O2Z Fitness GYM

✨💥✨💥✨💥✨💥🔥🔥
بشرى سارة ومن دواعي السرور ان نعلن عن :
افتتاح كافية
💥مزاج💥
المميز والجديد سوف يقدم لكم :
” الهدوء والخدمة المميزة والترفيه”
في شكل جديد ومميز انتظرونا موعدنا اليوم الساعة الخامسة
موقع الكافية : الدور الثاني بجانب جيم O2Z ❤️

عارفين السهل الممتنع؟
هو الاستك اللي في الصوره ده كده
مايقلش في اهميته عن الحديد
ويعتبر واحد من اهم ادوات تمارين المقاومة
بيستهدف عضلات ممكن تكوني مابتمرنيهاش في التمارين العاديه
بيعلي من نتيجة التمرين
تمرين بحبل مقاومة بيزود تحمل العضله ويحسن اداءها
بيساعد جدا في تمارين نحت الجسم
بيتعمل بيها احسن وافضل تمارين للجزء السفلي والجلوتس
نيجي بقى للجزء اللي بنحبه
تمارين المقاومة بتفرز هرمونات مهمه للبشره وصحة الجسم
••هرمون النمو HGH
هرمون بيعزز على النمو من واحنا اطفال ومع التقدم في السن جسمنا بيقلل افراز الهرمون ده فتبدأ تبان علامات تقدم في السن والكبر على وشنا وصحتها وعظمنا بيتأثر
تمارين المقاومة بتساعد الجسم انو ينتج هرمون النمو باستمرار
••بتزود انتاج الكولاجين في الجلد
علشان كده دايما الاشخاص الرياضيه بيكون شكلهم اصغر من سنهم
••بتتحكم في هرمون التستوستيرون وده معناه حبوب وشوائب اقل للبشره
••كل اللي في الصوره ده تقدري تلعبي بيه تمارين مقاومة••
تعالي جربي
وماتنسيش اسألي كل اللي جرب معانا التمارين دي😉

واحد من فوائد ممارسة التمارين الرياضية
زيادة إحترام الذات!
ازاي
هو جوجل قال كده
علشان كده ماتاخديش معلومة من اي حد ولا تسألي اي حد
تعالي هنعرفك وهنمرنك
وماتخليش جوجل يضحك عليك
مستنينك يوم السبت والثلاثاء والأربعاء من الساعة١٢ للساعة ٥
الجمعة من الساعة ٩ للساعة ٣
••لأي استفسار اتواصلي معانا على الواتساب

يعني ايه نزول في الوزن؟
علشان تلعبي رياضه صح لازم في الاول تعرفي يعني ايه جسمي يخس وازاي اعرف ان انا ماشيه صح
على عكس ماكتير فاهم نزول الوزن مالهوش اي علاقه بالميزان والرقم اللي بتشوفيه عليه
علشان انت ممكن تكوني بتخسري دهون وبتبني عضل وده ممكن يديلك على الميزان نفس الرقم اللي انت جايه تتخلصي منه
●○ مقياسك هيكون مقاسك!
فالمهم انك تلاقي مقاسك قل واختلف كده انت بتخسي
وعلشان تعرفي بتخسي صح ولا لا
ببساطه انت لو بتعملي دايت بدون ممارسة رياضه
انت مابتخسيش صح علشان انت في الحاله دي هتخسري دهون وعضل وطاقة كمان
اما لو بتعملي دايت وبتلعبي رياضه فاتأكدي انك بتخسي صح وبشكل صحي
علشان انت هنا بتخسري دهون وبتبني عضل وبتحافظي على طاقتك وبتعليها
الموضوع سهل مش صعب بس محتاج تشجيع وإرشاد
احنا موجودين في المكان علشان توصلي لأحسن نتيجه💪🏻

اتكلمنا في البوست اللي فات عن الكارديو والمقاومة والفرق بينهم
دلوقتي هقولكو على رياضه بسيطه وممتعه وسهل اي حد يلعبها وياخد نتيجه من افضل الرياضات للتخسيس وحرق سعرات عاليه جدا وتعتبر كارديو ممتاز
وهي نط الحبل
ساعه من نط الحبل تقدري تحرقي فيها اكتر من ٩٠٠ سعر حراري
تقدري في ١٠ دقايق تحرقي ١٥٠ سعر حراري وتكوني سخنتي قبل التمرين وفي نفس الوقت حرقتي سعرات كويسه
علشان كده احنا عاملين ليك
تمرين كارديو مدته بين ٢٠ دقيقه ل ٤٥ دقيقه
فيه نط حبل
كتير سالني ايه لازمته في التمرين
ده مش من فراغ احنا عاوزين نديلك اكبر فايده في ساعه
وكمان مودك ونفسيتك وطاقتك هيكونو احسن
اسألي عن الكارديو واي تفاصيل للمواعيد
على الواتساب واحنا هنقولك على كل التفاصيل
ولو مابتعرفيش تنطي حبل ماتقلقيش احنا هنعلمك

كارديو ولا مقاومة؟
الكارديو تمارين بتتعمل بكذا طريقه وظيفتها الاساسيه حرق سعرات حراريه عاليه جدا بس كارديو لوحده هيعمل ترهلات للجلد لانه مابيبنيش عضل
●○تمارين الكارديو زي مشي و جري في المكان المشايه اوربتراك
بيحرق بشكل عالي جدا سعرات زياده فبيساعد في التخسيس جدا
●○المقاومة سواء بوزن جسمك زي لعب سكوات او push ups او حديد زي مابتعملو في الجيم ع الاجهزة
بيبني عضل وبيحرق دهون بشكل اسرع
بيحرق دهون لحد بعد ماتخلصي تمرين علشان جسمك بيبني عضل فبيحتاج مجهود عالي فيبدأ يحرق من دهون الجسم
علشان كده احنا بندخلّكو الكارديو بجميع طرقه مع الحديد او المقاومة لانو دي افضل طريقه تخسي بيها وترسمي جسمك بشكل حلو ومتناسق
للاستفسار ابعتيلنا على الواتساب

Reviews👐
O2Z Fitness Ladies👩🏋🏻‍♀️
للإستفسار عن المواعيد ابعتيلنا على الواتساب

نفسك تجري وتلعبي اكسرسيز رياضه زي فيفي عبده في الساحل الشمالي
ماتخليش حاجه في نفسك تعالي واحنا هنخليك تجري وتلعبي رياضه من غير ماتتعبي وتروحي الساحل
فاتحين كل يوم
للاستفسار عن المواعيد ابعتيلنا على الواتساب
ويللا نعمل فورمة الساحل

كتير بيجي يشتكي من البطن
بالذات اللي بيتمرنو ويعملو دايت وبرضه البطن كبيره
بيلعبو بطن وكتير كمان وبرضه مابتنزلش
هنتكلم بشكل بسيط عن المشكله دي سببها وحلها
هيكون في صوره بتوضح شكل عضلات البطن الطبيعيه
وصور لعضلات البطن اللي بتكون سبب ان البطن كبيره ومابتستجيبش للرياضه
في مشكلة اسمها انفصال عضلات البطن
دي بيكون ليها كذا سبب واهم واكبر واكتر سبب فيهم
١-الحمل بالذات لو اكتر من مره او لو توأم
٢-ضعف عضلات البطن بسبب قلة الرياضه
٣-الاوزان الكبيره بشكل غير مناسب للجسم
٤-جراحه في البطن خاصة القيصرية
كل اللي مكتوب ده بيسبب انو عضلات البطن بتنفصل وتبعد زي الصور
فالمكان بيكون طري وطبعا ممكن يرهل
وممكن الجسم يكون رفيع ومظبوط والبطن لا علشان العضلات مش في وضعها ومكانها الطبيعي
ماتُحبطيش وتصدقي ان الموضوع مالهوش حل
زي جمله كتير بيرددها "بطن القيصريه عمرها مابتخس"
لا مش حقيقي لان في تمارين محدده بتعمليها بترجع بطنك زي الاول وكمان تقدري تقسمي بطنك والعضلات تبان
عندنا هنقدر نعرفك لو انت عندك المشكله دي
ونوجهك للتمارين المناسبه ليك مع الاكل طبعا
لحد ماتتخلصي من مشكلة البطن اللي مش عارفه مابتنزلش ليه
لتفاصيل مواعيد البنات ابعتيلنا على الواتساب

حابين نزود فهمك للرياضه بشكل اكبر
ونوضح قد ايه هي مهمه لصحتك اكتر بكتير من وزنك

"الميزان مش مقياس"
علشان تخسري على الميزان ارقام حقيقه
انت ممكن كل اللي تعمليه تقللي اكل بكمية كبيره وكمان تقللي شرب مياه
تاخدي اقل من سعراتك الحراريه اللي محتاجاها
وطبعا ده ميزته الوحيده الرقم اللي على الميزان
بس هتخسري معاهم دهون جسمك الاساسية
"احنا عندنا دهون اساسية ودهون غير اساسيه ( دهون مخزنة) من الاكل الغير صحي دهون سكر زيوت صودا "
ودي اللي المفروض نخسرها ونقللها للمعدل الطبيعي المناسب لكل شخص علشان نوصل لشكل مناسب لجسمنا بدون اي ضرر على صحتنا
فلما نعمل دايت قاسي زي ماكتير بنسمع من ناس
فعلا الجسم بيخسر كتير جدا وبيخسر على الميزان كويس بشكل يرضينا
بس طبعا بسبب النظام الخاطئ وعدم ممارسة الرياضه بالشكل المناسب
هتلاقي صحتك بتنزل وطاقتك طبعا اللي بتعتمد بشكل اساسي على دهون مهمه في جسمنا وكل ده هيترتب عليه مشاكل صحيه
ومشاكل في الهرمونات
علشان كده الاهم من انك تفكري في فقدان الوزن
فكري ازاي تخسري دهون وتكسبي عضلات (اللي بالمناسبة مهمه جدا لجسم المرأة وهنوضح في بوست منفصل)
اوعي تصدقي خدعة الرقم اللي على الميزان
Think fat loss not wight loss💪🏻