BStudio Danza AC

PRE-ESTREA | VIDE VIDA

Vide Vida é un espectáculo de danza contemporánea que rende homenaxe á vendima e ao proceso de creación do viño, a través dunha mirada poética sobre os corpos, os ritmos e os pequenos xestos que habitan este traballo ancestral.

A peza mergúllase na cotiandade da recollida da uva: o esforzo compartido, a repetición, o desgaste, os silencios, os vínculos humanos e a transformación constante da materia e do corpo.

Entre o íntimo e o colectivo, Vide Vida constrúe unha paisaxe escénica onde tradición, memoria e movemento se entrelazan para converter a faena da vendima nunha experiencia sensorial e coreográfica.

Idea orixinal
Leodán Rodríguez Casas

Interpretación e coreografía
Emilia Pardo Porta
Iria Otero Romero
Leodán Rodríguez Casas

Asistencia de movemento e coreografía
Dolores Mayán Rubio

Vestiario
Equipo de traballo en conxunto

Iluminación
Pepe I. Quintela

Escenografía
Equipo de traballo en conxunto

Colaboración
Concello de Santiago CSC Santa Marta, Correvaidille, José Ramón Rial Blanco

Bosque compartido. Outra das actividades que teremos o sábado durante a Festa dos Maios e o obradoiro de movemento e improvisación, impartido pola asociación de Danza Contemporánea de Teo @mayanbstudio "Un obradoiro de movemento no que explorar a relación entre corpo, natureza e son. Pedras, hedras e máscaras convértense en símbolos de peso, transformación e crecemento. Por medio da improvisación, o movemento muda en xogo, rito e paisaxe compartido. Corpos Reflexivos é un debuxo corporal que se traza sobre o espazo como un fío de aire: un xesto que comeza e remata no mesmo punto. Construímos o movemento con máscaras: non para ocultar, senón para amplificar. Con elas, o corpo transfórmase en contorno, en presencia que observa, que escoita, que habita. As máscaras acentúan o invisible, fan visible o interno, o latente. Unha respiración común que deixa pegada sen ferida." Será ás 16:30h na Carballeira da Tomada cunha duración de 60 minutos. Organiza: Asociación Arteneo Colabora: @turismoteo @teo_concello