Canoe&Rowing Base / კანოესა და ნიჩბოსნობის ბაზა

ჩვენს ორგანიზაციაში პერსონალურ მონაცემთა დაცვის კუთხით ნებისმიერ საკითხზე შეგიძლიათ მიმართოთ პერსონალურ მონაცემთა დაცვის ოფიცერს:
შპს მონაცემთა დაცვის ოფიცერი.
საკონტაქტო ნომერი: 555 50 51 58;
მეილი: [email protected].

კანოესა და ნიჩბოსნობის ბაზა სპორტულ ინფრასტრუქტურას, სასტუმროსა და ადმინისტრაციულ სივრცეებს აერთიანებს და ის ქართველთან ერთად უცხოელ სპორტსმენებსაც უმასპინძლებს🥰

კანოესა და ნიჩბოსნობის ბაზა ფოთში რა შესაძლებლობებს აჩენს კანოესა და ნიჩბოსნობის ახალი ბაზა ფოთში?- ქალაქს, რომელსაც ამ სპორტულ სახეობებში დიდი ის...

იცით რა სარგებლობა მოაქვს საუნას? 🥰
✔️ გულ-სისხლძარღვთა მდგომარეობის გაუმჯობესება
✔️ იმუნური სისტემის გაძლიერება
✔️ ორგანიზმის დეტოქსიკაცია

დღეიდან შეგიძლიათ ისარგებლოთ ჩვენს ობიექტზე საუნით 😍

გიზიარებთ ტარიფებს:
👉ერთჯერადი ვიზიტის ღირებულება - 10 ლარი
👉თვეში 8 ვიზიტი - 50 ლარი
👉თვეში 12 ვიზიტი - 65 ლარი
👉ერთ თვიანი ულიმიტო პაკეტი - 75 ლარი

❗️ დამატებითი კითხვების შემთხვევაში მოგვწერეთ პირად შეტყობინებაში.

🥰წარმოგიდგენთ ჩვენს საკონფერენციო დარბაზს

📌დღეიდან უკვე შეგიძლიათ დაჯავშნოთ საკონფერენციო დარბაზი, რომელიც მდებარეობს კანოესა და ნიჩბნოსნობის ბაზაზე.

☎️დამატებითი ინფორმაციისთვის მოგვწერეთ პირად შეტყობინებაში ან დაგვიკავშირდით ნომერზე:
+995 555 53 45 53

სატრენაჟორო დარბაზი მალთაყვაში უკვე გაიხსნა!

📌გიზიარებთ ტარიფებს:

ერთჯერადი ვიზიტი - 10 ლარი
თვეში 8 ვიზიტი - 50 ლარი
თვეში 12 ვიზიტი - 65 ლარი
ერთ თვიანი ულიმიტო აბონემენტი - 75 ლარი

გელოდებით 🥰

მალთაყვაში კანოესა და ნიჩბოსნობის ბაზა გაიხსნა
საქართველოს კულტურისა და სპორტის სამინისტროს ხელშეწყობით ფოთში, მალთაყვაში, კანოესა და ნიჩბოსნობის ბაზა საზეიმოდ გაიხსნა. ბაზა საქართველოს პრემიერ-მინისტრმა ირაკლი კობახიძემ, კულტურისა და სპორტის მინისტრმა თინათინ რუხაძემ, მინისტრის პირველმა მოადგილე შალვა გოგოლაძემ და მთავრობის წევრებმა გახსნეს. ღონისძიებას ესწრებოდნენ ადგილობრივი თვითმმართველობის წარმომადგენლებიც.
ბაზის მშენებლობა 2023 წელს დაიწყო. შენობა სრულად აღიჭურვა სპორტული ინვენტარით, ავეჯითა და ტექნიკით. პროექტის ღირებულება შვიდ მილიონ ლარამდეა და მოიცავს სპორტული ინფრასტრუქტურისთვის საჭირო სავარჯიშო, სპორტსმენების საცხოვრებელ და ადმინისტრაციულ სივრცეებს, მათ შორის არის 22 სასტუმროს ტიპის ნომერი, საუნა, გასახდელები, საშხაპეები, საკონფერენციო ოთახი. შენობა ადაპტირებულია შშმ პირებისთვის და აქვს ელექტროენერგიის დამოუკიდებელი კვების წყარო.
ქალაქ ფოთს ქართული ნიჩბოსნობის ისტორიაში განსაკუთრებული ადგილი უჭირავს. XX საუკუნეში აქ ნიჩბოსნობა დიდი პოპულარობით სარგებლობდა. ქალაქში მოსამზადებლად ჩადიოდნენ იმ დროის საუკეთესო სპორტსმენები. სწორედ ფოთიდან იყო ლეგენდარული ნიჩბოსანი ვიქტორ კრატასიუკი, რომელმაც 1972 წლის მიუნხენის ოლიმპიადაზე ოლიმპიური ჩემპიონობა იზეიმა.
აღსანიშნავია, რომ მალთაყვის აკვატორია მდიდარია წყლით, რაც საწყლოსნო სახეობების განვითარებისთვის სასიცოცხლოდ მნიშვნელოვანია. ფოთში არსებული კლიმატური პირობებიდან გამომდინარე, ზამთარში წყალი არ იყინება, რაც სპორტსმენებს შესაძლებლობას აძლევს, ზამთარშიც ივარჯიშონ. წლების განმავლობაში წყალთან ახლოს ბაზის არარსებობის გამო ნიჩბოსნებს ვარჯიშის პროცესში არაერთი პრობლემა ექმნებოდათ, სპორტსმენებს შორ მანძილზე უწევდათ ნავებისა და სპეციალური ეკიპირების ხელით ტარებაც, ბაზის გახსნის შემდეგ კი ეს პრობლემები აღმოიფხვრება.
2021 წელს საქართველოს კულტურისა და სპორტის ყოფილი მინისტრი თეა წულუკიანი ფოთში მდებარე მალთაყვის კანოესა და ნიჩბოსნობის ყოფილი ბაზის ტერიტორიას ესტუმრა და იქ არსებულ მდგომარეობას გაეცნო, რის შემდეგაც ბაზის აღდგენა დაიგეგმა.
ამჟამად პერსპექტიული ახალგაზრდები, რომელთაც ხელშეწყობა სჭირდება, საერთაშორისო სტანდარტების შესაბამის სივრცეში შეძლებენ ვარჯიშს და შეჯიბრებებში მონაწილეობას, ბაზა უმასპინძლებს უცხოელ სპორტსმენებსაც და ნიჩბოსნობასა და კანოეში საქართველოს დიდი სპორტული ტრადიციები სათანადოდ აღდგება. აღსანიშნავია, რომ მალთაყვის ბაზა საწყლოსნო სპორტის სხვა სახეობების განვითარებასა და პოპულარიზაციასაც შეუწყობს ხელს.
ბაზის გახსნის ღონისძიების ფარგლებში ნიჩბოსნებმა და აფროსნებმა საჩვენებელი გაცურვა გამართეს.