30/09/2026
Bayaankani wuxuu baaq degdeg ah iyo digtoonaan toos ah uga bixinayaa xaaladda siyaasadeed iyo ta amniga ee ka jirta Degmada Wanlaweyn. Degmadu waxay maanta ku sugan tahay jawi xasiloon oo horumar leh, kaas oo u baahan in la dhowro lagana badbaadiyo maamul-xumo iyo go'aannada gurracan ee Hogaanka Koonfur Galbeed. Waxaan si cad u diiddan nahay iskudayada lagu doonayo in dib loogu soo celiyo xukunkii colaadda iyo dagaal-ooganimada, waxaana baaq toos ah u diraynaa Baarlamaanka Koonfur Galbeed in uu u turo shacabka Wanlaweyn iyo deegaannada ku xeeran.
Qodobbada Muhiimka Ah:
1. Xasilloonida iyo Horumarka Wanlaweyn: Degmada Wanlaweyn maanta waxay ku sugan tahay xaalad siyaasadeed oo dhisan oo meel wanaagsan maraysa. Xasilloonida ka jirta ma ahan mid lagu ciyaari karo, uma baahna in dib loogu celiyo jahawareer iyo fawdo siyaasadeed.
2. Cambaareynta Go'aannada Hogaanka Koonfur Galbeed: Hogaanka siyaasadda Koonfur Galbeed wuxuu mugdi weyn gelinayaa xaaladda Wanlaweyn. Maamulka maanta jira wuxuu doonayaa inuu dib u soo cusbooneysiiyo maamulkii h**e oo bulshadu ku xusuusato dagaalka, fawdada, iyo mooryaanimada.
3. Diidmada Tooska Ah ee Maxamed Siidow Cabdiraxmaan: Magacaabista Dagaal-ooge Maxamed Siidow Cabdiraxmaan waa go'aan halis ah oo aan u xaglinayn danta guud. Tallaabadani waxay u socotaa ajande gaar ah oo lagu aafaynayo xasiloonida iyo amniga shacabka deegaanka.
4. Baaq ku Socda Guddoomiyaha Baarlamaanka: Waxaan baaq degdeg ah u diraynaa Guddoomiyaha Baarlamaanka Koonfur Galbeed, Mahad Maxamed Sheekh Xasan, inuu ka fikiro nabadda, maslahada, iyo badqabka shacabka Wanlaweyn, kuna baaqo in isla markiiba la joojiyo magacaabistaan halista ah.
5. Dhismaha Maamul Wada-shaqeyn Leh: Degmada Wanlaweyn uma baahna dagaal-ooge ama maamul ku dhisan gacan-kudhiigle; waxay u baahan tahay hogaan wada-shaqayn kara oo la shaqayn kara dhammaan qeybaha kala duwan ee bulshada iyo ku-xigeenadiisa.
6. Badbaadada Shacabka iyo Deegaanka: Waxaa lagama maarmaan ah in loo turo shacabka Wanlaweyn iyo bulshooyinka ku hareereysan, lagana fogaado go'aannada shakhsiga ah ee colaadda iyo kala-qaybsanaanta dib u kicinaya
Mahad Mohamed Sh Hassan
