Le Club Africain est notre vie

مع إحترامي للنجم الرياضي الساحلي و جماهيره و ربي يفرّج عليهم.
السيد هذا يلزم يفيق على روحو.
انت حلٌيت مشاكل النادي الإفريقي لين باش تلقى حلول لديون النجم ؟؟
تي يزي بلا رويق و أرزن كلامك و يزي بلا تجوعيب، النجم نحترموهم و ربي يكون في عونهم و أهل مكة أدرى بشعابها.
عندنا عشرين ألف مشكل في النادي الإفريقي يتطلبوا حلول جذرية و بانوا بلقدا نهار الخميس اللي فات في طرح باجة:
يلزم حل جذري للكمشة همل اللي نهار كامل يتعاركوا في الفيراج
يلزم حل جذري للمغازة اللي بان بالكاشف انها لا تفي بالحاجة : سلعة ناقصة و كاليتي دون المأمول و موش معقول باب واحد منين ندخلوا و نخرجوا و الحمد لله نهار الخميس ما صارتش مشاكل نتيجة التدافع في الحديقة.
يلزم تلقوا حل جذري للمتمعشين نهار الماتشوات ،كيفاش واحد بأبونمون و الا تيكي يقولولو الله غالب الستاد تعبى و قلان و فلتان يدخل بلّوشي.
و نجوا للحظة الاحتفال اللي تخلطت حمص و زبيب على أرضية الميدان اللي نورمالمون أكثر من اللاعبين و المسؤولين ما تلقى حد.

Un grand merci à mes nouveaux followers ! Tunisianoo Tounsi, Saber Bhl, Med Nejib Fakhet, Balloumi Moustfa, Ramzi Ncib, Awatef Bennani, Ratel Mokhtar, Neji Ouerghi, Habib Zorgui, Nizar Hamdi, Ghofarne Ragoubi, Ali Amri, Hedi Deli, Alfredo Ayadi, Salam Rajab, Haking Telewin, Bilel Dridi, امين ثالث حمزه نوح, Hemissi Walid, Amor Zayen, Ounais Mouhamed, Khalifa Ezzine, Saif Trabelssi, Samia Dakhlaoui, Mimouni Mohamed Zine, Omar Leaders, Rayen Aliay, هاشم الحناشي, Ali Hamdi, Mohamed Najah, Ben Atig Mohamed, طارق الزوي, Samir Aloui, Dali Daniel, Nouri Houssin, Aziz Addallah Gamoudi, Aidoudi Ezzedine, Fadi Abdeladhim, ربيع موسي, Oma Rou, Abdelaziz Bedoui, عبدالحميد حمة, Mohamed Ali Zaroui, محمد الهادي عبدالله, Hedi Hedi, Kessentini Omar, Hmaid Chourabi, Marwan Khiari, Ziade Ziade, Dali Belkeir

مبروك علينا البطولة 14 بدمها
بونتو زلعة و طريقة إحتفالو بالهدف هي كلاش لدخلة الجار و هوينا الclown كعبرها للغول و دسلو السم حاشاكم في مفتول 💊
كيما يقول كلاش الكورفا نور اللي حرق دخلتهم على بكري و جاوهم بكلاش يبقى في الذاكرة و دورة شرفية على ظهر الحلّوفة قدّام جمهورهم
🏆🇮🇩🇮🇩🇮🇩🇮🇩🇮🇩🇮🇩🇮🇩🇮🇩🇮🇩🇮🇩

الدربي نهار الأحد و ثمة نقاط نحبوها توصل للهيأة و الجوارات و الستاف الكل في أقرب وقت.
من حق الهيأة تدافع على حق الجمعية و توقف ضد كل من تسول له نفسه ان يهضم حق الجمعية لكن لا لتشتيت تركيز اللاعبين على التحضير الجيد لمقابلتهم اللي تتلعب على الميدان.
ندخل الدربي بأسبقية زوز نقاط يعني التعادل أو الانتصار يكفينا في حين الجار مطالب بالفوز.
تحقيق نتيجة إيجابية في الدربي أمر ماهوش صعيب و موش مستحيل لو تفادينا شوية أغلاط :
يلزم سي فوزي البنزرتي يلقى التوليفة الباهية اللي ينجم يلعب بيها الهجوم مع الحذر في الدفاع و تفادي قبول اللعب بصفة كبيرة.
تفادي الالتحامات في منطقة الجزاء لأنو أي كونتاكت راهو عادي الvar تعيط للحكم و تعطي بيلانتي
الحذر ثم الحذر من الكرات الثابتة مصدر قوة الترجي و شفنا دربي الإياب عمناول بونتو الجلاصي دخّلها بعضها على بكري.
لازم البلوك ما يطيحش برشا ( مثلا كيما لعبت صفاقس للترجي أخيرا كانت تاكل ثلاثة و الا أربعة بونتو لو عرفت الترجي تجسّم )لأنو المدافعين متاعنا ماتتهناش بيهم بصراحة وقت يقبلوا برشا لعب و خاصة الشريفي.
الوسط مطالب باش يكون يقظ و الاول على الdeuxième b***e و عدم ترك مساحات كيما شفنا الشوط الأول ضد الملعب التونسي اللي من ألطاف الله تعدى على خير.( لو يصير شطرهم في الدربي ما يرحموناش)
الترجي هوينا شفناها في قداش من ماتش ماهياش قوية لو تعرف تسيطرلها على وسط الميدان و حتى الجمهور باش يدز معاهم في أول الطرح اما صدقوني لو نفتتحوا النتيجة تو يدور عليهم و تزيد تصعاب عليهم البارتي.
جواراتنا مطالبين باش يعدوا ماتش متاع الموسم من روح قتالية و تفادي النقاشات الفارغة مع الحكم و التدخلات العنيفة باش يتفادوا الانذارات أول الماتش و يتوقعوا السيناريوهات الكل.
التركيز ثم التركيز ثم التركيز و اذا ما قدرتش باش تمركي ما تقبلش برشا لعب و ألعب بذكاء و اللي عند ربي موش بعيد
🙏🇮🇩🇮🇩🇮🇩

الفترة هاذي و تحديدا الثلاثة ماتشوات اللي مازالوا للجمعية يلزمها تحضير ذهني و بدني من طراز عالي .
كم نحتاج لشخص مثل السيد كريم الشماري ،المعد البدني السابق للفريق اللي خدم مع بن شيخة في 2008.
كريم ولد جمعية و كفاءة كبيرة و يغير على الألوان.
تمنيت اليوم يكون حاضر مع القروب هذا لأنو قادر باش يحفّزهم و يعطيهم شحنة معنوية باش يكسبوا الرهان

شفتوا علاش الجمهور مكرز من التعادل ،لأنو بعد بونتو ٱيت مالك جات فرصة لخان و ضيعها و جات بيلانتي لشواط و ضيعها و سيطرنا بالطول و العرض لكن ما قتلناش الماتش أو بالأحرى ما ثماش جوارات خبرة تعرف تقتل البارتي و اللي يضيّع يقبل و بونتو سليمان جاء في وقت خايب برشا و الجوارات موش حاضرين نفسانيا لسيناريو كيما هكا هكا علاش التعادل خرّجهم من اللعبة.
توا بصراحة رجّعنا الترجي في الكورسة أكثر من أي وقت لأنها تعرف حتى كيف يجي الدربي و تبدا متأخرة بثلاثة نقاط علينا قادرة تربحنا بإعتبارها باش تلعب قدام جمهورها و عندها أسبقية معنوية في الدربيات.
ربي يقدّر الخير مع الكمشة مرتزقة اللي باش يخرّجونا من الملّة وأكثر زوز يتحملوا التعادل هذا هما شواط و الشامخ واحد يضيع بيلانتي في وقت هكاكا و موش المرة الاولى اللي يضيع و لاخر يطلع يتجوعب بالطريقة هاذيكا ،ربي يتولاكم و برا

الشر اللي عملوه في اليمن و السودان و في تونس خلّصو منهم عبادة اليوم مبروك علينا التتويج و أدام الله خيباتكم 🇮🇩🇮🇩🇮🇩🇮🇩🇮🇩🇮🇩