22/09/2026
اختاااااااااااه الجيماويه صومى 18 ساعه ومنعى عيش وسكر عشان تخسى يا منيله
طبعا زى الغلبلانه سمعتى كلام ابله عفاف اللى ف الجيم وربنا مديها جسم كويس
هي اه بتفطر طعميه وفول وراكنه علبه كشرى تحت اللوكر وبتروح تديها حلاوه بالقشطه
بس جسمها كويس ف انت مصدقه بقى الكلام
فتعالى نكمل ف هبدات التغذيه ولو مشفتيش هبدات التمرين ارجعى للبوست الاخير
هبده رقم 1
امنعى عيش وسكر وكارب وبطاطس امنعى الاكل والكلام امنعى النفس يا عسكرى
هبده رقم 2
اشربى شيا، واديها ديتوكس، وحلبة، وزنجبيل، وكمون، وخل على لمون
لو طعمها زى الصرف… اعرفى إنها بتحرق جامد 💩🔥
هبده رقم 3
متشربيش ميه مع الاكل ولا بعد الاكل عشان بتعمل كرش
هبده رقم 4
ما تاكليش بعد 6 المغرب
ولو جعتي؟ نامي…
النوم بيحرق أكتر من الكارديو تتحرق معدتك يا بعيده
هبده 5
لو وقفتي التمرين، جسمك هيترهل
ما هو أنتِ لو ايس كريم فرايدى ، أول ما تقفي هتسيحي
هبده 6
كل ما تعرقي أكتر، تحرقي أكتر ف لفى نفسك ف كيس بلاستك وخشى سونا بقى
هبده 7
كل أنواع الفاكهة ممنوعة… فيها سكر
بس الحلاوة بالقشطة تحت اللوكر بتعدى عادى 😂💁♀️
هبده 8
الموز بيتخن!
يعني بجد؟ فاكهة بريئة زي الموز…
بس البقلاوة "مش أوي يعني"؟ 😂🍌
هبده 9
الكيتو الحل السحرى ابن عم جوز اختى مشى عليه وجابله سكر ودهون ع الكبد بس خس عادى
هبده 10
كل وجبه لازم تكون بروتين بس
يعني ناكل صدر فرخة ونسكت؟
فين الميه؟ فين الرحمة؟ فين طاجن البطاطس؟
نصيحه يا اختاااااااااه
لو النظام اللى ماشية عليه بيخليكى جعانة، مرهقة، مش طايقة نفسك… يبقى دا مش نظام صحى. دا نظام تعذيب.
التغذية الصح:
✅ تشبعك
✅ تديلك طاقة
✅ تحسسك إنك إنسانة مش سجينة
والجسم الحلو مش بييجي من الجوع والحرمان…
بييجي من الفهم، الالتزام، والراحة النفسية ✨
#تخسيس #رياضة #زومبا #جمباز #حرقالدهون #حرق
