هشام جيم

مواعيد الشتاء
تم تغيير مواعيد الجيم ابتداء من اليوم ان شاء الله
مواعيد السيدات
كل يوم من 9 ل 11و من 3 العصر ل 5 المغرب
ومواعيد الرجال
كل يوم من 1 الظهر ل 3 العصر ومن 5 المغرب ل 11مساء
شرفونا

مشاركة البطل الناشئ سمير نعيم فى بطولة الجمهورية للناشئين تحت ال 19سنه بمستوى مشرف نتمنى له المزيد من البطولات والنجاح فى حياته💪💪💪🏆🥇🥇
بالتوفيق يا بطل الجاي احسن إنشاء الله

اترك النادي كما تحب أن تراه ..

Leave the club as you would like to see it.

#هشام #جيم 🏋️‍♀️💪

تم بحمد الله نقل الجيم
لغرض التوسعة وتحديث الاجهزة
والعمل مستمر في تطوير وتحديث الجيم
#هشام #جيم

نعتذر لاخوتنا المشتركين و المشتركات عن التأخير الذي حدث بسبب اكتمال فرش الجيم بالكامل
وإن شاء الله العوده يوم الاثنين الجاي
و نعدكم بأن نكون عند حسن ظنكم بتوفير كافة الاجهزة
باذن الله “لكل من ينتظرنا… تأخرنا لأننا نجهز لكم الافضل
💬 التأخير كان اختيارًا… لأننا رفضنا التسرّع، ورفضنا تقديم أقل مما تستحقونا.

💪من بعد ماتمرنت وانا مش قادرة اتحرك!

💪ده اسمه آلم العضلات مابعد التمرين وفي نوعين من ألم مابعد التمرين:

-النوع الاول:
ممكن يستمر معاكي لمدة 8 ساعات كحد أقصى زي تمرينة كتف أو سمانة أو لو بتعملي مقاومة لمدة طويلة و دي سببها بيكون تراكم حمض اللاكتيك في العضلات و دي مادة حمضية بتسبب الم في العضلات
-النوع التاني:
وده ممكن يستمر معاكي لمدة يومين أو تلاتة و دا في حالة العضلات الكبيرة زي الرجل و دي من أكبر العضلات اللي ف الجسم وبتحسي فيها بتورم بسيط غير ملحوظ على الجلد و سببها هو تقطعات بسيطة جدا في الألياف العضلية

✅و دي اللي لما بتحسي بيها بتتأكدي إن أنتي أديتي التمرين صح و إن العضلة بتستجيب معاكي بشكل صحيح

* و في الحالتين مفيش أي قلق من أي ألم منهم لأن بالتدريج جسمك بيبدأ يتعود على التمرينة و ساعتها الألم بيخف وساعات مع بعض الاجسام بيختفي تماما وساعتها لازم تبداي تغيري وتدخلي في تمرينات تانيه عشان تنبهي العضلة للإستجابة

⚠️طب ازاي نقلل من الم العضلات ونخلي تقطعات الألياف العضلية يحصلها Recovery بشكل سريع؟
- شرب المياة بعد التمرين مباشرة علشان أرجع للعضلة الإنسيابية بتاعتها
- تمرينات الإطالة (الاستريتشات) صديقك الصدوق في الجيم مع الثبات في كل استرتش لمدة 30 ثانية ومراعاة اداء تمرين الاطالة بشكل صحيح جدا
- اكبر غلط ممكن تعمليه إنك توقفي تمرين علشان عندك ألم في العضلة في تمرينات بتكون مسموح بيها زي الكارديو أو المقاومة بدون أوزان أو حتى نص اللي متعودة عليها ولاكن ماتوقفيش

🛑و الأهم في كل ده هي التغذية الصحيحة لجسمة اللي بتساعد الألم انه يخف أسرع ويحصل استشفاء عضلي بشكل سريع وده عن طريق:

- بروتين+كربوهيدرات بعد التمرين :
التغذية بعد التمرين عامل مهم جدا لعملية الإستشفاء البروتين بعد التمرين له تأثير إيجابى على بناء العضلات و زيادة قوتها و الكربوهيدرات بعد التمرين مصدر مهم جدا لتجديد مخازن الجليكوجين التى تم إستنفاذها خلال التمرين و خفض مستويات الكورتيزول و الحد من ألم العضلات

- الكازين بروتين قبل النوم:
بروتين بطىء الإمتصاص و ذلك لضمان تغذية مثالية للعضلات أثناء فترة النوم و امدادها بالأحماض الأمينية اللازمة لإتمام عملية الإستشفاء العضلى و الحد من انهيار البروتين و يتوفر الكازين بروتين فى منتجات الألبان زى الجبن القريش و الزبادى أو عن طريق المكمل الغذائي

- النوم:
النوم يعتبر هو رقم واحد فى عملية الإستشفاء العضلى و بدونه لا يستطيع الجسم إتمام عملية الأستشفاء العضلى

📣 تنبيه رسمي للجميع 📣

احنا فتحنا هشام جيم عشان نوفرلكم أفضل مكان للتمرين ، لكن لازم كلنا نحترم المكان ونمشي على النظام.
من النهارده مفيش أي استثناءات، والقوانين دي هتتطبق حرفيًا على الجميع

🛑 الاشتراك الشهري مقدما لأى حد
🛑 الاشتراك الشهرى لازم يتدفع في معاده باليوم
🛑دفعت الاشتراك جيت ماجتش دي مشكلتك مفيش سحب الاشتراك او تاجيل الاشتراك

أي تأخير = وقف العضوية فورًا لحد ما يتم الدفع

مفيش دخول للجيم لأي حد متأخر عن الدفع
ممنوع دخول الجيم لحد غير مشترك نهائي الى حابب يجرب يدفع حصه
⚠️ أي عضو مش هيحترم القوانين دي هيتم وقفه بدون نقاش
مفيش حاجة اسمها "صاحبي" أو "مشغول"، المكان ده معمول لاكل العيش ، والنظام . واللي مش قد النظام مش مكانه هنا.

وشكراً لكل حد محترم وملتزم، وإحنا مستمرين في تطوير هشام جيم علشان نكون أقوى مكان تدريب 🔥💪

إدارة #هشام
#جيم

شوية اخطاء من المدربين لما يتسألوا الاسئله دي:-

١- عندي عضله الباي الشمال اصغر من اليمن ؟

المدرب
❌ زود التكرارات في العضله الضعيفه

✅ ركز في الاداء الحركي السليم للعضله بجانب الانقباض والانبساط مع وضع العضله تحت الضغط وبعدها اعطائها الفتره الكافيه لاعاده الاستشفاء .

٢- عندي عضلة البنش ضعيفه ؟
المدرب
❌ اتمرن البنش يوم ويوم او بعد كل تمرينه خد تمرينه خفيفه.

✅ لعلاج ضعف عضله معينه لابد من تغيير اسلوب التدريب عليها و تنويع الحمل التدريبي عليها واعطائها الوقت الكافي للاستشفاء ولا يصح تدريبها يوميا مده الاستشفاء لاتقل عن ٤٨ ساعه

٣- عضلة البطن مش راضيه تظهر عندي ؟
المدرب
❌ موت نفسك في تمرينة البطن وزود العدد والعبها كل يوم

✅تمرين البطن بكم كبير من التكرارات لا يزيل الدهون المتراكمه عليها بل يقوي العضله فقط ولكن الاساس هو التغذيه السليمه بجانب تمارين الكارديو والتي تقوم بزياده معدلات الحرق .

٤- خايف اتمرن كارديو عضلاتي تخس ؟
المدرب
❌ اوعي تتمرن كارديو لو عايز تزيد

✅ الكارديو لا ينقص الوزن ابدا الا اذا كان معه نظام غذائي قليل السعرات اما اذا كان نظامك عالي السعرات فأنه يقوم بزياده ضخ الدم بالجسم وتنشيط الدوره الدمويه.

كل سنه وانتو طيبين وعيد مبارك عليكم ♥️♥️🎈

أن تكوني رجل أو امرأة رياضية هذا لا يعني بأن تمارسون الرياضة فقط ..👌💪
الشخص الرياضي يجب أن يكون لديه اسلوب تعامل داخل النادي ..

■ ومن اهم شروط الرياضة ❤💪🥇

● استرجاع المعدات الرياضية في مكانها الصحيح وعدم تركها على الأرض .
●التركيز على التمرين وعدم التنصت أو النظر لغيره.
●الهدوء أثناء التمرين وعدم إصدار أصوات عالية أو التحدث في مواضيع عامة داخل الصالة .
●عدم الدخول وإعاقة المتدربات أثناء حصص الحديد أو الزومبا وترك لهم المساحة.
●احترام الآخرين والتعامل بشكل لبق وبإستئذان .
●عدم رمي اناء الماء على الارض.
●حذاء رياضي نظيف داخل النادي يتم تهويته كل يوم .
●منشف ومزيل للعرق داخل الحقيبة.
●غسل الملابس الرياضية يومياً .