Gymnastics lovers

كل يوم جديد هو فرصة جديدة لطفلك عشان يحترف الجمباز! 🥰🫶🏻

▫️الجمباز من الألعاب اللي بتحتاج مجهود وتدريب كتير عشان نوصل لمستوى كبير فيها 💪🏻❤️.
▫️عشان كدا لازم نصبر على الطفل لحد ما يحقق المستوى المطلوب ✔️.
▫️ومع كل يوم بيعدي ليه في التمرين هو بيكسب مهارات جديدة توصله في الآخر لموسم صيفي مليان بطولات 🥇🤸🏻‍♀️.

إبعتيلنا دلوقتي واسألي عن التفاصيل ✨❤️

للتفاصيل واتساب 011 57093048

قرار إداري
السادة والسيدات العاملين
تحية طيبة وبعد
بمناسبة فوز النادي الأهلي ببطولة دوري أبطال أفريقيا للمرة الثانية عشر في تاريخه
قررنا
١_صرف مكافأة للعاملين المشجعين للنادي الأهلي
٢_صرف مكافأة مضاعفة للعاملين المشجعين لنادي الزمالك لتشجيعهم نادي الترجي الرياضى التونسي والتسبب في خسارتهم
٣_خصم ٣ ايام لحسونة عشان بيقول اننا بنكسب بالحكام وبيتريق على موديست
٤_ توزيع هدايا على جميع اللاعبين واللاعبات الذين يشجعون الكيان العظيم النادي الأهلي
وتفضلو بقبول وافر التحية
مع وافر الإحترام

قرعة بطولة الجمهورية مرحلة ١٢ سنة جمباز الأيروبيك

اتحاد الجمباز يضع اللمسات الأخيرة على حفل افتتاح بطولة العالم يضع مسئولو اتحاد الجمباز برئاسة الدكتور إيهاب أمين، اللمسات الأخيرة على حفل افتتاح بطولة كأس العالم للجمباز الفني

لا نقول إلا ما يرضي الله إنا لله وإنا إليه راجعون
انتقلت إلى رحمة الله تعالى بنت الأخ والصديق رونزا رامي خلف
لله ما أخذ وله ما أعطى وكل شيء عنده بأجل مسمى
اللهم اجعلها ذخرًا لوالديها وفرطًا وشفيعًا مجابا اللهم أعظم بها أجورهما وثقل بها موازينهما وألحقها بصالح سلف المؤمنين واجعلها في كفالة إبراهيم عليه الصلاة والسلام وقها برحمتك عذاب الجحيم

We aim to provide fully equipped gymnastics halls to serve every gymnast and coach who wants to improve their performance. We combine a luxurious facility with highly efficient training equipment to give our aerobic gymnasts the best training experience they can ever have while maintaining their privacy.

The first aerobic gymnastics hall will be deployed soon in Sharm El Sheikh

Coming soon!!!

البوست مهم بس طويل شوية واسف على الإطالة
⬅️⬅️ ( احتراق المدرب ) ➡️➡️
مش بس اللاعب اللي بيحصله احتراق نفسي ، المدرب كمان مُعرض للاحتراق النفسي بسبب عوامل كتير ممكن يكون سببها ( إدارة النادي - أولياء الأمور - اللاعب - الحماس الزائد للمدرب )
١- إدارة النادي:-
مدربين كتير أفاضل بتتكلم عن التدريب طويل المدى ltad
وبتنصح المدربين بالعمل به ، مدرسة التدريب طويل المدى مدرسة كندية هدفها بناء لاعب أولمبي عشان كده هما متقدمين في السن الكبير ومحققين نتائج مبهرة ، لكن هنا في مصر الأمر مختلف ، مسؤولين الأندية والمديرين الفنيين توجيهاتهم هي الفوز بأي طريقة لذلك احنا متميزين جدا في مرحلة البراعم 😁 فلما حضرتك تتكلم عن التدريب طويل المدى ياريت تكون بتخاطب المسؤولين لأن المدرب في الأول والاخر محطوط تحت ضغط ( انا لازم اجيب للنادي ميدالية )
٢- ولي الأمر:-
ولي الأمر الغير واعي للفروق الفردية في مرحلة الناشئين وتأثيرها على اللاعب هو كمان حاطط ضغط على المدرب أنا ليه ابني مش زي فلان ، وطبعا حب المكسب موجود داخل كل ولي أمر أنه عايز يشوف ابنه مبسوط ويفتخر بيه ، وولي الأمر لو كلمته بأسلوب علمي بهدف التوعية مش هيقتنع ، ف بالتالي المدرب بيتحط تحت ضغط ( أنا لازم اخلي الولد بيطير عشان ولي الأمر يتكيف وعشان سمعتي قدام أولياء الأمور تبقا كويسة ).
٣- اللاعب:-
مدربين كتير جابت لعيبة من تحت الصفر حرفيا و خلتهم لاعيبين استايلهم عالي و بينافسوا وبعضهم بيكسب كمان وبدون اي تعرض لإصابة أو احتراق ، يضع المدرب خطته للاعب وللارتقاء بمستواه وفجأة يتوقف اللاعب عن التمرين لأسباب ( دراسية - مصيف - مكسل - رايح لجدو ) ، و من ناحية أخرى تلاقي لاعب ساب مدربه لسبب غير فني وراح لمدرب تاني واخد صيط كاذب هيدوس عليه ويحرقه ، ف بالتالي بيتحط المدرب تحت ضغط ( أنا ببذل مجهود على الفاضي )
٤- الحماس الزائد للمدرب :-
احيانا يكون المدرب لديه حماس وحب للاعب وتطويره وللفوز أكثر من اللاعب نفسه ، فتجد المدرب يعمل في البيت ويقوم بتقسيم الاحمال للاعب ووضع خطة ودراسة نقاط الضعف عند اللاعب وكيفية تطويرها ودراسة نقاط القوة وكيفية استغلالها ، ويبقا واقف بيعدل وبيزعق وقلبه على اللاعب ومستواه ، ومن ناحية أخرى تجد اللاعب غير مهتم بتعديل اخطائه ، متهاون ، مش بيعمل المطلوب منه ، فبرغم شغل المدرب الرائع تيجي البطولة تلاقي رقم غير المخطط له ، ف بالتالي بيتحط المدرب تحت ضغط ( أنا شغلي غلط ولا اللاعب هو السبب ).
...
كل دي ضغوط يتعرض لها المدرب لا يلتفت لها أحد ونصيحتي عشان متتعرضش للاحتراق بدري :
١- اشتغل بما يرضي الله .
٢- اتكلم مع ولي الأمر ووعيه
٣- متخليش لاعب هو رقم واحد عندك ومتتعشمش في لاعب 😁
٤- امسك حماسك شوية واصبر ، الميدالية دي رزق مش شطارة ورزقك مكتوبلك هتاخده ازاي ، مش كل اللي جابوا ميداليات فاهمين ، كل واحد رزقه في حاجة.