Adonis阿當

18/09/2026

各位久等了，今季第一集周五講波經，今晚車路士完場即刻傾！

14/09/2026

今次講英講生活榮幸搵左移英港產漫畫家-Yanai Barking Papers食飯兼傾計！

歡迎來到Adonis阿當的頻道！今日好榮幸可以邀請到香港漫畫家 **Yanai** 接受訪問！Yanai 曾經憑著作品《實驗品家庭...

13/09/2026

利物浦 vs 富咸賽後評：
一周三賽對現時利物浦薄弱嘅陣容，明顯睇到負擔太重。
非常考驗Iraola調兵嘅能力。
今場終於肯用返Tsimikas取代契仔Kerkez踢正選左閘，但有同事用上新兵Barcola，結果左路因為默契不足，變成單打獨鬥居多，做唔到太多攻勢。
Tsimikas仲因為明顯少上陣，狀態不足，下半場就要換走。
Araujo暫時體力不足以一周雙賽，但整體都一定好過Frimpong踢右閘，所以最後下半場又被換走。
Gravenberch進退失據，持球太耐問題仍然嚴重，縱然偶有妙全傳，但失誤更多，佢同Iraola都要考慮清楚戰術定位要點，唔好浪費咗個咁好嘅球員。
Macalister呢刻防守雖然魯莽，但係球隊要嘅爛打元素。
Wirtz瘋狂大範圍走動，唔知戰術重點係乜，控球護球功夫好好，偏向傳killing pass過多，製造到威脅但同時失誤亦令到防守受壓，要正視。
Szobo，munoz今場小小迷迷地，isak下半場幾下入唔到盡左力，高興佢狀態好好，今季表現可期。
Rio後備打左比正選好，gakpo同frimpong無心表現。
當Alisson都爭啲失誤，好彩Jacquet護到空門，不致於失。
球隊明顯現有人腳疲倦，真係要多啲新人同傷兵儘快返黎。
唔係好難挨.....

伊拉奧拿防守戰術仲係好混亂，三線收得好扁，好易俾過頭波打穿，未計越位戰術唔穩，明顯俾人睇住兩閘打，由其是左閘位，真係要諗清楚，究竟幾時要迫，幾時聯防。

#利物浦 #英超 #講波經 #當講波

10/09/2026

入場睇波新一集，今集講英文～😂

利物浦歐冠主場首戰！在 Anfield 睇利物浦 2-1 逆轉馬體會。賽前我預測2:1全中，反勝夠哂熱血：左路Kerkez防守頻頻被突...

09/09/2026

今晚入場睇波前，即興同大家講波經😜
陣間4：15pm
香港11：15pm

Enjoy the videos and music you love, upload original content, and share it all with friends, family, and the world on YouTube.

04/09/2026

聯賽第三場利物浦作客葉士域治，終於開齋0-2贏波。
高興Isak全面復甦，走位埋門腳下功夫上哂力入兩球，已經追平上季聯賽總入球三球，今季掂啦🔥
Gakpo唔駛多講，兩個靚助攻造就Isak開賽早段入波領先至完場，今季左右兩邊暫時都踢得好好，本身都講過，佢呢個LV，可翼可鋒仲要兩邊都打得嘅，賣左根本搵唔返同級替補，一路叫賣佢嘅根本就唔識睇佢有幾好，而家佢用作品說話💪
上場賽後評都講左，Araujo要出正選啦，穩到不得了。
Kerkez仲係一般，唔俾Tsimikas踢真係諗唔明，除非留力歐聯。
Gravenberch退居後備讓正選俾Macca都可以理解，但老實講對葉士域治就可以，高質少少嘅對手都搞唔掂，咁少壓力下，佢仍然有魯莽防守舉動食牌，要諗諗呢個位。
Munoz今場冇乜表演，Barcola入場踩草亦係一樣，估計歐聯會出多啲。

整場波近乎80分鐘都控制大局，雖然有兩下對方門前失機嚇一嚇，係一場相對舒服嘅勝利，下場歐聯加油💪🔥

#英超 #利物浦 #講波

03/09/2026

南威爾斯自駕遊最終回！
一齊去全英最靚海灘！

Hello各位！歡迎返嚟阿當adonislifeinuk～今集繼續我哋嘅威爾斯（Wales）自駕遊 🚗✨，帶大家去到被譽為全英國最靚...

01/09/2026

笑死me，必須轉
Pitpiwpiwpiw

31/08/2026

新一季第一集入場睇波有得睇啦😁
第一場主場利物浦2：2迫和森林，後防問題要儘快解決，至少好過上季成日臨尾輸返出去嘅，一齊睇片啦！

利物浦2:2迫和森林｜後防搞唔掂？二閘必須換！球證又有爭議？｜賽後評論＋入場睇波Vlog

利物浦主場迎戰諾定咸森林，最終以 2:2 迫和對手，開季兩場仍然未開勝門。今場比賽除咗後防問題明顯，左右兩閘表現都成為焦點，球證判決同...

23/08/2026

紐卡素 2-2 利物浦
今季第一場比賽作客拆骨重建嘅紐卡素，兩邊都新帥上任，其實預左摸底為主，只要不敗已經收貨。
比賽多次出現被人反擊人多打人少嘅局面，亦係Iraola戰術問題之一，始終防守要人盯人加區域聯防拿捏平衡，好需要實戰練兵先可以調整全隊方向，而因為企位多次出現問題，所以越位佈置失靈定係真係唔打越位，就真係要睇耐啲先知。
我上季尾都提及過其實Rio已經俾人睇透，唔係單單放佢打左定打右問題，係佢暫時腳下功夫真係得咁多，過人技術未成氣候，未可以上位打正選。
加普真係唔賣得，市面亦唔係咁容易搵到呢個lv嘅替代品。
而isak....仲係失望，希望狀態會慢慢變好。
Frimpong得個跑字，攻守都失衡，做決定太慢，又過唔到人，浪費左幾個機會。
Jacquet要俾多啲時間適應英超，年青人企位有多少進退失據，Araujo後備入黎好好多喎，應該俾佢打正選。
Munoz有料，有速度有技術，koumas落場時間唔多，但做到野，下場可以再試。
Kerkez本來以為Iraola有說明書，進攻配合同加普係好左，少左腦衝，但發揮其實都係一般，Tsimikas應該要上。
球隊其實真係要補右閘同防中，最好買埋右邊鋒，因為鋒線其實都弱弱地。
希望下場主場Iraola會調整好防守方向啦，而家咁樣今場其實唔輸已經好幸運🙈🙈🙈
Up the reds💪🔥

#利物浦 #英超 #當講波