Mohamed kasab _محمدكساب

الرجل لا ينطفئ فجأة…
بل يستهلكه الضغط بصمت.

ومع الوقت، تقل طاقته، ويبرد شغفه،
ليس لأنه تغيّر… بل لأنه استُنزف.

أحيانًا، لمسة بسيطة أو اهتمام صادق،
تعيد ضبط كل شيء داخله.

العلاقات لا تُبنى بالكلام فقط،
بل بإشارات أمان حقيقية يفهمها الجسد قبل العقل.

خليني أقولك حاجة بصراحة يمكن تزعل،
بس السكوت عنها زعل أكتر.

في كلمة ستات كتير بتقولها بهزار أو بعصبية
وهي في الحقيقة بتكسر الراجل من جوّه:
لما تحسّسيه إن طلبه للعلاقة عيب،
أو تقللي منه،
أو تتعاملي كإنه بيطلب حاجة غلط.

الراجل ساعتها مش بيعرف يرد،
مش علشان كلامك صح،
لكن علشان الرد نفسه هيجرحك أو يجرحه أكتر.
هيرد يقول إيه؟
إنك مش فاهمة طبيعة الجواز؟
ولا إن محدش فهمك إن العلاقة مش رفاهية؟
ولا إن ده حق متبادل ربنا شرّعه؟

خلينا نكون واضحين:
العلاقة الحميمية من أولويات الراجل،
مش نزوة،
مش قلة تربية،
مش طلب زيادة عن اللزوم.
دي حاجة ربنا خلقه محتاجها
زي الأمان، زي الاحتواء، زي التقدير.

لما الزوجة تتعامل مع الحق ده
على إنه وسيلة عقاب،
أو ضغط،
أو “خلّيه يحس على دمه”،
هي كده بتغلط غلط كبير،
مش بس في حقه…
في حق نفسها وبيتها.

هو هيروح فين بمشاعره؟
هيركنها؟
هيكتمها؟
ولا هتفضلي كل شوية تتهميه إنه عصبي، بارد، متغير، أو قافل؟

اللي كتير مش واخد باله منه
إن الحرمان مش بيخلّي الراجل “يتأدّب”،
الحرمان بيخلّي القلب يقفل،
والمودة تقل،
والمسافة تكبر،
لحد ما الاتنين يلاقوا نفسهم عايشين تحت سقف واحد
بس كل واحد في عالم.

الجواز مش صراع قوى،
ولا مين يكسب ومين يخسر،
الجواز مودة ورحمة
وشراكة في الاحتياج قبل الواجب.

كلمة قاسية
أو سخرية
أو صدّ متكرر
ممكن تهدّ اللي سنين كانت بتبنيه.

وفي المقابل
كلمة حنينة،
تفهم،
واحتواء،
قادرين يلمّوا خلافات كبيرة
من غير خناق ولا وجع قلب.

خلي بالكِ…
الراجل اللي تحترمي احتياجه
هيحترمك،
ويقدّرك،
ويحافظ على بيته.

لكن اللي تكسّريه بكلمة
وتحرميه بعناد
متستغربيش لما تلاقيه بقى بعيد
حتى وهو قاعد جنبك.

الجواز وعي
مش شدّ حبل
واللي فاهمة ده
بتحافظ على بيتها قبل ما تحاسب جوزها.


#وعي

العشم وحش اوي
و احنا اتعشمنا جامد 😔

ومن عفا وأصلح فأجره على الله
سامح لكن لا تخالط

الإنسان اللى بيودك أو بيحبك بيفهمك قبل ما تتكلم مش بيضغط عليك علشان يقول عليك انت وحش أو اتغييرت مش بيحور الكلام علشان يحاول إن يشيلك غلط لو فعلاً بيحبك حتى لو أخطأت بيتحملك وبيعملك أى عذر علشان ميزعلش منك
حرفياً الإنسان اللى قلبه نضيف ملهوش حظ فى الزمن دا
اللهم أخرجنا من هذه الدنيا بسلام وحسن الختام

“تريد مني نصيحة جاءت متأخرة جداً؛
لا تتعجل أي شيء.. حاول أن تدوس فرامل على كل شيء في حياتك اليومية..
فلا ضرورة للاستعجال، أنت مهم جداً لنفسك مهم قليلاً للناس..
أو لا أهمية لك ولكن أنت أهم إنسان في حياتك..
فحاول أن تأكل على مهل وتشرب على مهل.. وتمضغ على مهل..
والباقي سوف تقوم به الغدد في جسمك..
قد لا تجد لهذا الكلام معنى.. ممكن..
ولكن سوف تتذكره حتماً عندما تتقدم بك السن
وعندما تهتز الصحة والفلوس والوقت،
فالذي يتعجل كل شيء فإنه يعيش عمره أو نصف عمره..
أما الذي يتمهل فهو الذي يعيش العمر الواحد مرتين وثلاثاً.. صدقني..
وفي عالم الحيوان نجد أن أكثر الحيوانات بطئاً وأقلها حركة هي أطول عمراً!”
من مقال “ابحث عن راحتك” للمبدع أنيس منصور

#إقرؤوها بتمعن
لا يُمكن للقنافذ أن تقترب من بعضها البعض .. فالأشواك التي تُحيط بها تكون حصناً منيعاً لها ، ليس عن أعدائها فقط بل حتى عن أبناء جلدتها ..
فإذا أطلّ الشتاء برياحه المتواصلة و برودته القارسة إضطرت القنافذ للإقتراب والإلتصاق ببعضها طلباً للدفء ومتحملة ألم الوخزات و حدّة الأشواك .. وإذا شعرت بالدفء إبتعدت .. حتى تشعر بالبرد فتقترب مرة أخرى وهكذا تقضي ليلها بين إقتراب و إبتعاد ..
الإقتراب الدائم قد يكلفها الكثير من الجروح .. والإبتعاد الدائم قد يُفقدها حياتها ..
كذلك هي حالتُنا في علاقاتنا البشرية ..
لايخلو الواحد منا من أشواك تُحيط به وبغيره ولكن لن يحصل على الدفء مالم يحتمل وخزات الشوك والألم ..
لذا ..
:
*من إبتغى صديقاً بلاعيب عاش وحيداً ..*
*ومن إبتغى زوجةً بلانقص عاش أعزباً ..*
*ومن إبتغى أخاً بدون مشاكل عاش باحثاً ..*
*ومن إبتغى قريباً كاملاً عاش قاطعاً لرحمه ..*
فلنتحمل وخزات الآخرين حتى نعيد التوازن إلى حياتنا ..
إذا أردت أن تعيش سعيداً ..
فلا تفسر كل شيء ، ولاتدقق بكل شيء ، ولاتحلل كل شيء،
فإن الذين حللوا الألماس وجدوه فحما ..
لا تحرص على إكتشاف الآخرين أكثر من اللازم ،
الأفضل أن تكتفي بالخير الذي يظهرونه في وجهك دائماً ✍️🌹✍️🌹✍️

"فما ظنُّكم بِرَبِّ العالمين"؟

الآية دي اعتبرها سؤال ليك ، والسؤال ده كل ما تضيق عليك الدنيا وتحس انها ضلّمت في وشّك اسأله لنفسك، قول لنفسك ما ظنّك برب العالمين؟

سيدنا عبد الله بن مسعود كان يقول : "قسمًا بالله ما ظَنَّ أحد بالله ظنًّا إلا أعطاه ما يظن، وذلك لأن الفضل كله بيد الله."

ساعتها والله هتحس كأن باب كبير يوشك أن يُفتح، ونور عظيم باين قدام في آخر الطريق، إحساس بيقولك إنها هتفرج من وسع فاتطمِّن بجد ولا تحزن.

اللهم إنا نظن بك غفرانًا، وعفوًا، وعافيةً، وسترًا، وتوبة، وهداية، وسعادة، وثباتًا، ورزقًا، وتوفيقًا، وفرجًا قريبًا، وحُسن خاتمة.

فيلم مأثر جدا اسمه كليك " click "
قصته بتدور حوالين أب "مهندس" مشغووووول دايما بيحب زوجته و أولاده الاتنين جدا ولد وبنت ٧ و٦ سنوات .. لكنه دايما ماعندوش وقت للخروج معاهم ، ولا للتجمعات العائليه لما زوجته تعزم والده و والدته بيبقي متكدر عشان وراه شغل كتييير يخلصه ومش فاضي للتجمعات دي ..!

راح يشتري "ريموت كنترول" للتليفزيون قابل شخص غريب إداله الريموت هديه بس حذره إنه ريموت عجيب جدا وخطير و لازم يفكر كويس قبل مايستحدمه وممنوع يرجعه ..!

الأب دة محبوب أوي من زوجته وأولاده بس هو مش حاسس بنعمة العائلة ..
عاوز يعدي كل أوقات التجمعات و المهاترات والجدال و "وجع الدماغ" وحتي أوقات المرض ..!
عاوز يهرب من دوشة العيال عاوز يبطل يسمع شكاوي مراته من أعباء البيت وتحمل مسؤولية الولاد و...و...إلخ و نفسه يترقي في الشغل ..

أخد الريموت وبقى بيعرف يتحكم في الزمان والمكان والأشخاص ويعمل skip و يعدي أي فقرات فيها مجهود أو "وجع دماغ"

في الأول الموضوع عجبه وراح يشكر اللي أخد منه الريموت

بس رد عليه لما سأله إزاي دة بيحصل وقاله : إنت بتبقي موجود معاهم بجسمك بس ، عقلك هو اللي في حته تانيه ونصحه:
" الأفضل لك أن تحتفظ في عقلك ببعض الذكريات العائلية"

بس المهندس المشغول رفض وقاله :"هيفوتني ايه يعني .. ؟؟شويه مشاكل علي المشاوير ولا تمارين الولاد لا بناقص ..!

المهم إن الريموت اتبرمج علي نمط حياة المهندس دة ، و بقي بيعدي كل حاجه بالسنين ..
و في النهاية وصل فعلا إنه بقي مالك أكبر شركه معمار في العالم .. بس فاته معايشة أحداث كتيير أوي مع عيلته ..

لما كان بيفوق لوعيه كل فترات كبيييرة يلاقي أحداث كتيير فاتته تخرج ولاده ، و وفاة والده ، وان زوجته هجرته وإتجوزت واحد تاني ، وفاق لوعيه في مرة لقي نفسه في فرح ابنه
وبنته كبرت بقت آنسه زي القمر ، وبتقول لواحد غيره يا بابا ..!

إتصدم وساعتها جاتله أزمة قلبيه و راح المستشفي
لحظه وفاته جمع أولاده و ابنه كان لغي شهر العسل عشان لازم يحضر صفقة مع شركة معينه
قالهم جمله واحدة وفضل يرددها :

"Family, Family, family comes First"
" العائلة تأتي أولا "

ليه قرب فوات العمر يفتكر الواحد إنه محتاج يعيش حياته صح ..؟!!
ليه لما يكبروا الاولاد نحن لأيام لما كانوا أطفال ..؟!!
ياريتنا ندرك قيمة الأشخاص قبل أن نفقدهم ..
ياريتنا ندرك أن " السر في الرحلة " مش في الوصول ..!

استمتعوا بالعادي والموجود استمتعوا هنا ودلوقتي استمتعوا بكل وقت في طفولة ولادكم ، دة مافيش أسرع من الأيام ..!!

تتبروز ١٠٠٠ مره 📌

مهما كان قلبك "أبيض" وبتحب الخير؛ فأنت شخص شرير عند بعض "الناس".. مهما كانت تصرفاتك تلقائية وبسيطة؛ فهي تصرفات مقصودة ومدروسة عند بعض الناس..

مهما كانت نيتك سليمة؛ فأنت نيتك سودا عند بعض الناس.. مهما كانت "جدعنتك"؛ فهي حُب للظهور عند بعض الناس! 🖤

أنت محتاج تتقبل إن مش كل الناس هتحب تعرفك على حقيقتك مهما حاولت تبيّنها، فهدّي نفسك وارتاح وخليك على طبيعتك وتأكد إن "كُلٌ يرى الناس بعين طبعه"، وعين حاله الذي هو عليه ❤️‍🩹

#الدحيح