𝐃𝐫 𝐖𝐚𝐥𝐚𝐚 𝐀𝐡𝐦𝐞𝐝-𝐋𝐢𝐟𝐞 𝐜𝐨𝐚𝐜𝐡

علاقتك بولادك بقت متوترة وكأنها قنبلة هتنفجر في أي وقت 🤯🔥

حاسة إن تأثير عصبيتك ونقدك ليهم بدأ يعمل مشاكل في شخصيتهم وثقتهم في نفسهم 🤔

بتقولي لنفسك أنا هابطل اتعصب كل شوية .. العصبية دي بقت حاجة مؤذية وبتضرني في كل المواقف لكن مش قادرة تنفذي ده 😔

ياتري إيه السبب ⁉️

تخيلي معايا إنك واقفة قدام شجرة .. الشجرة دي لها جذر وساق وورق صح ؟ أيوه

تمام .. طيب تخيلي إن جذر الشجرة ده هو الأفكار القديمة اللي عندنا ودخلت من زمان قوي ومن كتر ما احنا صدقناها وطبقناها كتير أوي بقت تقريبا معقدة جدا

ودي هنسميها (معتقد)

تعالي بقي لورق الشجر وده هو السلوك اللي بنعمله .. سواء حلو أو وحش

يعني أنت لما بتتعصبي أوي وأوقات كتير بيكون الموقف مش مستاهل .. دوري علي الفكرة اللي ورا العصبية .. اسألي نفسك هو فعلا كل العصبية دي كلها بسبب الموقف ولا في فكرة في دماغي هي اللي عاملة السلوك ده

هو ده اللي بيخلينا مش عارفين نتعامل مع السلوكيات اللي بتضايقنا لأننا مصرين نغير من بره

مصرين نقطع ورقه الشجر
مع إن الشجره نفسها موجودة وكل مانقطع ورقة هتطلع ورقه غيرها

التغيير لازم يكون من الجذور

التغيير لازم يكون من جوانا
عشان يكون حقيقي ودايم


وتتعلمي إزاي تتحكمي في العصبية!

اعرفي أكثر عن أراء الحضور في كورس تقدير الذات
DrWalaaCoaching.com

الحمد لله بنعمته تتم الصالحات...خطوه علي الطريق ومكملين ان شاء الله 💪💪

نهنئكم بحلول عيد الأضحى المبارك 🐏
تقبل الله منا ومنكم صالح الأعمال
وكل عام وأنتم بخير وصحة وسعادة 🥰

معقول الثقة اللي اتبنت في سنين ضاعت 😢😢
القانون الرابع .. " الهدم يحدث في ثانية"

لو صادفت مرة وشفتي عمارة وهي بتتهد هتلاقي إن الموضوع بياخد فعلا ثواني وتكون العمارة اللي اتبنت في شهور ويمكن سنين بتتهد في ثواني أو بالكتير دقايق

وهو ده الحال في حياتنا ، الثقة اللي بتبنيها في سنين ممكن تتهد بلحظة خيانة واحدة .. صدقك ممكن يتهد بكذبة واحده

مستقبلك ونجاحك ممكن يبقي ضحيه لقرار بتاخديه غلط

البيت اللي بيتبني في سنين ممكن يتهد بنزوه عابرة

عشان كده لازم نبقي واعيين أوي بقراراتنا

وفي خطوط حمرا في حياة كل واحد مننا ماتقربيش منها

في لحظه ممكن تاخد في وشها كل حاجه سعادتنا ،راحه بالنا، وثقه الناس فينا

اوعي توصلي للحظة دي

اوعي تهدي حاجة كبيرة تعبتي فيها وأخدت منك وقت وجهد عشان حاجة ماتستاهلش أو عشان سعادة مؤقتة أو عشان تهربي من المشكله

حياتك ملكك أنتِ اللي بتبنيها

يبقي أنتِ أكتر واحدة لازم تخافي عليها

وافتكري دايماً
" البناء يأخذ وقتاً .. لكن الهدم يحدث في ثانية "




اعرفي أكثر عن أراء الحضور في كورس تقدير الذات
DrWalaaCoaching.com

احذري القرارت الخاطئة!

احرصي على اتخاذ قراراتك بحذر
لأن البناء يأخذ وقتاً
ولكن الهدم يحدث في لحظة





لمعرفة تفاصيل عن كورس
تقدير الذات وآراء الحضور
DrWalaaCoaching.com

تعبتي إنك بتبذلي مجهود ومش لاقيه نتيجه 🤦‍♀️

القانون الثالث من قوانين الحياة " التطوير يستغرق وقتاً "

أي حاجه عايزة توصليلها لازم تاخد وقت ومجهود وتعب ،انسي موضوع الدراما اللي البطل فيها بيطلع في مشهد فقير وغلبان ومش لاقي ياكل والمشهد اللي بعده يبقي ناجح ومشهور وحياته جميلة .. الكلام ده في السينما بس

في الحياة أي نجاح عايزة تحققيه .. وأي مستقبل بتحلمي بيه .. وأي تطوير لشخصيتك وتنميه لذاتك .. كل ده بياخد وقت ومجهود ومحتاج مثابره ومتابعه

لو شوفتي عمارة بتتبني هتعرفي إن أي حاجة بتكبر وتتطور لازم بتاخد وقتها

عشان كده لما تبدأي أي حاجة في حياتك إذا كان شغل جديد مثلا أو حاجه عايزة تتعلميها
أو صفه شخصية عايزة تكتسبيها وتطوري نفسك بيها لازم تبقي واعية بالقانون ده ،وتدي نفسك الوقت المطلوب للتغيير

الله سبحانه وتعالي خلق الكون في ستة أيام ولو شاء سبحانه وتعالي قادر أن يخلقه في لمح البصر

" إنما أمره إذا أراد شيئاً أن يقول له كن فيكون "

ومع ذلك خلق الكون في ستة ايام لنتعلم هذا المبدأ ونتذكر جيدا أن "البناء ياخذ وقتاً "

وأكيد أكتر بناء ممكن ياخد وقت هو بناء الشخصية وتطوير الذات

عشان كده أوعي تيأسي لو لقيتي نفسك بتحاولي تغيري حاجة في شخصيتك أو بتحاولي تتحسني وترجعي تاني

وتصبري وأهم حاجة متوقفيش محاولة لتطوير ذاتك



اعرفي أكثر عن أراء الحضور في كورس تقدير الذات
DrWalaaCoaching.com

النجاح والتحسن والتغيير الايجابي لا يحدث في لحظة واحدة!
لابد من بذل الوقت والجهد مع الصبر والمثابرة
لتحقيق النجاح في الحياة





لمعرفة تفاصيل عن كورس
تقدير الذات وآراء الحضور
DrWalaaCoaching.com

حاولت كتير بس مش عارفه اتغير 🥹

تاني قانون معانا من قوانين الحياة هو "التدرج"

التدرج معناه إن أي حاجة جديدة عليكي وعايزه تعمليها لازم هتكون بالتدرج

يعني لو حبيتي تكتسبي عادة جديدة في حياتك أو مهارة
ده مش هيحصل مرة واحدة

لكن لازم تبدأي بقدر قليل من العادة اللي عايزة تكتسبيها وابدأي بعد كده زودي لحد ماتوصلي للحد المطلوب

وده بينطبق برضه علي أي عادة سلبية عايزة تبطليها
.
وهكذا في أي حاجة في حياتنا لازم نعرف إن كل حاجة محتاجة ناخدها واحدة واحدة ونتدرج فيها مفيش حد ممكن يتقن أي حاجه مره واحده

إيه اللي هنستفيده لما يبقي عندنا وعي بالمبدأ ده

ده هيخلي عندنا صبر علي تعلم الأشياء ومانزهقش ونسلم من أول عقبة تقابلنا لأننا عرفنا إن ده مش هيكون عيب فينا

ده قانون من قوانين الحياة

" إنما العلم بالتعلم ، وإنما الحلم بالتحلم ، وإنما الصبر بالتصبر"
صدق رسول الله صلي الله عليه وسلم

التعلم ،التحلم،التصبر
تدرج في العلم والحلم والصبر

وتصبري لحد ما تحققي التغيير اللي نفسك فيه بالتدريج



اعرفي أكثر عن أراء الحضور في كورس تقدير الذات
DrWalaaCoaching.com