Reda Abdou - رضا عبده

لقب قاري جديد في جزيرة الالقاب ، السوبر الإفريقي أهلاوي عن جداره واستحقاق .. الف مبروك لجمهور الأهلي العظيم ❤️
- شوط اول سئ وشوط ثاني مثالي عاد موسيماني بالاهلي ونظم خطوطه ، بعد احراز الهدف الأول ظهرت شخصية الأهلي وتحكم في مجريات اللقاء واستحوذ ع الملعب ولعب بضغط عالي
- شريف احرز هدف من ريحة اهداف القناص عماد متعب استلام بدوران وحطة جون عالمي ، صلاح محسن لاعب كبير هداف مهاري وفي انسجام بينه وبين شريف ف انا بتمني موسيماني يلعب بيه هو وشريف وطاهر الفتره الجايه
- نجم المباره من وجهة نظري محمد شريف ويليه هاني وطاهر ال قدم مباراه رائعه ومجهود رجولي معتاد♥️🦅

- أولا الف مبروك لجمهور الأهلي العظيم ع الصعود
- نهائي مبكر مع فريق منظم . كورته حلوه . بيعرف يوصل لمنطقة جزاء الخصم بسهوله . موسيماني بدأ بتشكيله كويسه عرف يقفل كويس علي مفاتيح لعب صنداونز ويقلل من عيوب الأهلي الي حد ما في الدفاع باستثناء رامي ربيعه ال محسناش بوجوده خالص غير في كورتين تلاته رامي ربيعه ضعيف جدا ع الارض مبيعرفش يباصي كويس كل تركيزه انه يشتت الكوره مش يلعبها لحد من زمايله ، كانت دايما منطقة رامي ال قدام السيردباكين فاضيه ولاعيبة صنداونز بتسلم وتستلم فيها بسهوله .. علامة استفهام كبيره علي اداء رامي؟!
- الاسد ياسر ابراهيم اللي بعتبره من نجوم اللقاء عمل ماتش ممتاز دفاعيا ودايما في اي ماتش صعب تلاقي ياسر له بصمه
- ان شاء الله العاشره اهلاويه 🦅

الكاف يختار اليو ديانج كأفضل لاعب في ذهاب دور ربع النهائي في دوري أبطال افريقيا وهدف طاهر محمد طاهر في مرمي صنداونز كأفضل هدف .

- موسيماني ده لو معلم يلعب بـ شريف جناح يمين وصلاح مهاجم وطاهر جناح شمال وبالتلاته دول يقدر يلعب بطريقته العاديه 4-2-3-1 ويقدر يغير الطريقه اثناء اللعب ويلعب 4-4-2 شريف وصلاح مهاجمين و هيستفاد منهم جدا بسرعتهم واختراقهم دفاع اي خصم وقدرتهم علي احراز الاهداف الفتره الجايه ان شاء الله

تشكيل النادي الأهلي لمباراة المريخ السوداني في إياب دور المجموعات ..
محمد الشناوي
محمد هاني - بدر بانون - ياسر إبراهيم - أيمن اشرف
عمرو السوليه - اليو ديانج
اچاي - أفشه - محمد شريف
مروان محسن

- انا عمري ما شوفت كمية فرص بتضيع بالشكل ده + رعونة وعدم تركيز غير طبيعيه في انهاء الهجمات
- كمان بيصادفك سوء توفيق غير عادي
- كمان هتكلم عن نفس المشكله ال بتواجهنا في كل ماتش ليه مبتخلصش الماتش من الشوط الأول ليه المشكله دي موجوده من بدري عندنا ياعم موسيماني ومش عارف تحلها
- قرار تحكيمي كارثي وظالم في وقت ما انت بترجع للمباراه وبتتقدم .. فاكيد كل العوامل دي اثرت علي الاهلي وخلت الماتش يهرب مننا!
الحمد لله علي كل حال

نجم كبير يابو خالد ❤️

تحليل أهلاوي لمباراة طلائع الجيش ..
- بعد مباراة مثيره الأهلي حقق فوز صعب علي طلائع الجيش ، حقيقي مفيش ماتش سهل في الدوري والفرق كلها بقت إمكانياتها متقاربه والكل بيكسب والكل بيخسر
- نجم المباراه اچاي ال في اول ماتش ليه في الدوري بيعمل أداء عالي جدا ويجيب جونين والشناوي اللي بيأكد للكل انه افضل حارس في مصر وأفريقيا عمل ماتش كبير وشال اكتر من كوره خطيره أثرت في مجريات المباراه
- لازم موسيماني يحاول يثبت شكل للفريق ويحط من البداية اللاعيب ال يخلصله الماتش من الأول ، بالإضافة لغياب ديانج انا مش فاهم بيقعده ليه لاعيب مينفعش يقعد لاعيب مبيخليش الكوره تيجي عليك لاعيب عامل ستاره في وسط الملعب لاعيب بيفسد اكتر من 80 % من هجمات المنافس لازم تخليه في الملعب هي اه وجهة نظر مدير فني لكن من وجهة نظري هو لاعب لا غني عنه
- لازم ايضا موسيماني يلعب افشه في مكانه هو لاعب رقم 10 يبقي يلعب 10 متخلهوش يروح للاطراف لأن قيمته بتقل في الملعب وكمان ده سبب في عدم ظهور محمد شريف طول الماتش لأن مفيش حد بيدعمه مفيش كور بتوصله يقدر يترجمها لأهداف
- الف مبروك للنادي الأهلي 3 نقط مهمه في المشوار 🦅

- في ظل مباراه صعبه جدا لم يستطع الأهلي ان يحصد الثلاث نقاط وينفرد بصدارة المجموعه
- اسوأ مباراه لموسيماني علي الاطلاق مع النادي الأهلي
- ارتفاع درجات الحراره والرطوبه العاليه احد الاسباب في خسارة الأهلي اليوم لكن أخطاء فنيه واضحه في المباراه .. مباراه للنسيان ولازم اللاعيبه تراجع نفسها عشان الفتره الجايه مهمه جدا
- تغييرات كلها غلط واداء لا يليق بالنادي الأهلي
- عامل الارض والجمهور المبالغ فيه ساند كثيرا فريق سيمبا واداهم ثقه كبيره في أدائهم ، لكن احنا قادرين ان شاء الله علي حصد الثلاث نقاط في مباراة العوده ..

النادي الأهلي يتصدر ترتيب الأندية الأكثر حصولاً على البطولات في القرن الـ 21 برصيد 45 بطولة 🔴🦅