28/06/2026
相信好多在英港人每日最苦惱嘅就係今晚食乜好，因為英國唔似香港落街就有嘢食、外賣又平，所以我哋夜晚通常都會喺屋企煮。
日日豬牛雞魚，無限輪迴，真係煮到人都癲🤦♀️
最近試咗幾款加餸神器，真心覺得抵食又好食，同大家分享吓。
首先係平時我哋都有食開嘅北京鴨，不過呢款有啲特別，係完全冇骨嘅，所以非常方便！解凍後放入airfry 15-20分鐘就食得，我地用鉸剪剪開，啲皮勁脆！如果想配海鮮醬同薄餅皮就要另外買，所以我好懶就咁當佢係一個餸🤭
另外有一款係韓式烤鴨，味道濃郁、鹹甜適中、肉質嫩滑，鴨皮亦好肥美👍🏻
剛剛過去嘅熱浪，日日熱到食唔落熱嘢，我地有兩日都係就咁解凍隻鴨嚟食。佢有幾種唔同口味，我試過滷水同鹽水，出奇地入味，肉質又嫩滑，加個沙律又一餐👍🏻
另外我朋友試過豉油鴨，解凍後焗或蒸10分鐘等佢暖暖地咁食。唯一美中不足係要自己斬，我冇斬骨刀，所以只係切啲肉出嚟食。
呢幾款加餸神器喺亞超有得賣，每包都係幾鎊，印象中平過西超嗰啲北京鴨，整體嚟講係方便好味又化算嘅選擇。嚟緊下星期好似又有熱浪，大家可以買定啲看門口。
#滷水鴨 #豉油鴨 #鹽水鴨 #片皮鴨