Sandy.Ng_adviser

雖則“寒木向陽、火煉真金”但歲運並臨丙午會火局就真係唔講得笑。金山銀礦都燒熔，應事今年我份工完全係做到腳軟。還好的是身處於加拿大，未至於火炎土燥。唯有行快兩步“做”！😢

終於唔駛再懷疑人生，考完theory exam....d 題目係痴。。。

真係應左個印運、流年官印相生，難怪不停讀完一個又一個。。。年紀咁大真係讀到嘔🤮

終於完成所有tasks & application...

屈指一算，流年黎個財，財唔生官就會破印。所以我去搵份工去應番個運，流月又來個財，都總要應一應。唯有同阿媽片獲金。

所以我同同事講我黎係運走都係運。🤣 🤣 🤣

終於讀完書，順利以榮譽級成績畢業。接下來重新再出發去下一步，時間多左又可以認真揭下本滴天髓，神𡶶通考；不枉我當年帶埋呢堆書去加拿大。

定格局，論高低；八字世界就係咁。歸根究底都要擇日子，遇到既事物；睇既野會截然不同。反正人生本應就是一場倒數，唯有關關難過關關過！

識八字的好處

我有位同學最近好開心同我講話佢識到個靚仔暖男，做金融IT。我已經想叫佢睇下東張，但我本住六合彩都有人中就無出聲。有日佢俾左呢個暖男八字我睇，佢話佢特登問左暖男生日俾我睇下。“暖男”將佢所有過去講哂出來，好有“誠意”。我睇完就話個八字對唔上，佢會唔會記錯？完全唔係佢個style 喎。跟手就話呢個世界無咁多一見鍾情。佢亦發現“暖男”開始前後矛盾，之後“暖男”就失縱了。。。

今次不便將其對話內容公開，大致同東張一樣換湯不換藥... 😂 😂 😂

境隨心轉

都好奈無出post, 忙於趕paper😔。

八字如喜火，二、三月應該好順。甲辰年丁卯月已經差不多set 好一個大格局（甲庚丁）是也，又有桃花。當你發現境隨心轉時，記得望一望流年流月五行，再望自己大運有無一樣。呢位朋友咁岩就係甲木命原局見庚。

干支同氣
大家有冇發現八月同十一月特別開心或者是仆完再仆呢？皆因月份係干支同氣。月令為干支同氣喜用神當然開心仔但如果為忌神唯有頂硬上。師父教筆者時，佢話干支同氣最低消費係力量乘二...咁啱筆者有個客就係忌水，佢形容踏入第一日已經感受到壓力。

雖然筆者行緊人生中最靚個十年大運，但身處係飄雪世界既多倫多都要頂硬上。所以人生總有辣同唔辣，隨你點睇。

八字可以催吉避兇？

筆者有位VIP客人，他八字本身唔差，男命食神生財；月令財財干支同氣身旺財旺乃富格也。

今年年中，佢突然好擔心跟筆者講話佢係公司俾老闆針對、想煮佢、搵佢黎祭旗。筆者一望流月之後答：如果你可以請假就避一避啦，但要請幾星期。如果請唔到就日日番公司淨坐，乜都唔好做。佢再問咁過左之後呢？我話八、九月你可能會有個變動但屬於好事，唔會差。佢話：okok，咁我請個幾月。結果呢位客人真係請左“事假”，咁佢都無番公司，老闆想做佢都做唔到。而佢既大老闆從新加坡總公司飛黎香港直接抄左原本想煮佢既細老闆，升佢坐阿細老闆個位睇香港公司。

筆者追問下，原來細老闆知道呢個內幕消息所以諗住黎個先下手為強。由於今年八、九月月令加干支同氣所以五行能量會好大，大家如果用神係“寅”木，八月有無特別覺得怨婦上身或者行路唔帶眼？！（如八字無解尤其靈驗）

~轉用神~
筆者有位好友當她知道筆者會去加拿大時，她第一個反應就是埋怨我可以風流快活而她就每日死做爛做似隻🐔。當然轉用神是其中一個因素。

這就是我今日想分享的話題“轉用神”，轉用神只有在某d情況下發生。用神有四個不同範疇，一般解作謀生模式直接講就是日主如何搵食。當然捉用神定格局後有高低、用忌、位置、病藥等影響。要做岩八字用神既工作再論何時賺大錢，呢d先係無得輸（有機會再遂一介紹）。

但要留意轉用神都有好有差之分，要視乎每一個八字而言。筆者見過一轉去到大病得大藥既八字亦都見過轉用神後好差既八字。