FC Merani Martvili (ოფიციალური გვერდი)

FC Merani Martvili (ოფიციალური გვერდი)

Comments

gilocavt
ვულოცავ მარტვილის მერანს ლიგა ორში დაბრუნებას და მომავალ წელს ლიგა ერთში დაბრუნებას
gilocavt mogebas. warmatebebs gisurvebt
gia gilocav warmatebebi
utanagrdznob merans dzalian guli damckda!!! mteli sezoni vakvirdebodi da ukurebdi meranis tamashs.. ar iko is jini sulis kveteba .. raknas 4 - kacma romelit bolomde debda kvelafers tu sxvebmac ar amoudgnen gverdit.. kichi meliava aris misabadzi bichi tu rogor debda kvelafers misi klubis misi kalakis gundistvis!!!! ertdros kargi gundi iko merani sadac kvela chventagani suls da guls debda ro shedegistvis migvegcia.. imitom vcer ro guli mckdeba chveni nashromi nacvalebi ro ase niavdeba!!! me sezonis cin davcere ro amdeni xalxis casvla gundidan cudad imokmedebda gundze da esec moxda... ,, iseti merani rogoric iko im clebshi romelic dinamos, kutais, zedtafons, dilas, saburtalos, cxinvals, da ese shemdeg uproblemod ugebda is gundi ar dafasda da ufulobis gamo daishala.. kichi meliava aris namdvili martvileli bichi romelic misi kalakistvis kvelafers debs.. minda carmateba usurvo savis da mtel martvils.. male dabrunebulikavit im adgilze sadac imsaxurebda merani!!!
სადაა ლაივი????
Hello
აი ზუსტად ამ სასტავს "მიართვა" მერანმა
წარმატებები ახალ საფეხბურთო სეზონში.

Since 2006. მარტვილის „მერანი“ 2006 წელს მარტვილის მკვიდრმა ფრიდონ ინჯიამ დაარსა.

🔘 ს.კ. "მერანი" მწუხარებას გამოთქვამს ჩვენი გუნდის ერთგული ქომაგის: ავერო გვილავას გარდაცვალების გამო და უსამძიმრებს გარდაცვლილის ოჯახს.

გაბრიელ საღრიშვილის გოლი

🇬🇪 2019 წლის სეზონი I გაბრიელ საღრიშვილის გოლი კოლხეთის კარში
#FCM

😍👦🏻👧🏻 ს.კ. მერანი გილოცავთ ბავშვთა დაცვის საერთაშორისო დღეს!
#FCM
#ბავშვთადაცვისდღე

კრისტალბეთ ეროვნული ლიგა 25 ივნისს განახლდება!

კრისტალბეთ ეროვნული ლიგის 2020 წლის სეზონი 25 ივნისს განახლდება. ჩემპიონატის განახლებამდე მომდევნო კვირის განმავლობაში კრისტალბეთ ეროვნული ლიგის 10-ვე გუნდის ფეხბურთელებს პირველადი ტესტირება ჩაუტარდებათ. სავარჯიშო პროცესი საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს რეკომენდაციების გათვალისწინებით წარიმართება. მატჩების განახლებამდე კი მოთამაშეები ტესტირებას ხელმეორედ გაივლიან.

კრისტალბეთ ეროვნული ლიგა შეცვლილი ფორმატით განახლდება, რაც გულისხმობს ჩემპიონატის 4 წრის ნაცვლად, 2 წრედ ჩატარებას. შესაბამისად, გარდა მარტში გამართული ორი ტურისა, სეზონის განახლების შემდეგ ეროვნული ლიგის მონაწილე კლუბები 16 ტურს ითამაშებენ. მატჩები საწყის ეტაპზე მაყურებლის გარეშე გაიმართება. სეზონის განახლებასთან დაკავშირებული ყველა ინფორმაცია, ეცნობა ეროვნული ლიგის მონაწილე ყველა კლუბს.

სეზონის განახლება საქართველოს ოკუპირებულ ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს რეკომენდაციების საფუძველზე მოხდება. აღნიშნული ითვალისწინებს ყველა იმ საჭირო პროცედურას, რაც აუცილებელია ეროვნულ ლიგაში ჩართული ყველა პირის ჯანმრთელობისთვის უსაფრთხო გარემოს შესაქმნელად.

საწყის ეტაპზე სეზონის განახლება ეხება მხოლოდ კრისტალბეთ ეროვნულ ლიგას. საქართველოს ეროვნული ჩემპიონატის სხვა ლიგებისა და თასის თამაშების განახლებასთან დაკავშირებით გადაწყვეტილება მოგვიანებით გახდება ცნობილი.

💬 დავით მუჯირი - სფფ-ის გენერალური მდივანი: "25 ივნისს კრისტალბეთ ეროვნული ლიგა განახლდება, ამ ეტაპზე საუბარია მხოლოდ ამ ლიგაზე. აღებული ვალდებულებების შესაბამისად, მომდევნო კვირიდან ეროვნული ლიგის მონაწილე კლუბების ყველა ფეხბურთელს ჩაუტარდება ტესტირება. ჩემპიონატის განახლებამდე მოთამაშეები განმეორებით ტესტირებას გაივლიან. ეს ყველაფერი დაფუძნებულია იმ რეკომენდაციებზე, რომლებიც შესაბამისმა სამინისტროებმა მოგვაწოდეს.

საწყის ეტაპზე მატჩები გულშემატკივრის გარეშე გაიმართება. ჩვენ ეს ფაქტორი გავითვალისწინეთ და სწორედ ამიტომ, სანამ ქომაგები სტადიონზე დაბრუნდებიან ტურის მატჩები რამდენიმე დღეზე იქნება გადანაწილებული. პარალელურ რეჟიმში ფეხბურთის ფედერაცია იზრუნებს, რომ საქართველოს ეროვნული ჩემპიონატის სხვა ლიგებიც განახლდეს.

საქართველოს ფეხბურთის ფედერაციის გადაწყვეტილებით, კრისტალბეთ ეროვნული ლიგის, კრიტასლბეთ ეროვნული ლიგა 2-ის, ლიგა 3-სა და ლიგა 4-ის ყველა კლუბი საწევრო გადასახადისგან განთავისუფლდა. კლუბებს აღნიშნული თანხის გამოყენება იმ რეკომენდაციების შესასრულებლად შეეძლებათ, რომელიც შექმნილ სიტუაციაში აუცილებელია. ამასთან ერთად ფეხბურთის ფედერაცია საკუთარ თავზე იღებს ტესტირებისთვის საჭირო ყველა ხარჯს.

დიდ ხნიანი პაუზიდან გამომდინარე, საქართველოს ეროვნული ჩემპიონატის ყველა ლიგის ფორმატი შეიცვლება. დღევანდელი მოცემულობით, ეროვნულ ლიგა და ეროვნული ლიგა 2 ოთხის ნაცვლად ორ წრედ გაიმართება. სხვა ლიგები კი, სადაც გათამაშება ორ წრედ იყო დაგეგმილი, ერთი წრე დარჩება. ფორმატის ცვლილებასთან ერთად შემიძლია დაგიდასტუროთ, რომ საქართველოს დავით ყიფიანის სახელობის თასის გათამაშებაც გაგრძელდება. ყველა ზემოთ აღნიშნული ცვლილების შესახებ საქართველოს ფეხბურთის ფედერაციის აღმასრულებელ კომიტეტი ინფორმირებულია."
#GFF
#FCM

ლევან წოწონავას გოლი

🇬🇪 2019 წლის სეზონი I ლევან წოწონავას გოლი ბორჯომის კარში

🇬🇪✊💓 ს.კ. მარტვილის მერანი გილოცავთ საქართველოს დამოუკიდებლობის დღეს!
#ესჩვენიდღეა #საქართველო
#FCM

❌ დღეს, Crystalbet ეროვნული ლიგა 2-ის, მე-12 ტურის მატჩი უნდა გამართულიყო თბილისში: დუშეთის "არაგვი" VS მარტვილის „მერანი", თუმცა კორონავირუსით გამოწვეული იძულებითი პაუზის გამო ეს თამაშიც გადადებულია.

📈 სტატისტიკა:
არაგვი - მერანის ურთიერთშეხვედრების ისტორია 4 ოფიციალურ მატჩს ითვლის.
✅11/11/19 არაგვი - მერანი 2-0
✅15/09/19 მერანი - არაგვი 1-1
✅13/06/19 არაგვი - მერანი 1-2
✅05/04/19 მერანი - არაგვი 0-0

🎙 სსფ-ის გენერალური მდივანი, დავით მუჯირი:

🔹 "27 მაისს დაგეგმილია შეხვედრა Crystalbet ეროვნული ლიგის გუნდების წარმომადგენლებთან.

🔹 არსებული ვითარებიდან გამომდინარე, სამწუხაროდ ჩემპიონატის ფორმატის ცვლილების საკითხი დღის წესრიგში დგას.

🔹 გამომდინარე იქიდან, რომ ევროტურნირებზე მხოლოდ Crystalbet ეროვნული ლიგა 1-ის გუნდები მონაწილეობენ, Crystalbet ეროვნული ლიგა 1-ის და Crystalbet ეროვნული ლიგა 2-ის გუნდებს სხვადასხვა გამოწვევები აქვთ და კალენდარიც სხვანაირად შეიძლება დაიგეგმოს.

🔹 დღევანდელი მოცემულობით, პოზიტიური გათვლებით ვფიქრობთ, რომ თუ კი სრულფასოვანი სამწვრთნელო პროცესის აღდგენა რაც შეიძლება მალე მოხდება, ივნისის ბოლოს, ივლისის პირველ კვირაში განვაახლოთ ჩემპიონატი.
#FCM

📌 24 მაისი მერანის ისტორიაში

24 მაისს მარტვილის მერანს 4 ოფიციალური მატჩი აქვს გამართული:

➡ 2018 წლის 24 მაისი: შუქურა - მერანი 2:2
➡ 2017 წლის 24 მაისი: მერანი - ვიტ-ჯორჯია 2:0
➡ 2011 წლის 24 მაისი: მერანი - იმერეთი 2:0
➡ 2009 წლის 24 მაისი: გურია - მერანი 2:0
#გახსოვდესშენიგუნდისისტორია
#FCM

🎉🇧🇷🇬🇪 მერანის ფეხბურთელი, ფელიპე პაიმი იუბილარია. ვულოცავთ ჩვენს ბრაზილიელ ლეგიონერს იუბილეს, პირად ბედნიერებას და წარმატებულ საფეხბურთო კარიერას ვუსურვებთ.
#იუბილარი
#HBD

ირაკლი საღარეიშვილის გოლი

⚽🙌 2019 წლის სეზონი I ირაკლი საღარეიშვილის გოლის ბახმაროს კარში
#ჩვენდავბრუნდებით
#FCM

📌 20 მაისი მერანის ისტორიაში

20 მაისს მარტვილის მერანს 4 ოფიციალური მატჩი აქვს გამართული:

➡ 2019 წლის 20 მაისი: მერანი - სამგურალი 2:0
➡ 2017 წლის 20 მაისი: სიონი - მერანი 1:1
➡ 2012 წლის 20 მაისი: ზესტაფონი - მერანი 3:0
➡ 2011 წლის 20 მაისი: გურია - მერანი 0:2
#გახსოვდესშენიგუნდისისტორია
#FCM

ნიკა ხარაბაძის გოლი. 2019 წლის სეზონი.

🙌 2019 წლის სეზონი. ნიკა ხარაბაძის გოლი ბახმაროს კარში.

გაგა ჩხეტიანი ⚽

🙌 2019 წლის სეზონი. გაგა ჩხეტიანის გოლი მეშახტეს კარში.

🇬🇪 Crystalbet ეროვნული ლიგა 2-ის სატურნირო მდგომარეობა. იმედია, მალე განახლდება ჩემპიონატი.
#FCM

ნიკა შალამბერიძის გოლი!

📌 ⚽ გავიხსენოთ 2019 წლის სეზონი: ნიკა შალამბერიძის ეფექტური გოლი ბორჯომის კარში!

⚽✊ მერანი! ჩვენ დავბრუნდებით..

✊⚽ ჩვენი გუნდის ერთგული ქომაგები გამარჯვებას აღნიშნავენ!
#FCM

📌 13 მაისი მერანის ისტორიაში

13 მაისს მარტვილის მერანს 3 ოფიციალური მატჩი აქვს გამართული:

2019 წლის 13 მაისს, მერანი ბორჯომს ესტუმრა და დიდი ანგარიშით 6-1 დაამარცხა მეტოქე. გოლები: 0:1 ბაქარ ლაღაძე (10'), 0:2 ბაქარ ლაღაძე (22'), 0:3 უშანგი ბანძელაძე (37'), 0-4 გაბრიელ საღრიშვილი (42'), 1-4 მამადუ სეკო (44'), 1-5 ნიკოლოზ ხარაბაძე (58'), 1-6 ამირან როხვაძე (69').

2013 წლის 13 მაისს ვანში (ნეიტრალურ სტადიონზე) ადგილობრივი მეშახტეს და მარტვილის მერანის დაპირისპირება უგოლო ფრით დასრულდა.

2015 წლის 13 მაისს კი ლანჩხუთში, ფოთის კოლხეთი 1913 - მერანის მატჩი ფოთელებმა მოიგეს 3:0.
#FCM
#გვახსოვდესჩვენიგუნდისისტორია

❌ დღეს, ქობულეთში ეროვნული ლიგა 2-ის მე-10 ტურის მატჩი უნდა გამართულიყო ადგილობრივ „შუქურასა“ და მარტვილის „მერანს“ შორის, თუმცა კორონავირუსით გამოწვეული ვითარების გამო ეს თამაშიც გადადებულია.

📈 სტატისტიკა:
შუქურა - მერანის ურთიერთშეხვედრების ისტორია 11 ოფიციალურ მატჩს ითვლის და უპირატესობა ჭყონდიდელებს აქვთ.
11 მატჩიდან მერანმა 4 მოიგო, 4 შეხვედრა ფრედ დასრულდა, 3 თამაშში კი შუქურამ გაიმარჯვა.
ბურთების შეფარდება 11:10.
#FCM

📌 9 მაისი მერანის ისტორიაში!

3 წლის წინ, ზუსტად ამ დღეს მარტვილის "მერანმა" "მურთაზ ხურცილავა"-ს სახელობის სტადიონზე "ცხინვალი" დაამარცხა 3-1.

იმ შეხვედრაში მერანი ირაკლი რუხაძემ დააწინაურა 52-ე წუთზე. 57-ე წუთზე სერგეი ტრეტიაკმა ორამდე გაზარდა ანგარიში. საბოლოო შედეგი კი ლაშა ჩალაძემ დააფიქსირა.
სტუმართაგან პრესტიჟის გოლი თამაზ მაქაცარიამ გაიტანა.

📸 ფოტო 09.05.2017. ი. რუხაძე და მერანის ქომაგები
#გახსოვდესშენიკლუბისისტორია
#FCM

⬛ საფეხბურთო კლუბი მარტვილის მერანი ღრმა მწუხარებას გამოთქვამს ეროვნული ლიგის და ახალგაზრდული ნაკრებების მედია-მენეჯერის, კახა შალამბერიძის გარდაცვალების გამო და უსამძიმრებს გარდაცვლილის ოჯახს.

🙏 ს.კ. მერანი გილოცავთ გიორგობის დღესასწაულს! გისურვებთ ჯანმრთელობას, სულის სიმხნევეს, სიძლიერეს და ბედნიერებას!

📌 5 მაისი მერანის ისტორიაში / ტეიდის გოლი

📌 5 მაისი მერანის ისტორიაში

დღევანდელი დღე მარტვილის მერანისთვის ორ ოფიციალურ მატჩს უკავშირდება, სადაც ორივე შეხვედრა მერანის გამარჯვებით დასრულდა.

2018 წლის 5 მაისს, ეროვნული ლიგა 2-ის გათამაშების მე-10 ტურში მარტვილის მერანი თბილისში ს.კ. გაგრას ესტუმრა და ანგარიშით 2-0 დაამარცხა მეტოქე.

იმ შეხვედრაში ანგარიში ვაჟა ლომაშვილმა გახსნა, მეორე ბრწყინვალე გოლი კი დღეს უკვე ექს-მერანელმა, ნიგერიელმა ფეხბურთელმა, ბენჟამინ ტეიდმა გაიტანა შორეული, უძლიერესი დარტყმით.

ტეიდი დღეს იუბილარია, ვულოცავთ ბენჟამინს დაბადების დღეს და წარმატებებს ვუსურვებთ ბათუმის დინამოში.

უფრო ადრე, 2009 წელს კიდევ ერთი მატჩი აქვს გამართული მერანს საკუთარ კედლებში ჭიათურას წინააღმდეგ, ის შეხვედრა დიდი ანგარიშით 5-0 (!) მოიგო ჩვენმა გუნდმა.
#FCM
#გვახსოვდესწარსული
#მერანი

❌ რომ არა კორონავირუსის გამო ქვეყანაში არსებული ვითარება, დღეს ეროვნული ლიგა 2-ის, მე-9 ტურის მატჩი უნდა გამართულიყო მარტვილში, "მურთაზ ხურცილავა"-ს სახელობის სტადიონზე: მერანი VS სამგურალი

📈 სტატისტიკა:
მერანი - სამგურალის ურთიერთშეხვედრების ისტორია 17 ოფიციალურ მატჩს ითვლის და უპირატესობა ჭყონდიდელებს აქვთ.
17 მატჩიდან მერანმა 10 მოიგო, 5 შეხვედრა ფრედ დასრულდა, ორ თამაშში კი სამგურალმა გაიმარჯვა. ბურთების შეფარდება 31-12 მერანის სასარგებლოდ.
#დარჩისახლში
#მერანი

✊ ჩვენი გუნდის ერთგული გულშემატკივარი მერანის თამაშების მოლოდინში 😍
#ჩვენერთიგუნდივართ
#მერანი

📸 🎉 მერანის ფოტო-ოპერატორი, ნიკა გაგუა იუბილარია, ვულოცავთ ნიკას იუბილეს, პირად ბედნიერებას და წარმატებებს ვუსურვებთ.😍
#იუბილარი
#HBD

მერანი

ემოციები, თამაშის შემდეგ, რაც ყველას ძალიან მოგვენატრა

📌 27 აპრილი მერანის ისტორიაში!

მარტვილის მერანს 27 აპრილს სულ სამი ოფიციალური მატჩი აქვს გამართული.

2010 წლის 27 აპრილს მარტვილელებმა სტუმრად, ტყიბულში მეშახტე დაამარცხეს ანგარიშით 3:1.

2013 წლის 27 აპრილს მარტვილის ცენტრალურ სტადიონზე მერანი - რუსთავის (მაშინდელი მეტალურგის) საინტერესო შეხვედრა მერანმა 1:0 მოიგო ვალერი იობაშვილის მიერ გატანილი გოლით.

2014 წლის 27 აპრილს კი მერანი გორის დილასთან დამარცხდა 0:3. იმ შეხვედრაში დუბლი ამჟამად ბელგიის გენტის და საქართველოს ნაკრების თავდამსხმელმა, გიორგი ქვილითაიამ შეასრულა. ერთი გოლი კი დავით ბოლქვაძემ თერტმეტმეტრიანის ნიშნულიდან გაიტანა.
#FCM

🎙 საქართველოს ფეხბურთის ფედერაციის პრეზიდენტმა: ლევან კობიაშვილმა ტელეკომპანია „იმედის“ გადაცემა „სპორტი იმედზე“ სტუმრობისას ეროვნული ჩემპიონატის შესახებ ისაუბრა:

"ეროვნულ ლიგას რაც შეეხება, ჩვენ სხვა ქვეყნებთან შედარებით ნაკლები პრობლემა გვაქვს, რადგან ვიცით, რომელი გუნდები ითამაშებენ მომდევნო ევროტურნირებზე. ამ კვირის ბოლოს, ან შემდეგ კვირაში კლუბებთან კიდევ ერთხელ გავმართავთ ვიდეო-კონფერენციას, იმ დროისთვის გვექნება ინფორმაცია შეზღუდვების მოხსნასთან დაკავშირებითაც და გარკვეული მონახაზის გაკეთება შეგვეძლება. რამდენიმე ვარიანტს განვიხილავთ. ჯერ უნდა ვიცოდეთ როდის განვაახლებთ ვარჯიშებს და შემდეგ უკვე სეზონს. სავარაუდოდ, რაღაცის დაკლება მოგვიწევს ეს შეიძლება იყოს მატჩების რაოდენობა. თუკი ივნისში დავიწყებთ, შესაძლებელი იქნება გაცდენილი ტურების აღდგენა და ჩემპიონატის სრულად ჩატარება. შესაძლოა სამ ან ორ წრედაც ჩატარდეს, სამწუხაროდ შეიძლება თასის შეხვედრების გაუქმებაც. ყველაფერი იმაზეა დამოკიდებული, თუ როდის შევძლებთ სეზონის განახლებას. " - ლევან კობიაშვილი.

❌ რომ არა კორონავირუსის გამო ქვეყანაში არსებული ვითარება, დღეს ეროვნული ლიგა 2-ის მე-8 ტურის მატჩი უნდა გამართულიყო თბილისში: გაგრა VS მერანი.

📈 სტატისტიკა:
გაგრა - მერანის ურთიერთშეხვედრების ისტორია 14 ოფიციალურ მატჩს ითვლის და უპირატესობა ჭყონდიდელებს აქვთ.
14 მატჩიდან მერანმა 7 მოიგო, 5 შეხვედრაში გაგრელებმა იმარჯვეს, ამ გუნდების 2 დაპირისპირება კი ფრედ დასრულდა.

🙏 იმედი ვიქონიოთ, რომ მალე ყველაფერი კარგად იქნება და ფეხბურთიც დაგვიბრუნდება. 🙁
#დარჩითსახლში
#მერანი

🎉 მერანის ფეხბურთელი, ზურაბ ენდელაძე იუბილარია. ვულოცავთ იუბილარს, პირად ბედნიერებას და წარმატებულ საფეხბურთო კარიერას ვუსურვებთ.
#HBD

🎙 გიორგი გეგია: „მერანი“ ჩემი სახლია და აქ თავს ბედნიერად ვგრძნობ“

კორონა ვირუსით გამოწვეული ვითარების გამო, საქართველოში და ზოგადად მსოფლიოში თითზე ჩამოსათვლელ ჩემპიონატებს თუ არ ჩავთვლით, ფეხბურთი გაჩერდა. ისევე, როგორც სხვა ქართული კლუბები, მერანიც ელოდება თუ როდის დაუბრუნდება ქვეყანა ჩვეულ რიტმს და განაახლებს გუნდი ვარჯიშებს..

თუ როგორ ცხოვრობენ ფეხბურთის გარეშე ჩვენი ფეხბურთელები და რას ფიქრობენ არსებულ სიტუაციაზე, ამ და სხვა თემებზე მერანის მცველს, გიორგი გეგიას დავუკავშირდით.

სანამ ჩვენს ინტერვიუს შემოგთავაზებდეთ, უნდა აღინიშნოს ერთი საინტერესო ფაქტი, მერანის ისტორიაში გიორგი გეგია ერთადერთი მოქმედი ფეხბურთელია, რომელსაც თავის საფეხბურთო კარიერაში არცერთ სხვა გუნდში არ უთამაშია გარდა მერანისა და ფეხბურთის თამაშის დაწყებიდან დღემდე იცავს ჭყონდიდის გუნდის ღირსებას.

🎙 გიორგი, ფეხბურთში შენი პირველი ნაბიჯებით დავიწყოთ, რატომ აირჩიეთ სპორტის ეს სახეობა და როგორ შეაფასებდით თქვენს მიერ განვლილ კარიერას?

💬 ფეხბურთისკენ ნაბიჯი, იმ პირველმა ბურთმა გადამადგმევინა, რომელიც პატარაობისას ბაბუამ მაჩუქა, რაც ასაკის მატებასთან ერთად ფეხბურთისადმი კიდევ უფრო დიდ სიყვარულში გადაიზარდა და დიდი როლი ითამაშა იმაში, რომ დღეს ფეხბურთელი ვარ  რაც შეეხება კარიერას, იყო ბევრი იმედგაცრუება, რასაც წარმატებებიც მოსდევდა.

🎙 თქვენი კარიერა მთლიანად მარტვილის მერანს უკავშირდება. გქონიათ შემოთავაზებები სხვა გუნდებიდან?

💬 მართალი ხართ, ყოველთვის მერანში ვიყავი, ვარ და ამით ვამაყობ, მიუხედავად იმისა, რომ მქონდა სხვა კლუბებიდან შემოთავაზებები, არ განმიხილავს, რადგან მერანი ის გუნდია, სადაც თავს ვგრძნობ როგორც სახლში, ჩვენი გულშემატკივრებისგან კი სრულ მხარდაჭერას. ცხოვრებაში არის რაღაც ფაქტორები, რასაც ვერაფერი გადაწონის.

🎙 ქვეყანაში არსებული ვირუსით გამოწვეული პაუზა ხანგრძლივი გამოდგა, როგორ ახერხებთ ფორმის შენარჩუნებას და ძირითადად როგორ ერთობით?

💬 რთული დროა და განსაკუთრებით ფეხბურთელისთვის, მაგრამ ვცდილობ ფორმა შევინარჩუნო ინდივიდუალური ვარჯიშებით სახლის პირობებში. დროის გარკვეულ ნაწილს კი ველოსიპედის ტარებას ვუთმობ.

🎙 გაიხსენეთ მატჩი მერანის რიგებში, რომელიც არასდროს დაგავიწყდებათ.

💬 დაუვიწყარი მატჩი ყოველთვის გადამწყვეტ მომენტს უკავშირდება. ერთ-ერთი ასეთი თამაში იყო საქართველოს თასის ნახევარფინალი, სადაც დიდი ანგარიშით დავამარცხეთ საჩხერის ჩიხურა და ფინალის საგზური მოვიპოვეთ.

🎙 საქართველოში გასაგებია ვის ქომაგობთ :) ზოგადად რომელ კლუბს გულშემატკივრობთ და დაასახელეთ ფეხბურთელი, რომელიც თქვენი კუმირია.

💬 ლონდონის ჩელსის გულშემატკივარი ვარ, მომწონს არისტოკრატების თამაშის სტილი. ვფიქრობ, საერთოდ ინგლისის ჩემპიონატი ერთ-ერთი საუკეთესოა სანახაობრივად. რაც შეეეხება ჩემს რჩეულ ფეხბურთელს, ეს ბრაზილიელი კაკა გახლავთ.

🎙 როგორ დაახასიათებდით თქვენს გუნდს? რა აქვს მერანს ისეთი, რამაც თქვენზე გადამწყვეტი მნიშვნელობა იქონია?

💬 ჩვენ, თითოეული ფეხბურთელი, სამწვრთნელო შტაბის წევრები, გუნდის ხელმძღვანელობა, ერთი დიდი ოჯახივით ვართ და ეს არაა ლიტონი სიტყვები, აქ მართლაც ასეთი ატმოსფეროა. გარდა ამისა, მე მარტვილელი ვარ და მერანი ყველა მხრივ მშობლიური გუნდია და ამ კლუბში ვიყო როგორც ერთ-ერთი „რიგითი ჯარისკაცი“ ჩემთვის დიდი პატივია. ჩვენი გუნდის მთავარი ნიშანი კი ბრძოლისუნარიანობა და მეგრული ჟინია, რაც არაერთხელ აღუნიშნავთ ჩვენს მოწინააღმდეგებსაც კი.

🎙 გავიგეთ, რომ თქვენმა გუნდმა გარკვეული თანხა შეაგროვა და სააღდგომოდ სოციალურად დაუცველ ოჯახს დაეხმარეთ, თუმცა ამის გახმაურება არ ისურვეთ..

💬 ასეა, სიკეთე ფარულად კეთდება. ვიცი, რომ როცა სიკეთეს ვაკეთებთ და ამას ვასაჯაროვებთ, ამით ადამიანები ერთმანეთს ვაძლევთ მაგალითს და ეს ცუდი არ არის, უბრალოდ ამ კონკრეტულ სიტუაციაში, ასე ჩავთვალეთ საჭიროდ.. ეს ერთჯერადი დახმარება არ იქნება, მერანის კოლექტივი მომავალშიც შეეცდება გვერდში დაუდგეს ოჯახებს, რომელთაც ჩვენი გვერდში დგომა სჭირდებათ.

🎙 როგორ ფიქრობთ, თქვენი აზრით, რამდენ ხანს გაგრძელდება ეს რთული პერიოდი?

💬 თუ ყველა გაითვალისწინებს იმ წესს, რასაც თვითიზოლაცია და სოციალური დისტანცია ითვალისწინებს, ვფიქრობ არა მხოლოდ ფეხბურთი, ცხოვრება დაუბრუნდება მალე ჩვეულ რიტმს. აქვე ვისარგებლებ შემთხვევით და ჩემი გუნდის სახელით, მადლობა მინდა გადავუხადო ჩვენს გმირ ექიმებს.
#ინტერვიუ
#გიორგიგეგია

📸📌 ფოტო არქივი: მერანის პრეზიდენტი, ფრიდონ ინჯია და ლეგენდარული ვეტერანი ფეხბურთელი, მურთაზ ხურცილავა.
#მერანი

ქრისტე აღდგა!
გილოცავთ აღდგომის ბრწყინვალე დღესასწაულს

Want your business to be the top-listed Gym/sports Facility in Martvili?

Click here to claim your Sponsored Listing.

Videos (show all)

გაბრიელ საღრიშვილის გოლი
ლევან წოწონავას გოლი
ირაკლი საღარეიშვილის გოლი
ნიკა ხარაბაძის გოლი. 2019 წლის სეზონი.
გაგა ჩხეტიანი ⚽
ნიკა შალამბერიძის გოლი!
📌 5 მაისი მერანის ისტორიაში / ტეიდის გოლი
მერანი <3
თეიმურაზ შარაშენიძის სადებიუტო გოლი ზუგდიდის დინამოს კარში
მერანი 0-2 შუქურა I ეროვნული ლიგა 2 I 02.03.2020 I ტური I

Location

Website

Address

Martvili
Other Martvili gyms & sports facilities (show all)
FC Merani Martvili Fan Club/ სკ მერანი მარტვილის ფან-კლუბი FC Merani Martvili Fan Club/ სკ მერანი მარტვილის ფან-კლუბი
Martvili

საფეხბურთო კლუბი მარტვილის "მერანი" შეიქმნა 2006 წელს

მარტვილის საფეხბურთო სკოლა მარტვილის საფეხბურთო სკოლა
სოფ:სერგიეთი
Martvili, Მ85

მარტვილის საფეხბურთო აკადემია

ლებარდე • Lebarde ლებარდე • Lebarde
Lebarde
Martvili, 0404

კურორტი ლებარდე | Resort Lebarde