B71

DYSTIR Í VIKUSKIFTINUM

Fríggjadagin 01.05

Heima:
2. deild menn: B71-Skála, kl. 14.00
U13 dreingir: B71-KÍ (steypadystur), kl. 17.00

Leygardagin 02.05

Heima:
1. deild menn: B71-TB, kl. 15.30

Úti:
U7 dreingir: Kapping í Hoyvík, kl. 10.00
U7 gentur: Kapping á Ovara vølli í Gundadali, kl. 13.00
U11 dreingir: Kapping á Niðara vølli, kl. 15.30

Sunnudagin 03.05

Heima:
1. deild kvinnur: B71-KÍ, kl. 14.00

Úti:
U15 dreingir: Kapping í Hvalba, kl. 13.30

Drívið á B71!

U18 GRILL LØTA

Eftir venjing her fyri, hevði venjari, Pætur Nolsøe, heitt á 1. deildar leikararnar, Sverra og Mathias, um at leggja leiðina inn at grilla pylsur, at bjóða U18 dreingjunum eftir lokna venjing.

Ein sera góð løta í felagsskapinum og týdningarmikið at vit av og á seta tíð av at nýta góðu løtuna í felagsskapi við hvønn annan, tí burtursæð frá ítróttinum sjálvum og tey úrslit við jagstra, so er tað felagsskapurin og minnini, ið hevur veruliga stóran týdning.

Drívið á B71!

STUÐULSRENNING Í MORGIN

Minnist til stuðulsrenning til frama fyri barna- og ungdómsarbeiðið felagsins.

Øll eru annars vælkomin at ganga og renna við íðkarunum í morgin 🙂

Drívið á B71!

SJÁLVBOÐIN!

Fyri framman eru nógv størri og smærri B71 tiltøk og sjálvur grundarsteinurin fyri eitthvørt væleydnað tiltak eru øll tey sjálvbodnu, ið rætta felagnum eina hond.

Leygardagin 23.05 verður Sandoy Hálvmarathon fyri aðru ferð og líkt er til at tað verður uppaftur størri enn undanfarna tiltak. Vit hava f**t av fólki at hjálpa til og at skipa fyri, men vit koma at fáa tørv á fleiri á degnum.

Javnan hoyra vit at fólk kundu hugsað sær at hjálpt til, men at tey vera ikki biðin. Hettar halda vit er spell, tí eitt er vist, at øll hjálp er kærkomin og ynskilig!

Tí vilja vit við hesum uppslagi heita á tykkum, ið kunnu standa vakt, selja mat, seta upp, bera ymiskt, ganga til handa ella hvørjar uppgávurnar munnu vera á degnum, at venda tykkum til samskipara Hanus Johannessen og bjóða tykkara hjálp.

Saman fara vit aftur at gera eitt fantastiska væleydnað hálvmarathon tiltak og feira felagsskapin saman.

Tí hettar er okkara dagur!

Drívið á B71!

LUCAS Á BLETTINUM

Vikuskiftið spældi væl av fyri besta mansliðið, ið vann 1-0 við Løkin ímóti NSÍ.

Lucas Ørneborg er glóðheitur frammanfyri málinum og skoraði einasta málið hendan dagin í 18. minutti. Higartil í ár hevur evnaríki danin skorað 8 mál í 7 dystum.

Tað sigst at B71 var væl fyri hendan dagin, men misnýtti ov nógvar møguleikar. Hettar mundi kostað okkum, tá Steffan Løkin slapp at skjóta brotsspark í 35. minutti. Óheppi fyri hann, men sera heppi fyri okkum, so dettur skjúttin í tí hann skal skjóta og bólturin trillar í føvningin á Klæminti í málinum.

Tað er annars ikki nakað stórt ivamál hvat er betra liðið á degnum, hóast vit enn eina ferð "bert" vinna við tí eina málinum. Tó so; ein sigur er ein sigur og tað er at gleðast um at vit hava vunnið 5 dystir á rað.

Góða gongdin ger so tað at trýstið lætnar á liðið og, við tí fyrivarni at vit ikki "hvíla á laurberunum", so man tað vera ein góð kensla fyri lið og felag.

Í løtuni liggja menninir á einum øðrum plássið, aftanfyri FC Suðuroy á fyrsta plássinum, ið tó hevur ein dyst færri og kann økja um frástøðuna við 4 stigum, um teir vinna útsettan dyst ímóti júst NSÍ, mikudagin 29.04.

Komandi leygardag spælir B71 aftur og hesu ferð á heimavølli ímóti TB, ið fyribils liggja á einum 5. plássi, við 2 dystum færri enn restin.

Vit gleðast um góðu úrslitini í seinastuni og gleða okkum til ein góðan dyst í vikuskiftinum ímóti einum truplum mótstøðuliðið.

Drívið á B71!

ÓSIGUR INNI Í DAL

Kvinnuliðið hevur fingið torføra byrjan uppá kappingarárið, fyrst við einum dyggiligum ósigri i fyrsta dysti ímóti HB og aftur í kvøld tá ÍF fór norðum aftur við øllum trimum stigunum, tá tær vunnu 8-1 inni í Dal.

Við til søguna hoyrir tó at tað var B71 ið leyp hvøkk á fuglfjarðardamurnar eftir smáar 10 minuttir, tá Hannah Warner sleppur leys móti málinum og leggur bóltin fyri føturnar á Viktoriu, ið skorar.

Tað gingu harafturat eini 20-25 minuttir, áðrenn ÍF komu ájavnt, men so gekk heldur ikki meira hjá sandoyingum, ið, sum áður nevnt, mugu leggja rygg til ein størri ósigur ímóti liðnum, ið annars vann deildina í fjør.

Tað eru ár og dagur síðani B71 hevði kvinnulið seinast og uppaftur longri síðani vit royndu okkum á egnum beinum. Frammanundan hava vit tosað um at við spildurnýggjum liðið, kann man vænta sær nøkur “knubs” á vegnum, so hesir ósigrar taka vit við, hóast tað ikki er stuttligt, tá man tapir.

Gleðiligt var tað tí at síggja góðan og nógvan stuðul rundan um vøllin í dag og vit vóna uppaftur fleiri næsta sunnudag, tá næstbesta liðið hjá KÍ vitjar inni í Dal.

Vit koyra á víðari!

Drívið á B71!

FYRSTI HEIMADYSTUR

Um hálvan tíma, kl. 14.00, spæla kvinnurnar fyrsta heimadystin í árinum ímóti ÍF.

Komið ein túr inn og stuðlið!

Drívið á B71!

U13 Í FUGLAFIRÐI

U13 dreingir leiktu tríggjar dystit í dag og har bleiv fordeilt so kristiliga, ein sigur, ein ósigur og ein javnleikur.

Fyrsti dystur ímóti vertunum ÍF, endaði javnur 5-5. Dreingirnir máttu ordiliga kempa, tá teir í hálvleikinum vóru aftanfyri heili 4-0.

Eftir hettar funnu dreingirnir stevið og vóru flúgvandi ímóti AB. Byrjaðu væl og kláraðu at halda avtalur. Hettar sást eisini á úrslitinum og dysturin endaði við 6-2 sigri til B71.

Í síðsta dysti byrjaði orkan at ganga undan og hóast okkara royndu alt teir vóru mentir, so fekk KÍ eitt mál beinanvegin og at enda vóru okkara ov stuttir. 4-2 sigur til KÍ.

Gott kempað dreingir!

Drívið á B71!

Úrslit:
ÍF-B71 5-5
AB-B71 2-6
B71-KÍ 2-4

U13 GENTUR Á EIÐINUM

Ein sera góður dagur í dag suðuri í Vági í dag.

Sól og summar har, eins og aðrastaðni í landinum!

Kappingin gekk uppá stás. Tríggir sigrar og ein javnleikur! Eftir lokna kapping, so var farið at svimja og enntá í heitan pott!

Suðuroyartúrar eru tiltiknar fótbóltsferðir og hesin var onki undantak!

Drívið á gentur og B71!

Úrslit:
B71-NSÍ 1-1 (Mál: Isabella)
B71-AB 2-0 (Mál: Isabella og Rósa T.)
B71-FC Suðuroy 3-0 (Mál: Drós 2x, Rósa T.)
B71-KÍ 3-0 (Mál: Iben, Eir, Rósa T.)

U8 Á ARGJUM

Her síggja teir kanska nakað avslappaðir út, men sigast skal at teir avgreiddu sjey dystir longu í allarfyrstu kappingini ☀️

Dreingirnir máttu líka venja seg við at spæla kapping aftur og fyrstu dystirnir endaðu eisini við sigrum til mótstøðuliðið, men í teimum síðstu gekk væl betur og tað bleiv til ein 1-1 javnleik og ein 3-1 sigur, umframt at teir skoraðu fleiri mál og mundu komið ájavnt við AB í síðsta dysti, eftir at hava verið aftanfyri við fleiri málum.

Alt í alt, væl góðtikið avrik og vit miða eftir at venja meir og klára okkum uppaftur betur næstu kapping, ið, sum skilst, er á heimavølli um eini 2 vikur!

Drívið á B71!

U9 Í MIÐVÁGI

Úr Miðvági verður sagt at tað gekk avbera væl í dag hjá U9 dreingjum. Teir spældu saman, vunnu og skoraðu mál og var tað ikki fyri misnýttar málmøguleikar, so høvdu teir nokk ikki eingong tapt eina dystin, verður sagt haðani.

Tveir sigrar og ein ósigur, sól og summar og gott lag. So verður tað næstan ikki betur.

Drívið á B71!

Úrslit:
B68-B71 2-4
B71-FCH 1-3
MB-B71 1-3