Mesfin Cycling Team Ethiopia

ፕሮፌሽናል ንእስቲ ብሽክሌተኛ ፅጌ ካሕሳይ፡ኣብ ቱር ግራሲያ ኦርሎቫ ብዓቐበት ካልኣይ ደረጃ ሒዛ ቱራ ዛዚማ።

ዝሓለፈ ሓሙስ ዝጀመረ ቱር ግሪሲያ ኦርሎቫ 2026፡ ሓደ ውድድር ውልቀ ስዓት ዝሓወሰ ሓሙሽተ መድረኻት ዝተኣናገደ ኾይኑ፡ ሎሚ ሰንበት 25 ሚያዝያ መወዳእታን ሓምሻይን መድረኹ ብምክያድ ተዛዚሙ።

መዛዘሚት መድረኽ 101.6 ኪሎ ሜትር ዝሸፈነት እንትኾን ብሽክሌተኛ ሶፍያ ኡንጌሮቫ እንትትዕወተላ፡ ትግራወይቲ ፕሮፌሽናል ተቐዳዳሚት ጀርመናዊት ጋንታ ካንዮን ስራም ብሽክሌተኛ ፅጌ ካሕሳይ መበል 76 ደረጃ ብምሓዝ መድረኻ ፈፂማ።

425.7 ኪሎ ሜትር ኣብ ዝቆራረፀ እዚ ቱር ብሓፈሻዊ ውፅኢት ሓሙሽተ መድረኻት፡ ብስዓት ማለት'ውን ቢጫ ማልያ ብሽክሌተኛ ያስሚን ሊቸቲ ተዓዋቲት እንትኾን፡ ብሽክሌተኛ ፅጌ ካሕሳይ መበል 61 ደረጃ ብምሓዝ ቱራ ዛዚማ።

ንግስቲ ዓቐበት ንምዃን ኣብ ዝተገበረ ንሕንሕ ኡርስዙላ ሲፕኮ ተኸዳኒት ነጠብጣብ ማልያ እንትኾን፡ ፍርያት ጋንታ ሓፂነ መፂንን ኢንጅነሪንግን መስፍን ብሽክሌተኛ ፅጌ ካሕሳይ ክሳብ መወዳእታ ምስ ኡርስዙላ ተናሓኒሓ ካልኣይ ደረጃ ሒዛ ዛዚማ።

ካብ ከተማ ዓዲጉደም ዝተረኸበት ንእስቲ ብሽክሌተኛ ፅጌ ካሕሳይ፡ ፕሮፌሽናል ተወዳዳሪት ኣብ ዝኽነትሉ ዓመት ተስፋ ወሃቢ ምንቅስቓስ ኣብ ምክያድ ትርከብ።

# ዮናስ ፍቓዱ