საქართველოს ბილიარდის ფედერაცია • Georgian Billiards Federation

🏆 საქართველოს ჩემპიონატი კომბინირებულ პირამიდაში დასრულდა - გამარჯვებული აჭარის წარმომადგენელი გიორგი დიმიტრაძე გახდა, რომელმაც ფინალურ შეხვედრაში გევორქ მარტიროსიანი (თბილისი) დაძაბულ ბრძოლაში დაამარცხა და ოქროს მედალს დაეუფლა.

✅ მესამე საპრიზო ადგილები ლევან კიკალიშვილმა (აჭარა) და დავით ნერგაძემ (თბილისი) დაიკავეს.

⭐ აღსანიშნავია, რომ ლევან კიკალიშვილი ქართული ბილიარდის ისტორიაში პირველი სპორტსმენია, რომელმაც 14 წლის ასაკში ეროვნული ჩემპიონატის მედალი მოიპოვა.

📍 ღონისძიებას სამი დღის განმავლობაში ბილიარდის კლუბი Kit Club Tbilisi მასპინძლობდა.

🤝 საქართველოს ჩემპიონატი კომბინირებულ პირამიდაში საქართველოს ბილიარდის ფედერაციის ორგანიზებით და საქართველოს სპორტის სამინისტროს მხარდაჭერით გაიმართა.

საქართველოს სპორტის სამინისტრო

🏆 საქართველოს ჩემპიონატი HeyBall-ში დავით ავაკიანის გამარჯვებით დასრულდა, რომელმაც ფინალურ შეხვედრაში წინა წლის ჩემპიონი ნოდარ ბაქრაძე დაამარცხა.

🇬🇪 ქვეყნის პირველობაზე ბრინჯაოს მედლები ერეკლე ხიტალიშვილმა და ემილ თოფჩიევმა აიღეს:

🥇 დავით ავაკიანი
🥈 ნოდარ ბაქრაძე
🥉 ერეკლე ხიტალიშვილი
🥉 ემილ თოფჩიევი

🇵🇱 შეგახსენებთ, რომ აღნიშნული ჩემპიონატი ევროპირველობის საკვალიფიკაციო ეტაპი იყო, რომელიც პოლონეთის ქალაქ კიელცეში 1-6 აგვისტოს გაიმართება.

🔥 საქართველოს ბილიარდის ფედერაცია წარმატებებს უსურვებს ნაკრების წევრებს კონტინენტის პირველობაზე!

🤝 ღონისძიება საქართველოს ბილიარდის ფედერაციის ორგანიზებით და საქართველოს სპორტის სამინისტროს მხარდაჭერით გაიმართა.

🇵🇱 პოლონეთის ქალაქ გდანსკში ქართველმა პულისტებმა ასპარეზობა დაასრულეს, საუკეთესო შედეგი კი დავით ავაკიანმა აჩვენა, რომელმაც ტურნირზე მესამე ადგილი დაიკავა.

🏆 დავით ავაკიანმა ჯგუფურ ეტაპზე უდანაკარგოდ იასპარეზა, პლეი-ოფის შეხვედრებში კი ორი უძლიერესი სპორტსმენი - ტომაშ კაპლანი და უბერტ ლოპოტკო დაამარცხა. შედეგად საქართველოს პირველი ნომერი ნახევარფინალში გავიდა, სადაც მსოფლიოს ერთ-ერთ საუკეთესო მოთამაშესთან დანიელ მაციოლთან დათმო შეხვედრა.

🎱 საკმაოდ კარგი შედეგი აჩვენა ასევე გიორგი დიმიტრაძემ, რომელსაც საპრიზო ადგილამდე ერთი გამარჯვება დააკლდა და მეხუთე ადგილი დაიკავა.

🇬🇪 შეგახსენებთ, რომ საქართველო პოლონეთის ქალაქ გდანსკში 8 სპორტსმენით იყო წარმოდგენილი.

🏆 პაატა ხმალაძე კომბინირებულ პირამიდაში სენიორთა შორის (40+) ევროპის ჩემპიონია!

✔️ ქართველმა სპორტსმენმა ტურნირზე უდანაკარგოდ იასპარეზა, ზედიზედ 7 შეხვედრაში იმარჯვა და დამსახურებულ ოქროს მედალს დაეუფლა. ფინალურ შეხვედრაში ხმალაძე ვოლოდიმირ კვასიუკს დაუპირისპირდა და ანგარიშით 4-2 მოიგო.

🇬🇪 საქართველოს სახელით ჩემპიონატზე ასევე გიორგი ნინოშვილი, ლაშა გიგაური, ნუგზარ თებიძე, ლაშა ჯორბენაძე, თემურ კახიძე და გიორგი ჭეხაშვილი ასპარეზობდნენ.

🤝 ქართველი სპორტსმენები პოლონეთის დედაქალაქ ვარშავაში გამართულ ტურნირზე საქართველოს ბილიარდის ფედერაციისა და საქართველოს სპორტის სამინისტროს მხარდაჭერით მონაწილეობდნენ.

🇬🇪 საქართველოს ბილიარდის ფედერაცია ულოცავს ლევან კიკალიშვილს საერთაშორისო ასპარეზზე კიდევ ერთ წარმატებას - ახალგაზრდა ქართველმა მობილიარდემ, რომელიც თავისუფალ პირამიდაში იუნიორთა შორის მოქმედი ევროპის ჩემპიონია (მოლდოვა) საკუთარ კოლექციას BALTIC JUNIOR CUP-ის ოქროს მედალიც შემატა (გდანსკი, პოლონეთი).

🇮🇩 აღსანიშნავია, რომ ქართველმა სპორტსმენმა გდანსკში მიმდინარე ღონისძიების ძირითად ჩემპიონატზეც იასპარეზა და ჯგუფური ეტაპი დაძლია, შემდეგ კი მაღალი კონკურენციის ფონზე ასპარეზობას პლეი-ოფის ეტაპზე გამოეთიშა.

🏆 შეგახსენებთ, რომ ლევან კიკალიშვილი საქართველოს 18-წლამდე ჩემპიონატის (პული) მოქმედი ჩემპიონია, სწორედ ამ შედეგით მოხვდა ის პოლონეთში გამართულ ღონისძიებაზე - ის საერთაშორისო ტურნირზე საქართველოს ბილიარდის ფედერაციისა და საქართველოს სპორტის სამინისტროს მხარდაჭერით იმყოფებოდა.

🇮🇩 პოლონეთის ქალაქ გდანსკში მიმდინარე ჩემპიონატის პირველი სათამაშო დღე დასრულდა.

🇬🇪 ჯგუფური ეტაპის დაძლევა და პლეი-ოფში მონაწილეობის უფლება შემდეგმა მოთამაშეებმა მოიპოვეს:

🥇 დავით ავაკიანი - 1 ადგილი
🥇 ერეკლე ხიტალიშვილი - 1 ადგილი
🥇 გიორგი დიმიტრაძე - 1 ადგილი
🥈 ლევან კიკალიშვილი - 2 ადგილი

🤝 ტურნირზე ასპარეზობა სამწუხაროდ ნაადრევად დაასრულეს ემილ თოფჩიევმა, ლაშა მოდებაძემ, ალექს სოლომონიძემ და რუსლან თებიძემ.

🎱 პლეი-ოფის შეხვედრები ხვალ, თბილისის დროით 12:00 საათზე დაიწყება.

🏆 წარმატებები ჩვენს სპორტსმენებს!