nesma_tarekkhedr

لسه قصتك ما خلصتش ♥️

بيقولك بقى يا سيدى ان الى احنا فاكرينه طول عمرنا حب ده ماطلعش حب يعنى دقات القلب بسرعه و الفراشات و ان التانى يوحشنى و افرح و هو لازق فيا و نظرات العيون و لمسات الايدين و الاحضان المسروقه و كلللل ده مش حب تخيلوا ؟ ده شويه هرمونات ضربت فجأه عملت حاله من الافتتان يعنى الاعجاب بس كبير شويتين .. الحب بقى هاقولكوا عليه المره الجايه😉

خلونى احكيلكم حاجه ❤️ وانا صغيره طول عمرى كنت الطفله العاقله الى عارفه مصلحتها و بعدها بقيت المراهقه الى محدده طريقها و راسماه بوضوح و بتعمل كل حاجه علشان توصل للى راسماه .. طول عمرى ملتزمه و مش مهزوزه .. بس اول ما دخلت العشرينات الدنيا كسرتنى و ورتنى ان الى بنخططله مش دايما بيحصل و ان ممكن فى لحظه كل ترتيباتنا تنهار على اهون سبب
😌 عيطت كتير و ندمت كتير على انى كنت عاقله و مرتبه و اتمنيت انى كنت اتجننت شويه (فى اطار الصح و الحلال ) و كنت سيبت لنفسى فرصه اعيش ..عشرينات عمرى كانت سبعينات فى حياه ناس تانيه
مع نضج التلاتينات بقى بقولكم الدروس المستفاده :
-تخطيط ربنا اعظم و اكبر من قدرتنا على التخيل ، بس اصبروا و ممكن صبركم يبقى سنين طويله متعبه
-التزموا و ابقوا الشخصيه الى مرتاحينلها بس ما تنسوش تعيشوا سنكم و تفرحوا و تتنفسوا
-بعد كل ضيق و هم و غم ف*ج كبير واسع اوى و الغريب ان وقت الضيق و الضلمه ربنا بيكون بيجهزلكم احلى هديه و فرحه ❤️
الى خلقكم مش هاينساكم ده بس بيختبركم 😇

Plz ask for outfit details
@ Nubian villages

تابعوا الستورى انهارده هاتشوفوا المغامره من اولها 🤩
احلى تجربه فى حياتى 😍 المغامره هى الى بتحسسنا اننا عايشين و قادرين نجرب و نخاطر و نحس ☺️
البالون علشان نطلعه انا و هبه فى الاقصر نزلنا من الاوتيل الساعه ٥ الفجر و ركبنا اوتوبيس و بعده مركب فى نص النيل وقت اذان الفجر و بعده اوتوبيس تانى و بعدها شوفناه وهو بيتنفخ و يكبر ويكبر و ركبناه و طيرنا فى السما و بقت كل حاجه تحتنا صغيره اوى زرع ، معابد ، نيل و بس
احساس امان و هدوء و سلام عمرى ما هاقدر اوصفه 😍 بس على ضمانتى لازم لازم تحربوه و لو بتخافوا انصحكم تواجهوا خوفكم لان فى حاجات فى الحياه لو ماجربناهاش بيفوتنا كتير ❤️

Scarf :

🇪🇬
@ Luxor, Egypt

تانى صوره عملتلها ايديت فى التالته حلو ولا غريب ؟؟
طول عمرى لما بتضايق او احس ان الدنيا بقت صعبه و تقيله اول حاجه عقلى بيعملها انه يتخيلنى فى مكان بسيط ، بيت ريفى مثلا حواليه اراضى خضرا كتير و واسعه و جواه كل حاجه بسيطه و مافيهاش اى تعقيد 🌺 كان نفسى اعيش الحياه دى و الى ممكن تكون متعبه بس هى اكيد بسيطه و مريحه ☺️
تفتكروا ليه عقلى بيعمل الحيله دى و بتحبوا الحياه دى ولا لا ؟؟؟؟
Thanks i love you 💕 @ Giza,Aljzah,Egypt

انا نفسى كلنا نعرف قيمه تراثنا و تاريخنا ❤ علشان كده هاحكيلكم حكايه الصور دى ، ده لبس العروسه الامازيغيه يوم صباحيتها و الامازيغ هما سكان واحه سيوه الى جم من زمان من بلاد شمال افريقيا و استوطنوا فيها ..
تابعونى انهارده و بكره علشان تشوفوا بقيه توب الصباحيه و كل شهر ان شاءالله هانزل زى مصري معاه حكايات الستات للعصر ده ..
Instagram:
https://instagram.com/nesma_tarekkhedr?igshid=1qw9i6bahuu40