32-Valve

سلام عليكم
ان شاء الله راجعين تاني ببوستات واخبار ومواضيع جديدة في مجال العربيات بشكل عام في مصر
نتمني يكون رجوعنا في فايدة لكم ويعجبكم الشغل الجديد
دمتم سالمين

أهلا بالجيل الثانى من BMW الفئة الرابعة والجيل السابع من الفئة الثالثة الكوبيه...
الجيل الجديد من الفئة الرابعة تحت تكويد عائلة (G)
- G22 للكوبيه
- G23 للكشف
- G24 للجراند كوبيه
في البداية انا هاكلم عن العربية بشكل عام وبعد كده هأقول رأىى الذى لا يعتد به فى أى من المحافل الدولية والمحلية
نسمى الله كده ونبدأ بالإمكانيات...
العربية متوفرة بفئات مختلفة بين البنزين والديزل بمواتير قوتها تبدأ عند 180 حصان لحد 392 لأعلى فئة فيها واللى فيها موتورين الأول 382 حصان بنزين والتانى كهرباء بقوة 11 حصان.
بالنسبة للتسارع العربية بتختلف التسارع من حوالى 4.5 ل7.5 ثوانى على حسب الفئة.

بالنسبة للتصميم واللى عليه جدل قوى جدا... تصميم العربية ظهر مش مخلتف كتير عن العربية التجريبية اللى ظهرت فى شهر 9 السنة اللى فاتت.
بس معظم الإنتقادات كانت على وش العربية
- الأول كبويت العربية المنفصل عن الشبكة بشكل كامل واللى اختفى من بعد الفئة الثالثة E90 واللى كانت اخر فئة ثالثة تجمع العربية بأربع أشكالها.

- نانى الإنتقاضات على شكل الشبكة واللى هى اقرب لبانل مش موفر التهوية الكاملة للموتور اللى هو فى الاساس بنزين مش كهرباء واللى بيكون محتاج تهوية بشكل عام.

- ثالث حاجة كانت برده بخصوص الشبكة اللى فى وسطها بيكون لوحة ارقام العربية اللى مغطية الشبكة بشكل يحسس الناس إن المصممين مكانوش عاملين حسابهم انهم هيعلقوا عليها لوحة قدام. بس الشركة بتحاول تعمل فصل كامل بين الفئتين الثالثة والرابعة.

- من وجهة نظرى التى لا يعتد بها فى أى من المحافل الدولية أو المحلية، العربية دي كانت محتاجة شبكة بي ام العادية اللى عارفينها والكنزة وإن الشبكة دي كانت أفضل على العربيات الكبيرة زى فئة ال X كلها.

- العربية من ورا شكلها مقبول جدا وشوفنا اقرب للشكل ده فى الفئة الثالثة اللى هى موجود منها فى مصر حاليا.

صمم الأيقونات فريدريك جيجر.. الماني ولد في ١٩٠٧ واشتغل في قسم التصميم في مرسيدس من 1933 لحد ما اعتذل عن عمر 73 سنة ومات في ١٩٩٦ عن عمر ٨٨ سنة.
صمم عربيات كتير وكانوا كلهم من ايقونات مرسيدس زى ال Mercedes-Benz 500K و Mercedes-Benz 300SL Gullwing وإللي تعتبر من أعظم ١٠ عربيات مرسيدس انتجتهم ومن أفضل عربيات تم بناءها في القرن العشرين.
كمل صانع الأيقونات بتصميم عربيات تانية كتير زي زي
Mercedes-Benz SL R107
Mercedes-Benz W108 / W109
Mercedes-Benz S-Class W116
وكان الشئ المشترك بين كل تصميماته إنه كان ماسك اعلي فئة في مرسيدس... الفئة إللي إنتهت بظهور واحدة من أفخم واغلي العربيات في العالم Mercedes S-Class.

صباح الفل
العربيات اللى فى الصورة دي بينها شئ مشترك
بعيد إن كلهم مرسيدس! 🤔🤔 مستنى ردكم

#كبسولة