Captain Gaber

الخِصم بعت كورة مخادعة في أقصى زاوية، وفي جزء من الثانية، اللاعب مال بضهره لورا بجسمه كله لدرجة تحس إنه هيقع، لكن بفضل قوة عضلات وسطه، خطف الكورة من على وش الأرض. 🔥🏸

وقبل ما الخصم يستوعب اللي حصل، اللاعب عدل جسمه بقوة مرعبة، وبإيد ماسكة العجل وإيد بتضرب، بعت Smash هزت أرض الملعب ونهت النقطة لصالحه بجدارة. 💥💪🏻

هنا السر مش في الكرسي، السر في التوازن، إزاي تخلي عقلك يوزع الأوامر بين إيد بتسوق بسرعة، وإيد بتلعب بدقة. 🌟👌🏻

​أبطال الـ WH2 ييثبتوا إن الميزة والقدرة اللي عندك هي مجرد أدوات، لكن الإصرار هو اللي بيخليك توظف الأدوات دي عشان تكون دايما أسرع من ظروفك بخطوة. 🏸🏆
#ارادة #قوة #تمارين #رياضة #بطولة

تخيل تلعب ماتش سريع بإيد بتسوق، وإيد بتضرب الكورة.. ومن غير عضلات وسط تسندك! 🏸
أبطال الريشة الطايرة البارالمبية (فئة WH1) بيعيشوا التحدي ده كل ماتش. لأنهم مش بيقدروا يتحكموا في عضلات الجذع عشان التوازن، بيقسموا تركيزهم بالكامل على دراعاتهم عشان يسوقوا الكرسي ويضربوا الكورة في نفس اللحظة، وبيلعبوا بذكاء على "نص الملعب" بس.
أحياناً بنحس إن ظروفنا مقيدانا أو في حاجات كتير ناقصانا عشان ننجح. بس بطل الـ WH1 بيعلمنا درس عملي: "السر مش في إنك تملك كل الأدوات، السر إنك تركز على إمكانياتك المتاحة وتستغلها بأقصى قوة عشان تكسب ماتش حياتك".
#بطولة #تمارين #رياضة #قوة #ارادة

🏸 هل كل الإعاقات زي بعضها في الريشة الطايرة البارالمبية؟

​ لا.. والسر في نظام التصنيف، والهدف من
هو العدالة التنافسية، يعني كل بطل ينافس لاعبين بنفس قدرته الحركية.
اللعبة مقسمة لـ 6 تصنيفات:
​♿ تصنيف الكراسي المتحركة (WH):
​التصنيف 1 (WH1): إعاقة شديدة في الأطراف والساقين (تحكم محدود في الجذع).
​التصنيف 2 (WH2): إعاقة في الساقين مع توازن وتحكم جيد في الجذع.
​🏃 فئات الوقوف (SL, SU, SH):
​التصنيف 3 (SL3): إعاقة شديدة في أحد الأطراف السفلية (اللعب وقوفاً).
​التصنيف 4 (SL4): إعاقة بسيطة في أحد الأطراف السفلية.
​التصنيف 5 (SU5): إعاقة في أحد الأطراف العلوية.
​التصنيف 6 (SH6): فئة قصار القامة.
​مهما كان تصنيفك، الريشة الطايرة بتضمن لك بيئة تنافسية عادلة وقوية كل اللي عليك التمرين، وهتبقى بطل 🤍💪🏻
#معلومات #بطولة #تمارين #رياضة

هو الفرق كبير بين الريشة الطايرة البارالمبية والعاديه؟

قبل ما اجرب العب الريشة الطايرة البارالمبية كنت معتقد ان اللعبة هتكون مختلفة عن العاديه، بس لما لعبتها عرفت ان لا الاختلاف مش كبير.

الاختلاف بيكون على حسب نوع الاعاقة، كل نوع بيكون ليه قانونه الخاص بيه، اللي بينظم اللعبة بحيث انها تكون مناسبة مع نوع الاعاقة.

لعبة ممتعة جدا ومن افضل الالعاب اللي لعبتها واللي بتزود لياقتك البدنيه والذهنيه بشكل كبير.
#رياضة #بطولة #تمارين