Meggie's Dance studio

😇ამ კულისებში დგომისას განსაკუთრებული გრძნობა დამეუფლა…
პატარა მეგი, რომელიც 6 წლის ასაკში პირველად ავიდა სცენაზე ქართულის სოლოს შესასრულებლად, დღეს საკუთარი ხელით შექმნილ ქართულ კაბაში გამოწყობილ, უკვე გაზრდილ და გაბრწყინებულ მოსწავლეს უყურებს.

ამ წამში მთელი გავლილი გზა, შრომა, სიყვარული და ოცნებები ერთ ბედნიერებად გადაიქცა.❤️❤️
როცა ხედავ, როგორ აგრძელებენ შენი მოსწავლეები იმ გზას, რომელიც სიყვარულით და ერთგულებით შექმენი, ხვდები, რომ ამაზე დიდი ჯილდო და ბედნიერება არ არსებობს.

მე როგორც ქორეოგრაფს, ყველაზე მეტად ის მახარებს, რომ ჩვენს სტუდიაში მხოლოდ კარგი მოცეკვავეები კი არა, ერთმანეთის მოყვარული და მეგობრული ბავშვები იზრდებიან. ❤️

ყოველ ჯერზე, როცა კულისებში გიყურებთ, ვხედავ, როგორ ეხმარებით ერთმანეთს, უსწორებთ კოსტიუმებს, ამხნევებთ და გულწრფელად გულშემატკივრობთ ერთმანეთის წარმატებას ეს ჩემთვის ყველაზე დიდი გამარჯვებაა.😍

უზომოდ მადლიერი ვარ თითოეული მშობლისა და ბავშვის.
ვამაყობ, რომ შევძელით ისეთი გარემოს შექმნა, სადაც სიყვარული, პატივისცემა და ერთობა ყველაზე მნიშვნელოვანი ღირებულებებია.

ჩვენ აქ კონკურენტები არ ვართ — ჩვენ ერთი ოჯახი ვართ.
ყველანი ერთად ვშრომობთ, ერთად ვნერვიულობთ და ერთად ვზეიმობთ წარმატებას,რადგან ვიცით, რომ ერთ საქმეს ვაკეთებთ და ერთი მიზნისთვის ვიბრძვით.

მადლობა, რომ ხართ ასეთი განსაკუთრებულები. თქვენი ქორეოგრაფი ამაყობს თქვენით! ❤️🙏✨