Malik Sports Rahmani Khel

شوٹنگ والی بال کا عروج و زوال

⭐⭐⭐⭐⭐

شوٹنگ والی بال کے سنہری دور میں ملک اقبال ظفر عرف بالا پپلاں والا اور مقبول خان آف ذمے والا کا زمانہ انتہائی شاندار سمجھا جاتا تھا۔ اس دور میں شوٹنگ والی بال اپنے مکمل عروج پر تھی اور شائقین اس کھیل سے بے حد محبت کرتے تھے۔

اس وقت کے معروف کھلاڑیوں میں حاجی عنایت اللہ خان، خان حبیب اللہ خان، ایڈووکیٹ رانا عبدالغفار آف جنڈانوالہ، ملک جعفر راہداری ضلع خوشاب، حاجی عصمت اللہ خان، ظفراللہ خان اور سید سخاوت حسین ضلع میانوالی شامل تھے۔ ان عظیم کھلاڑیوں نے اپنی بہترین کارکردگی سے شوٹنگ والی بال کو نئی پہچان دی۔

وقت گزرتا گیا اور شوٹنگ والی بال میں نئے نئے نام سامنے آتے رہے، لیکن جب محمد ریاض کلیار اور فوجی محمد یونس کی ٹیمیں ایک دوسرے کے مدمقابل آئیں تو شوٹنگ والی بال اپنے عروج کی انتہا پر پہنچ گئی۔ ان دونوں ٹیموں کے درمیان ہونے والے میچ آج بھی شائقین کے دلوں میں زندہ ہیں۔ محمد ریاض کلیار نے اپنی شاندار کھیل کے ذریعے شہرت کی بلندیاں حاصل کیں اور والی بال کی دنیا میں ایک منفرد مقام بنایا۔

تاہم محمد ریاض کلیار کی ریٹائرمنٹ کے بعد شوٹنگ والی بال آہستہ آہستہ زوال کی طرف جانے لگی۔ کچھ سینئر کھلاڑیوں نے میچ فکسنگ اور ذاتی مفادات کو فروغ دینا شروع کردیا جس کی وجہ سے شائقین کی دلچسپی کم ہونے لگی۔

لیکن اللہ رب العزت عروج و زوال کا مالک ہے۔ آج ایک بار پھر شوٹنگ والی بال کا عروج شروع ہوتا دکھائی دے رہا ہے۔ خوشاب کی دھرتی سے ایک نوجوان کھلاڑی چوہدری عبدالباسط فخرِ خوشاب کی صورت میں اُبھرا ہے جو شوٹنگ والی بال کے افق پر چاند کی طرح چمک رہا ہے۔

چوہدری عبدالباسط کا سب سے پہلا مقصد یہی ہے کہ شوٹنگ والی بال کو دوبارہ اپنے عروج پر لے جایا جائے۔ اگرچہ وہ ابھی زیرِ تعلیم ہیں، لیکن جتنے بھی میچ انہوں نے کھیلے، ہر میچ کو اپنی عزت اور وقار سمجھ کر پوری جانفشانی سے کھیلا۔ اللہ کے فضل و کرم سے انہوں نے تقریباً 98 فیصد میچز میں کامیابی حاصل کی جو ایک شاندار ریکارڈ ہے۔

چوہدری عبدالباسط کا عوام سے وعدہ ہے کہ وہ ہر میچ پوری ایمانداری، محنت اور جذبے کے ساتھ کھیلیں گے۔ ان کی گیم پر نہ انتظامات اثر انداز ہوتے ہیں، نہ گراؤنڈ میں عوام کی کم تعداد، اور نہ ہی کوئی طاقت ان شاء اللہ ان کا ضمیر خرید سکتی ہے۔

ہار جیت کھیل کا حصہ ہے، لیکن چوہدری عبدالباسط اور ان کی ٹیم ہمیشہ عوام کے سامنے جوابدہ رہے گی اور عوام کی خوشی کو اپنی اولین ترجیح سمجھے گی۔

🏐🔥 آج مشہ منصور لکی مروت میں زبردست شوٹنگ والی بال شو میچ کا انعقاد 🔥🏐

انشاء اللہ آج دن 4 بجے ایک شاندار اور سنسنی خیز مقابلہ دیکھنے کو ملے گا۔
اس خوبصورت ایونٹ کے چیف گیسٹ ہوں گے
✨ جناب ملک نور اسلم خان ✨

تمام والی بال شائقین سے بھرپور شرکت کی درخواست ہے۔
آئیں اور بہترین کھیل کا لطف اٹھائیں۔ ❤️🏐

🌴🌟🌺 شوٹنگ والی بال کا سابقہ ہیرو 🌺🌟🌴

محمد عامر آف بندیال

تحصیل قائدآباد، ضلع خوشاب

شوٹنگ والی بال کی تاریخ کے نہایت خوبصورت، باصلاحیت اور سنجیدہ مزاج کھلاڑی محمد عامر 5 جولائی 1990ء کو قائدآباد کے نواحی شہر بندیال کے ایک متوسط گھرانے میں پیدا ہوئے۔ ضلع خوشاب کی سرزمین ہمیشہ سے شوٹنگ والی بال کے لیے زرخیز رہی ہے، اور اس دھرتی کو یہ اعزاز حاصل ہے کہ یہاں ہر دور میں بے شمار نامور کھلاڑی پیدا ہوئے۔

تحصیل نورپور تھل کے ریتلے ٹیلے ہوں، دریائے چناب کے کنارے، سکیسر کے سرسبز پہاڑ ہوں یا قائدآباد کے زرخیز میدان، ہر علاقے نے شوٹنگ والی بال کو عظیم کھلاڑی دیے۔ یہاں کے ہر شہر، قصبے، گاؤں اور چک میں والی بال بے حد شوق اور جذبے کے ساتھ کھیلی جاتی ہے۔

محمد عامر کو بھی سکول کے زمانے سے کھیلنے کے لیے بہترین ماحول ملا، لیکن اُس دور میں اپنی پہچان بنانا آسان نہ تھا کیونکہ شوٹنگ والی بال میں اُس وقت بڑے بڑے سمائشرز اور مضبوط ڈیفینسرز موجود تھے۔ محمد ریاض کلیار نے طویل عرصے تک اس کھیل پر حکمرانی کی اور نوجوان کھلاڑیوں کو آگے آنے کے مواقع فراہم کیے۔

محمد عامر کو بھی موقع ملا، مگر اُن کے مقابلے میں فوجی محمد یونس کلب، فیصل بھٹی کلب اور حاجی نوید بھٹہ کلب جیسے مضبوط حریف موجود تھے۔ ایسے سخت مقابلے کے باوجود محمد عامر نے اپنی بے مثال صلاحیت، شاندار اوور سمیشنگ اور بہترین ڈیفنس کی بدولت بہت کم وقت میں شہرت حاصل کر لی اور محمد ریاض کلیار کلب کے نمایاں اوور سمائشر اور مضبوط ڈیفینسر بن گئے۔

محمد عامر نہایت سنجیدہ مزاج کے مالک تھے۔ انہوں نے بہت تیزی سے شوٹنگ والی بال میں اپنا مقام بنایا، لیکن بدقسمتی سے بیرونِ ملک کھیلنے کے دوران ایک حادثے کا شکار ہوگئے جس کے باعث ٹانگ کے مسئلے نے انہیں کچھ عرصہ کے لیے اَن فٹ کر دیا۔ بعد ازاں اُن کا مزاج بھی اسٹیڈیم میچز سے دور ہوگیا، کیونکہ وہ اس قسم کے میچز کو زیادہ پسند نہیں کرتے تھے۔

اسی وجہ سے شائقینِ والی بال ایک اعلیٰ درجے کے کھلاڑی کے خوبصورت کھیل سے محروم ہوگئے، مگر شوٹنگ والی بال کی تاریخ میں محمد عامر آف بندیال کا نام ہمیشہ سنہری الفاظ میں یاد رکھا جائے گا۔

آج کل میرے خیال میں وہ واپڈا کے محکمے میں اپنی خدمات انجام دے رہے ہیں۔

محمد عامر کے بعد قائدآباد، ضلع خوشاب کی سرزمین سے اسی طرز کا ایک خوبصورت اور سنجیدہ مزاج کھلاڑی چوہدری عبدالباسط اُبھرا، جو آج شوٹنگ والی بال کا سپر اسٹار مانا جاتا ہے۔

اللہ پاک محمد عامر اور چوہدری عبدالباسط کو صحت، سلامتی، خوشیاں، کامیابیاں اور ہمیشہ شاد و آباد رکھے۔
آمین ثم آمین 🤲

🏐🔥 شوٹنگ والی بال شو میچ 🔥🏐
سیف اللہ کلب زنگی خیل 🆚 سجاد کلب مشہ منصور
📍 مشہ منصور لکی مروت
📅 30 مئی 2026
⏰ دن 3 بجے

والی بال کے دیوانوں کے لیے ایک زبردست مقابلہ، بڑے کھلاڑی اور فل جوش ماحول 🏐✨

🌟🏐 شوٹنگ والی بال کے سابقہ عظیم ہیرو 🏐🌟

ملک محمد حسین بھڈوال آف گُلی والا

تحصیل منکیرہ، ضلع بھکر تھل

⭐⭐⭐⭐⭐

بھکر تھل کی تحصیل منکیرہ کے ایک غیر معروف گاؤں گُلی والا میں 7 اگست 1970ء کو پیدا ہونے والے ملک محمد حسین بھڈوال نے اپنی شاندار کھیل، بہترین صلاحیتوں اور اعلیٰ کردار کی بدولت نہ صرف پاکستان بلکہ بیرونِ ملک بھی شوٹنگ والی بال میں نمایاں شہرت حاصل کی۔

شوٹنگ والی بال پاکستان کا ایک مقبول روایتی اور ثقافتی کھیل ہے، اور ملک محمد حسین بھڈوال کو بھی بچپن ہی سے اس کھیل سے بے حد لگاؤ تھا۔ آپ نے قومی سطح پر اپنے کھیل کا آغاز تھل کلب سے کیا اور دیکھتے ہی دیکھتے اُس دور کے تقریباً ہر بڑے کلب کی ضرورت بن گئے۔

ملک محمد حسین بھڈوال تیسرے بال کے ماہر ترین کھلاڑی تھے، جبکہ دفاع میں بھی انہیں “ڈیفینس کا بادشاہ” کہا جاتا تھا۔ مخالف ٹیم کے پاور فل سمیشرز کی خطرناک سُمیش کو روکنے کا ان کا انداز منفرد اور شاندار تھا۔

آپ نہایت حوصلہ مند، خوش اخلاق، خوش مزاج اور عاجزی و انکساری کا پیکر تھے۔ اگرچہ انہوں نے مختلف کلبز کی نمائندگی کی، مگر انہیں زیادہ ذہنی ہم آہنگی عظیم سمیشر رائے نور حیات کھرل کے ساتھ حاصل رہی۔ رائے نور حیات کھرل بھی دل کی گہرائیوں سے ملک محمد حسین بھڈوال کی شاندار گیم اور اعلیٰ صلاحیتوں کا اعتراف کرتے تھے۔

رائے نور حیات کھرل نے ایک موقع پر کہا تھا:
"اگر میں شوٹنگ والی بال کا سب سے عقلمند اور بہترین کھلاڑی سمجھتا ہوں تو وہ ملک محمد حسین بھڈوال ہیں۔"

اسی طرح جب سلیم رضا بھڈوال نے اپنے کھیل کا آغاز کیا تو رائے نور حیات کھرل نے ملک محمد حسین بھڈوال سے کہا تھا:
"اگر زندگی رہی تو ان شاء اللہ یہ لڑکا شوٹنگ والی بال کا مایہ ناز کھلاڑی بنے گا، اور مستقبل میں اس کی تمام صلاحیتیں دنیا کے سامنے آئیں گی۔"

آج سلیم رضا بھڈوال پاکستان کے سپر اسٹار کھلاڑیوں میں شمار ہوتے ہیں، جو اس پیشگوئی کا عملی ثبوت ہیں۔

ملک محمد حسین بھڈوال نے ایک طویل عرصے تک شوٹنگ والی بال میں اپنا منفرد مقام قائم رکھا۔ پھر وقت کے تقاضوں اور ڈھلتی عمر کے باعث کھیل کو خیرباد کہہ دیا، مگر ان کا نام آج بھی عزت اور محبت سے یاد کیا جاتا ہے۔

بھڈوال قوم ہمیشہ سے شوٹنگ والی بال میں اپنی الگ شناخت رکھتی آئی ہے، اور آج بھی اس قوم کے کھلاڑی پاکستان میں نمایاں مقام رکھتے ہیں۔

اللہ پاک بھڈوال قوم کو ہمیشہ خوش و آباد رکھے، اور ان کے کھلاڑیوں کو صحت، سلامتی، کامیابی اور مزید عزت عطا فرمائے۔ آمین۔ 🌹🏐

🌙✨ عید الاضحیٰ کی خوشیاں آپ سب کو مبارک ✨🌙
خان آصف خان پھٹان اور خان عطاء اللہ خان پھٹان کی طرف سے تمام فینز اور امتِ مسلمہ کو دل کی گہرائیوں سے عید مبارک ❤️🏐

شوٹنگ والی بال کی دنیا کا ایک روشن نام، سابقہ ہِیرا شہباز خان، اپنی شاندار کھیل اور بے مثال مہارت کی وجہ سے ہمیشہ یاد رکھا جائے گا۔ آپ کا تعلق شکریلا شریف، گجرات سے ہے اور آپ نے 2001 میں اپنے کھیل کے سفر کا آغاز کیا۔ بیک پر آپ کا سمیشر نہایت خوبصورت، تیز اور فیصلہ کن ہوتا تھا جس نے بڑے بڑے میچوں کا نقشہ بدل دیا۔

اپنے دور کے نامور اور بہترین کھلاڑیوں جیسے نوری کھرل اور اختر بلوچ کے ساتھ کھیل کر آپ نے اپنی صلاحیتوں کا لوہا منوایا۔ آج بھی آپ کی کھیل کی یادیں شائقین کے دلوں میں زندہ ہیں، اور آپ اس وقت اٹلی میں مقیم ہیں۔

شہباز خان جیسے کھلاڑی صرف میدان میں ہی نہیں بلکہ اپنے انداز، محنت اور جذبے کی وجہ سے تاریخ میں ہمیشہ سنہری حروف میں لکھے جاتے ہیں۔