بطولة المجد والدموع ونهاية الأساطير

كأس العالم 1994 لم يكن مجرد بطولة عادية، بل كان واحدًا من أكثر المو...

21/02/2026

لاعبين ديفرنشال للجولة 27 من الفانتازي

بوين قدام بورنموث اللي من اضعف دفاعات الدوري وويست هام مش هيسيبه اي ماتش بسهولة وبوين اهم لاعب في الفريق واكتر واحد عليه الاعتماد

سامرفيل قدام بورنموث ونفس الكلام اللي اتقال عن بوين لكن سامرفيل في اخر خمس ماتشات ماسك فورمة قوية جدا وبيقدم مستويات مميزة

ستراند لارسن قدام وولفرهامبتون اللي من اسوأ فرق الدوري ولارسن من وقت ما راح كريستال بالاس وهو في فورمة واضحة غير انه هيلعب قدام فريقه السابق ودي دايما بتبقى حافز كبير لاي لاعب

هاري ويلسون قدام سندرلاند ومستواهم في تراجع خلال اخر المباريات صحيح هاري ويلسون بقاله فترة مش بيساهم لكن اتوقع يرجع ويكون له بصمة في الجولة دي

#فانتازي

21/02/2026

أهم كابتن للجولة 27 من الفانتازي

جواو بيدرو: قدام بيرنلي أسوأ فرق الدوري وتشيلسي مقدم مستوى كويس جدا الفترة الحالية فده يخليه خيار مهم ومن رأيي ممكن يبقى الأهم

بالمر: قدام بيرنلي ونفس الفكرة لكن الفرق بينه وبين جواو إن بالمر معاه ضربات الجزاء وده بيرفع سقف نقاطه اكتر بس سعره أغلى

سيمينيو: قدام نيوكاسل سيمينيو من أهم اللاعبين في مانشستر سيتي ويمكن الأهم هجوميا وأعتقد إنه من أهم الخيارات الكابتن

#فانتازي

20/02/2026

أهم 4 لاعبين للجولة الـ27 من الفانتازي

جواو بيدرو: قدام بيرنلي أسوأ فرق الدوري وتشيلسي مقدم مستوى كويس جدا الفترة الحالية فده يخليه خيار قوي للجولة الجاية

برونو: قدام إيفرتون يونايتد حاليا من أفضل فرق الدوري وبرونو أهم عنصر في الفريق وإيفرتون على ملعبه أقل بكتير من مستواه خارج ملعبه

بالمر: قدام بيرنلي ونفس الفكرة لكن الفرق بينه وبين جواو إن بالمر معاه ضربات الجزاء وده بيرفع سقف نقاطه

سيمينيو: قدام نيوكاسل سيمينيو من أهم اللاعبين في مانشستر سيتي ويمكن الأهم هجوميا وأعتقد إنه خيار أساسي مش للجولة دي بس لكن لعدة جولات قدام

#فانتازي

14/02/2026

هو فين ميليك؟

آخر مباراة لعبها ميليك مع يوفنتوس كانت قدام مونزا في الجولة الأخيرة من موسم 23/24 يوم 25/5/2024 وبعدها شارك في مباراة ودية مع منتخب بولندا ضد أوكرانيا يوم 07/06/2024 لكنه اتصاب في أول خمس دقايق من اللقاء ومن يومها ما لعبش ولا مباراة ولا حتى دقيقة واحدة في الملعب
قعد على الدكة في ماتش كأس العالم للأندية قدام سيتي يوم 26/6/2025 وبعدها في الدوري موسم 25/26 كان احتياطي قدام روما وبيسا

يعني ميليك تقريبًا بقاله سنتين في يوفنتوس ما لعبش ولا مباراة وده من غير سبب

#يوفينتوس

13/02/2026

سرطان ريال مدريد
ريال مدريد في الفترة الأخيرة بيمر بحالة سيئة جدًا تاني في الدوري الإسباني راحوا ملحق دوري أبطال أوروبا خرجوا من الكأس وخسروا السوبر وعلي الاغلب موسم صفري. وحتى لو كملوا وكسبوا بطولة فأنا لسه شايف إن المشكلة أعمق من كده

من وجهة نظري، ريال مدريد عنده سرطان بيأكله حتة حتة والسرطان ده اسمه فلورنتينو بيريز. هو أول جزء لازم يتشال من المنظومة من زمان وإحنا عارفين إنه بيتدخل في الصفقات بشكل مباشر زي ما حصل لما تشابي ألونسو طلب التعاقد مع زوبيميندي وبيريز رفض نفس السيناريو بيتكرر وده يفكرنا برحيل ماكيليلي سنة 2003 واللي كان سبب مباشر في انهيار مشروع الجلاكتيكوس وقتها وده أقرب وصف للي بيحصل دلوقتي

وده يوضح لنا طريقة تفكير بيريز وإزاي هو عايز الفريق يمشي اللاعب النجم هو الأهم دايمًا واللاعب اللي في وقت فوز الفريق التكريم كله بيروح له
عشان كده تلاقي قلوب الدفاع عندك اتنين كبار في السن 33 و32 سنة وواحد أصلًا مش بيخرج من المستشفى ودول موجودين في الفريق بقالهم 4 و5 سنين من غير أي تغيير والباقي لاعبين شباب أقل من مستوى ريال مدريد أنا ما أنكرش إنه من ناحية النجاح المادي واحد من أفضل الناس اللي عدت على تاريخ الكورة لكن كل كده مش كفاية وعشان كده هو مش الشخص المناسب تمامًا

وفي ناس بتقول إن ريال مدريد محتاج مدرب جديد لكن أنا شايف إن الكلام ده غلط تمامًا الفريق الحالي بقى مقبرة لأي مدرب لأنه من المستحيل ييجي مدرب ويمشي النجوم وده معناه إن الفريق هيفضل بنفس الحالة السيئة يمشي مدرب وييجي غيره ونفضل نلف في نفس الدايرة

#ريالمدريد #الدوريالاسباني

10/02/2026

دفرشال للجولة 26 من الفانتازي

اسماعيلا سار: من يوم ما رجع وهو ماسك فورما كويسة جدا وحاليا هو اهم لاعب في كريستال بالاس فشايفه خيار مهم

ديوسبري هال: ايفرتون بتلعب كويس في اخر الجولات وبورنموث من اسوا دفاعات الدوري وهال كان ماسك فورما قبل الاصابة وواضح انه مكمل على نفس المستوى بعد ما رجع

ماني: ولفرهامبتون اه أسوأ فريق في الدوري بس عندهم ماتشين وماني من اللاعبين المهمين جدا في الفريق فممكن يطلع باي مساهمة

سولانكي: دفاع نيوكاسل سيئ وسولانكي اكتر لاعب فايق في توتنهام وعشان كده ممكن يطلع باي مساهمة

#فانتازي

10/02/2026

اهم اختيارات الكابتن في الجولة 26 من الفانتازي

جابريل: بلا كلام اهم لاعب في الجولة لانه هيلعب ماتشين والكابتن الأهم من وجهة نظري بعيد عن اي مساهمات هجومية مجرد خروجه بشباك نظيفة كفاية ويطلع بنقاط كويسة

رايس: نفس الفكرة هيلعب ماتشين ومعاه كورنرات وضربات حرة وده يخليه دايمًا قريب من اي مساهمات تهديفية غير المساهمات دفاعية

الكابتن الديفرينشال

هافيرتس: لسه راجع من الاصابة وشكله ماسك فورمة كويسة وخيار مش منتشر عند ناس كتير

تولو: مهاجم ولفرهامبتون هيلعب ماتشين وصح ولفرهامبتون فريق سيئ بس هو افضل حد عندهم وتقريبًا الوحيد اللي بيسجل هو وماني وبشوفه اهم كمان من ماني

#فانتازي

09/02/2026

اهم 4 لاعبين للجولة 26 من الفانتازي

برونو: قدام وست هام ده خامس ماتش على التوالي متوقع ان يونايتد يكسبه ويكسر اللعنة غير كده برونو حاليا اهم لاعب في اللعبة وتأثيره واضح في كل ماتش

روجيرز: قدام برايتون ماتش مهم جدا عشان استون فيلا تحافظ على ترتيبها وبرايتون دفاعهم مش في احسن حالاته في اخر الماتشات وده يدي روجيرز فرصة يكون مؤثر

جواو بيدرو: قدام ليدز تشيلسي بشكل عام بيقدم مستوى ممتاز وجواو بيدرو بالذات لاعب فارق وبيخلق فرص كتير وده يخليه خيار كابتن محتمل

سيمنيو: قدام فولهام وسيتي في صراع قوي على الدوري وبتقرب كل يوم من ارسنال ومفيش اي ماتش سيتي هتلعبه من غير ضغط او مجهود واشوف ان سيمنيو حاليا احسن لاعب فيهم من حيث الاداء والاستمرارية

#فانتازي

31/01/2026

افضل تشكيلة وايلد كارد للجولة 24 من الفانتازي