Georgian cycling federation

🇬🇪🚴გრძელდება ჩვენი სპორტსმენების წარმატებული ასპარეზობა საერთაშორისო ასპარეზზე!
პოლონეთის თასზე ქართველმა ველომრბოლელებმა მორიგი წარმატება მოიპოვეს.
გიორგი გაბრიჭიძემ ინდივიდუალურ რბოლაში ღირსეული ასპარეზობით მე-5 ადგილი დაიკავა.
მიხეილ ხუჭუამ კი ჯგუფურ რბოლაში შესანიშნავი შედეგი აჩვენა და საპრიზო, მე-2 ადგილი მოიპოვა. 🥈
ვულოცავთ ჩვენს სპორტსმენებს და მათ მწვრთნელებს ამ მნიშვნელოვან წარმატებას! ვუსურვებთ კიდევ უფრო დიდ გამარჯვებებსა და წარმატებულ სტარტებს მომავალ შეჯიბრებებზე.

🇬🇪 ერევნის ღია ჩემპიონატზე ველოდრომზე საქართველოს ეროვნული ნაკრები წარმატებით გამოვიდა და ორი ოქროსა და ერთი ბრინჯაოს მედლის მოპოვება შეძლო.
შეჯიბრებაზე განსაკუთრებული შედეგი აჩვენა ნიკოლოზ პეტრინმა, რომელმაც 1 კმ ინდივიდუალურ რბოლაში შესანიშნავი დრო — 1:06.51 დააფიქსირა და დამსახურებულად მოიპოვა ოქროს მედალი.
ნიკოლოზმა ასევე ბრინჯაოს მედალი მოიპოვა რბოლაში გამოვარდნაზე, ხოლო სკრეჩში კიდევ ერთხელ ავიდა უმაღლეს საფეხურზე და მეორე ოქროს მედალს დაეუფლა.
აღსანიშნავია, რომ ჩემპიონატში მონაწილეობდნენ ჩვენი ახალგაზრდა დებიუტანტი სპორტსმენებიც, რომლებმაც აღნიშნულ რბოლაზე მნიშვნელოვანი გამოცდილება მიიღეს. მსგავსი სტარტები მათთვის დიდი მოტივაცია და პროფესიული განვითარებისკენ გადადგმული მნიშვნელოვანი ნაბიჯია.
ვულოცავთ ქართველ სპორტსმენებს წარმატებას და მომავალ შეჯიბრებებში კიდევ უფრო დიდ გამარჯვებებს ვუსურვებთ! 🇬🇪🚴

დღეს განსაკუთრებული პატივისცემით ვიხსენებთ ქართველი ველოსპორტის ლეგენდას ომარ ფხაკაძეს.
ომარ ფხაკაძე იყო ადამიანი, რომელმაც ქართული ველოსპორტის ისტორიაში ოქროს ასოებით ჩაწერა საკუთარი სახელი და საფუძველი ჩაუყარა იმ გზას, რომელსაც დღესაც აგრძელებს ქართული ველოსპორტი. სწორედ მისი წარმატებებით და თავდადებით გაძლიერდა საქართველოში ველოსპორტის სიყვარული და განვითარდა მომავალი თაობები. დღეს, როდესაც საქართველოში ველოსპორტი არსებობს და ვითარდება, ამაში უდიდესი წვლილი ომარ ფხაკაძეს მიუძღვის.
იგი იყო მსოფლიო ჩემპიონი, ოლიმპიური თამაშების ბრინჯაოს მედლის მფლობელი და მსოფლიო რეკორდსმენი სპორტსმენი, რომელმაც არაერთხელ ასახელა საქართველო საერთაშორისო არენაზე. ომარ ფხაკაძე სამი ოლიმპიადის მონაწილე იყო და მსოფლიო ჩემპიონატებზე სამივე სინჯის მედალი ოქრო, ვერცხლი და ბრინჯაო მოიპოვა,იგი იყო საბჭოთა კავშირის მრავალგზის ჩემპიონი.
ომარ ფხაკაძე მხოლოდ სპორტით არ შემოიფარგლებოდა. მისმა გამორჩეულმა პიროვნებამ და ქარიზმამ ქართული კინოს ისტორიაშიც დატოვა კვალი,მან შეასრულა ხარებას როლი ცნობილ ქართულ ფილმში ხარება და გოგია, რომელმაც ქართველი მაყურებლის გულში განსაკუთრებული ადგილი დაიკავა.
მისი გამარჯვებები მხოლოდ მედლები არ ყოფილა ეს იყო ქართული სულის, ბრძოლისუნარიანობისა და ღირსების წარმოჩენა მთელი მსოფლიოს წინაშე. ომარ ფხაკაძე დარჩა არა მხოლოდ როგორც უდიდესი ჩემპიონი, არამედ როგორც მაგალითი მომავალი თაობებისთვის თუ რას ნიშნავს შრომა, დისციპლინა და სამშობლოს სიყვარულით ბრძოლა.
დღეს, მისი გარდაცვალების დღეს, კიდევ ერთხელ ქედს ვიხრით მისი ნათელი ხსოვნის წინ. მისი სახელი სამუდამოდ დარჩება ქართული სპორტისა და კულტურის ისტორიაში, ხოლო მისი გზა ყოველთვის იქნება შთაგონება ქართველი სპორტსმენებისა და ახალგაზრდებისთვის.
ნათელი მის ხსოვნას. 🚴🇬🇪

🇬🇪საქართველოს ველოსპორტის ეროვნული ნაკრების წევრები, გიორგი გაბრიჭიძე და მიხეილ ხუჭუა, წარმატებით აგრძელებენ ასპარეზობას პოლონურ ველოკლუბში ALKS STAL GRUDZIĄDZ.
ჩვენი სპორტსმენები აქტიურად მონაწილეობენ სხვადასხვა საერთაშორისო შეჯიბრებაში როგორც პოლონეთში, ასევე გერმანიაში, სადაც ღირსეულად წარმოადგენენ საქართველოს და აგროვებენ მნიშვნელოვან საერთაშორისო გამოცდილებას. სეზონის განმავლობაში მათ არაერთ რთულ და მაღალი კლასის საერთაშორისო რბოლაში მიიღეს მონაწილეობა. მიუხედავად იმისა, რომ სპორტულ გზაზე იყო როგორც წარმატებული გამოსვლები, ასევე ტრავმები და ინვენტარის დაზიანებით გამოწვეული სირთულეები,ჩვენი სპორტსმენები მოტივაციას არ კარგავენ და ბრძოლას კიდევ უფრო დიდი შემართებით აგრძელებენ.
განსაკუთრებით აღსანიშნავია მათი წარმატებული გამოსვლა რბოლაზე “Zimei Zamojskiej”, სადაც გიორგი გაბრიჭიძემ საპატიო მე-5 ადგილი დაიკავა, ხოლო მიხეილ ხუჭუამ მე-6 ადგილი. ეს შედეგი კიდევ ერთხელ ადასტურებს ქართველი ველომრბოლელების მაღალ პოტენციალსა და პროგრესს საერთაშორისო ასპარეზზე.
ასევე დიდი წარმატებაა ის ფაქტი, რომ მიხეილ ხუჭუა დასახელდა პოლონეთის რეგიონ Kujawsko-Pomorskie-ის საუკეთესო სპორტსმენად, რაც ქართველი სპორტსმენისთვის მნიშვნელოვანი საერთაშორისო აღიარებაა და ქართული ველოსპორტისთვის კიდევ ერთი საამაყო მიღწევა.
ჩვენი ბიჭები წარმატებით აგრძელებენ მზადებას მომავალი მნიშვნელოვანი სტარტებისთვის და სრული კონცენტრაციით ემზადებიან ევროპის ჩემპიონატისთვის, სადაც საქართველოს ღირსებას დაიცავენ.
საქართველოს ველოსპორტის ეროვნული ფედერაცია განსაკუთრებულ მადლობას უხდის Adam Sieczkowski-ს თანამშრომლობისთვის,ქართველი სპორტსმენების მხარდაჭერისთვის, განვითარებაში შეტანილი წვლილისა და მათთვის საერთაშორისო ასპარეზზე ზრდისა და პროგრესის შესაძლებლობის შექმნისთვის.
ვუსურვებთ ეროვნული ნაკრების წევრ სპორტსმენს კიდევ უფრო დიდ წარმატებებს საერთაშორისო არენაზე! 🇬🇪🚴

🇬🇪 🚴‍♂️საქართველოს ეროვნული ნაკრების წევრებმა მიხეილ ხუჭუამ და გიორგი გაბრიჭიძემ წარმატებით დაასრულეს 20-დღიანი სასწავლო-სავარჯიშო შეკრება ხორვატიაში, სადაც მათ ინტენსიური მომზადება გაიარეს ახალი სეზონისთვის. შეკრების ფარგლებში სპორტსმენებმა მნიშვნელოვნად გააუმჯობესეს როგორც ფიზიკური კონდიცია, ასევე ტაქტიკური და ტექნიკური უნარები, რაც მნიშვნელოვანი საფუძველია წარმატებული სეზონის დასაწყებად.
შეკრების დასრულების შემდეგ გუნდი დაბრუნდა პოლონეთში, სადაც უკვე მიიღო მონაწილეობა სეზონის პირველ ოფიციალურ რბოლაში. ჩვენი სპორტსმენები აგრძელებენ ასპარეზობას პოლონურ ველო-გუნდში ALKS STAL GRUDZIĄDZ, სადაც ღირსეულად წარმოადგენენ საქართველოს და იძენენ მნიშვნელოვან საერთაშორისო გამოცდილებას.
წინ კიდევ უფრო მნიშვნელოვანი გამოწვევებია,ჩვენი სპორტსმენები მორიგ სტარტს 12 აპრილს გერმანიის ქალაქ კოტბუსში აიღებენ, სადაც მათ ძლიერი კონკურენცია ელით და კიდევ ერთი შესაძლებლობა ექნებათ საკუთარი შესაძლებლობების წარმოსაჩენად საერთაშორისო ასპარეზზე.
ჩვენი სპორტსმენები მოტივირებულები და სრულ მზადყოფნაში არიან, რათა ღირსეულად იასპარეზონ და საქართველოს სახელით ახალი წარმატებები მოიპოვონ 💪🇬🇪
ვუსურვებთ ჩვენს ბიჭებს წარმატებას მომდევნო რბოლაში და მთელი სეზონის განმავლობაში!
დარწმუნებულები ვართ წინ ბევრი გამარჯვება და სასიხარულო შედეგი გველის! 🚴‍♂️🔥

https://lagazzetta.ge/news/evropis-velosportis-kavshiris-38-e-saertashoriso-kongresi-safrangetshi-gaimarta-220085

🇬🇪 საქართველოს ველოსპორტის ეროვნული ფედერაცია წარმოდგენილი იყო ევროპის ველოსპორტის კავშირის UEC-ის 38-ე საერთაშორისო კონგრესზე,რომელიც გაიმართა საფრანგეთში ,ქალაქ ავინიონში.

კონგრესში წარმოდგენილი იყო ევროპის 46 ქვეყნის ეროვნული ველოსპორტის ფედერაცია. ღონისძიებას ასევე ესწრებოდა საერთაშორისო ველოსპორტის კავშირის (UCI) პრეზიდენტი დავიდ ლაპარტიენი.
კონგრესის ფარგლებში განხილულ იქნა ევროპის კონტინენტზე ველოსპორტის განვითარების ძირითადი მიმართულებები, 2025 წლის მნიშვნელოვანი სპორტული მოვლენები და 2026 წლის სამოქმედო გეგმები. განსაკუთრებული ყურადღება დაეთმო საერთაშორისო თანამშრომლობის გაძლიერებას, ეროვნული ფედერაციების როლის ზრდას და ველოსპორტის უფრო მეტად განვითარებას ევროპულ სივრცეში.

აღსანიშნავია, რომ საქართველოს ველოსპორტის ეროვნული ფედერაცია 2025 წლის დეკემბრიდან ჩართულია საერთაშორისო ველოსპორტის კავშირის (UCI) სოლიდარობის პროგრამაში. აღნიშნული პროგრამის ფარგლებში ქართველმა სპორტსმენებმა უკვე მიაღწიეს მნიშვნელოვან წარმატებებს და პორტუგალიაში გამართულ საერთაშორისო შეჯიბრებებზე ოქროს მედლები მოიპოვეს.
2026 წლისთვის დაგეგმილია საქართველოს ველოსპორტის ეროვნული ფედერაციის ჩართულობის კიდევ უფრო გაფართოება საერთაშორისო პროგრამებსა და პროექტებში. აღნიშნული მიმართულება მნიშვნელოვნად შეუწყობს ხელს ფედერაციის განვითარებას, საერთაშორისო თანამშრომლობის გაძლიერებასა და ქართული ველოსპორტის საერთაშორისო ასპარეზზე კიდევ უფრო წარმატებულ წარმოჩენას.

საქართველოს ველოსპორტის ეროვნული ფედერაციის საერთაშორისო დონეზე აქტიურ და წარმატებულ ჩართულობას ადასტურებს ის ფაქტიც, რომ მსოფლიო ველოსპორტის კავშირის პრეზიდენტის არჩევნებზე, რომელიც 2025 წლის შემოდგომაზე გაიმართა, 50 ხმის მიმცემ კანდიდატს შორის აირჩა 15 წევრი, მათ შორის საქართველოს ველოსპორტის ეროვნული ფედერაციის პრეზიდენტი, ომარ ფხაკაძე,რაც წარმოადგენს მნიშვნელოვან აღიარებას და საქართველოს ველოსპორტის საერთაშორისო პოზიციის გაძლიერების შესაძლებლობას.

შეხვედრების ფარგლებში განსაკუთრებული ყურადღება დაეთმო ველოსპორტის განვითარების სტრატეგიულ საკითხებს, სპორტსმენების მხარდაჭერის მექანიზმებსა და საერთაშორისო თანამშრომლობის გაღრმავებას. მხარეებმა გამოთქვეს მზადყოფნა პარტნიორობის გაგრძელებისა და ერთობლივი პროექტების განხორციელებისთვის, ველოსპორტის შემდგომი განვითარების მიზნით.

კონგრესზე ასევე მკაფიოდ იქნა ხაზგასმული დოპინგის წინააღმდეგ ბრძოლის მნიშვნელობა. აღინიშნა, რომ აკრძალული პრეპარატების გამოყენება და დოპინგზე დისკვალიფიცირებული პირების ჩართულობა სპორტულ ორგანიზაციებში ეწინააღმდეგება სპორტის ფუნდამენტურ პრინციპებს, აფერხებს ახალგაზრდა სპორტსმენების განვითარებას და აზიანებს ქვეყნისა და სპორტის რეპუტაციას საერთაშორისო ასპარეზზე.

საქართველოს ველოსპორტის ეროვნული ფედერაციის აქტიური ჩართულობა საერთაშორისო პროცესებში მნიშვნელოვანი ნაბიჯია ქვეყნის ველოსპორტის განვითარებისა და ევროპულ სპორტულ სივრცეში სრულფასოვანი ინტეგრაციის მიმართულებით.

🇬🇪🤝🇵🇱საქართველოს ველოსპორტის ეროვნულ ფედერაციასა და პოლონურ ველოკლუბ ALKS Stal Grudziądz-ს შორის მჭიდრო თანამშრომლობისა და მხარდაჭერის შედეგად, ქართველმა სპორტსმენებმა მიხეილ ხუჭუამ და გიორგი გაბრიჭიძემ პოლონეთში გაიარეს მოსამზადებელი შეკრება, რის შემდეგაც ჰოლანდიაში, ქ. აპელდორნში, მონაწილეობა მიიღეს უმაღლესი კატეგორიის საერთაშორისო რბოლებში.
სამწუხაროდ, შეჯიბრების დროს ჩვენი სპორტსმენები დაშავდნენ და დაზიანდა ინვენტარიც, თუმცა მიღებული ტრავმების მიუხედავად, მათ შეძლეს რბოლის გაგრძელება და ღირსეული შედეგების დაფიქსირება, რაც კიდევ ერთხელ ადასტურებს ჩვენი სპორტსმენების და მათი მწვრთნელების მაღალ პროფესიონალიზმს.
სპორტული სეზონის დაწყებისთანავე პოლონური ველოკლუბის მხარდაჭერით, ქართველი ველომრბოლელები კვლავ გაემგზავრებიან ევროპის სხვადასხვა ქვეყნებში შეკრებებსა და უმაღლესი დონის საერთაშორისო რბოლებზე მონაწილეობის მისაღებად, რაც მნიშვნელოვანი ნაბიჯია ქართული ველოსპორტის განვითარებისთვის.
საქართველოს ველოსპორტის ეროვნული ფედერაცია გულწრფელ მადლობას უხდის ბატონ Adam Sieczkowski-ს და ველოკლუბ ALKS Stal Grudziądz-ს მხარდაჭერისა და ნაყოფიერი თანამშრომლობისთვის, რომელიც მომავალში კიდევ უფრო გაღრმავდება და წარმატებულ, გრძელვადიან პროექტად ჩამოყალიბდება. 🚴‍♂️🇬🇪

🚵‍♂️🇬🇪 საქართველოს ველოსპორტის ეროვნული ფედერაცია გულითადად გილოცავთ ახალ 2026 წელს!
გისურვებთ ჯანმრთელობას, ბედნიერებას, წინსვლას და უამრავ წარმატებას! 🎉
გასული წელი ჩვენი სპორტისთვის განსაკუთრებით მნიშვნელოვანი და შედეგიანი იყო. ქართველმა ველოსპორტსმენებმა საერთაშორისო ასპარეზზე ღირსეული გამოსვლებით არაერთი წარმატება და მნიშვნელოვანი გამარჯვება მოიპოვეს, რაც ნათლად ადასტურებს, რომ ველოსპორტი საქართველოში განვითარების სწორ გზაზე დგას.
2025 წელს მიღწეული საერთაშორისო შედეგები არის ფედერაციის სწორი და მიზანმიმართული მუშაობის, სპორტსმენებისა და მწვრთნელების დაუღალავი შრომის შედეგი. ეს წარმატებები გვაძლევს დამატებით მოტივაციას, კიდევ უფრო გავაძლიეროთ საქმიანობა და მომავალშიც ღირსეულად წარმოვაჩინოთ საქართველო საერთაშორისო არენაზე 🇬🇪
ახალ სეზონში სპორტსმენებს ვუსურვებთ ჯანმრთელობას, სტაბილურ პროგრესს, ახალ მიზნებსა და კიდევ უფრო მეტ გამარჯვებას საქართველოს სახელით! 💪🚴‍♀️🚴‍♂️