27stretchhk

26/09/2026

22/09/2026

跑步愈跑，小腿反而愈繃、愈顯粗？🏃🏻‍♀️

跑步期間，小腿肌肉會反覆收縮。如果運動後未有好好放鬆，肌肉及筋膜張力長期累積，就可能出現：

❌ 小腿僵硬繃緊、線條外凸
❌ 跑後酸脹久久未散
❌ 容易抽筋、雙腳愈跑愈攰

今次治療師針對客人繃緊嘅小腿肌群、足底及跟腱位置進行專業伸展，協助放鬆深層張力。

一堂後可以見到：

✅ 小腿僵硬感減輕，線條更順暢
✅ 跑後酸脹得到舒緩
✅ 下肢放鬆感提升，活動更輕鬆

想改善小腿繃緊，唔係大力拉幾下就得。先了解自己嘅發力習慣同繃緊來源，再作針對性處理，先可以令雙腳真正放鬆💜

📩 小腿長期又硬又攰？立即DM我哋預約專業評估！

＊每位客人身體狀況及改善效果均有不同。

#被動伸展 #運動伸展 #伸展治療中心

21/09/2026

一坐低就忍唔住翹腳，Pat Pat又成日又緊又痛？🤔
但有翹腳習慣，唔代表已經搵到痛嘅原因！

今次實拍27Stretch伸展治療流程，帶你睇吓我哋點樣由了解不適，到被動伸展，再配合合適訓練👇🏻

🔍 01｜先評估，了解點樣唔舒服
係坐低、起身、行路，定做運動嗰陣先會緊？我哋會了解你嘅日常情況，再觀察髖部活動度及下肢動作，而唔係單憑一個坐姿就下結論。

🙌🏻 02｜針對受限位置進行被動伸展
按評估結果安排伸展，過程中留意你嘅感覺，調整力度及幅度。唔係愈痛就愈有效，更唔需要強行拉到盡！

💪🏻 03｜伸展之後，再練力量同控制
由髖部屈伸、下肢發力練習開始，再按能力加入彈力帶阻力，練習臀部參與及髖部穩定。過程中觀察膝蓋方向、身體姿勢，先掌握動作，再逐步增加難度。

被動伸展唔只係「邊度緊就拉邊度」。
先了解你嘅情況，再將評估、伸展同訓練連結起來，每一步都按你嘅身體反應調整💜

成日覺得臀部繃緊，坐又唔舒服、郁又唔自在？
📩 立即DM我哋預約優惠價試堂，了解適合你嘅伸展及訓練安排！

#被動伸展 #伸展治療 #伸展治療中心

17/09/2026

練完腿、踢完波，唔止對腳攰，連小腿同腰都覺得繃緊？🏃🏻‍♂️⚽
想伸展放鬆，又唔知應該由邊個位置開始？

下肢活動唔係只靠一組肌肉。腰臀、髖部同大腿周邊嘅活動情況，都值得一齊留意。覺得某個位置特別緊，亦未必單靠拉嗰個位置，就能照顧到你嘅需要。

今次帶你睇下 27Stretch 嘅下肢被動伸展，點樣由唔同位置同角度入手👇🏻

🙌🏻 01｜照顧腰臀及髖關節周邊
透過承托同屈腿動作，帶動髖部活動，按你嘅活動幅度及感受調整角度，照顧運動後腰臀及髖部周邊嘅繃緊。

🦵🏻 02｜伸展大腿後側
透過直腿抬高等動作，伸展大腿後側，同時留意腿部沿線嘅拉扯感。過程會配合你嘅身體反應調整幅度，唔需要為咗「拉高啲」而勉強忍痛。

↔️ 03｜照顧大腿外側及 IT Band 周邊
透過唔同方向嘅腿部擺位，照顧大腿外側及髖部周邊組織嘅繃緊感。伸展師會調整承托、角度同力度，唔係一味拉到最盡。

至於點解練完腿，小腿同腰都會緊？除咗運動負荷，亦可以留意動作時唔同部位嘅發力同代償情況；具體原因需要先了解你嘅運動習慣，再配合評估。

喺 27Stretch，我哋會由了解你嘅不適開始，按當日狀態安排伸展，而唔係每個人都做同一套動作。💜

你係練腿、跑步，定踢波之後最覺得緊？
話俾我哋知你做開咩運動，同最想照顧嘅位置！

✨ 下肢被動伸展體驗價 $480
📩 DM 我哋「下肢」，查詢詳情及預約體驗。

#被動伸展 #下肢伸展 #運動後伸展 #伸展治療

09/09/2026

明明有心練好，郁起上嚟總係爭少少？🏃🏻‍♂️

想蹲得順啲、轉身靈活啲、做動作時更容易控制發力——有認真做運動嘅你，梗係想快啲見到進步。

但用咗多年嘅動作習慣，真係一兩次就改得晒？🤔

喺 27Stretch，我哋會先了解你平時做開咩運動、想改善邊啲動作，再透過活動同發力評估，安排適合你嘅被動伸展。

由伸展師協助，按你嘅身體狀況同感受，調整伸展角度及力度。之後再配合肌力同動作控制練習，將伸展同練習連結返你嘅運動需要。💪🏻

由被動伸展開始，再練習控制發力、熟習動作，一步步帶返入日常訓練。我哋亦會持續跟進活動表現，按你嘅進度調整安排。

想認真進步，唔使逼自己一次就做到最好。
你願意投入，我哋陪你俾身體時間，慢慢練出改變。💜

📩 DM 我哋查詢優惠價試堂，話俾我哋知你做開咩運動、最想改善邊個動作，由了解你嘅身體開始。

#被動伸展 #運動伸展 #伸展治療中心

04/09/2026

瞓夠一晚，起身肩頸仍然又攰又硬？😫
換咗一個又一個枕頭都無改善，問題可能唔只係個枕頭！

長時間對住電腦、低頭撳電話，容易令胸大肌、胸小肌及肩膊前側持續繃緊，將膊頭逐漸向前拉，形成肩膊內扣。

當你平瞓時，肩膊未能自然貼近床面，肩胛周邊仍然受張力牽連。即使瞓着咗，上半身亦未必能夠真正放鬆，所以一覺瞓醒仍然覺得肩頸攰、硬、繃緊。

💡 今次27Stretch調整分為兩個步驟：

1️⃣ 鬆解胸部肌群
針對胸大肌、胸小肌及肩膊前側進行精準被動伸展，逐步釋放將肩膊向前拉住嘅張力。

2️⃣ 放鬆肩膊及上肢
由腋下、手臂、後肩到肩胛周邊逐一處理，引導肩胛自然活動，減少上半身累積張力。

📏 一節課調整效果對比
調整前，肩膊明顯懸空，與墊面距離較大；調整後，肩膊更貼近墊面，平躺時上半身亦更容易放鬆。

枕頭主要負責承托頭頸，如果真正問題來自體態失衡及肌肉張力，單靠換枕頭未必能夠處理根源。

你平瞓時，膊頭貼唔貼到床？👀
📩 DM我哋預約專業評估及被動伸展！

*每個人嘅身體狀況及調整效果均有不同。

#被動伸展治療 #伸展治療中心 #圓肩

28/08/2026

背痛、右邊肩胛骨內側痛，甚至經常頭痛，問題可能唔只係「個背太緊」咁簡單！😣

今次客人嘅痛症已經持續超過半年，評估時發現胸椎活動受限，成個背部肌肉都非常繃緊，兩邊上斜方肌亦明顯過緊，令膊頭關節受壓，舉手幅度受到限制。

今堂我哋先針對性放鬆：

✔️ 胸鎖手臂線
✔️ 大小圓肌
✔️ 後膊及肩胛骨周邊肌群

減低肩膊周邊張力後，客人一堂內嘅舉手幅度已經明顯增加，膊頭亦冇再好似改善前咁被「頂住」🙌🏻

27Stretch著重嘅唔係一嚟到就直接幫客人拉筋，而係先透過評估，讓客人了解自己原本嘅身體問題，再因應活動限制及繃緊位置作針對性處理。

我哋會陪住客人逐步了解身體狀況，記錄每次變化，令每一次治療都有方向、有進步💜

如果你都有長期背緊、肩胛骨內側痛、頭痛或者舉手受限嘅情況，歡迎DM我哋預約評估📩

＊每位客人嘅身體狀況及改善進度不同，實際效果因人而異。

#被動伸展治療 #伸展治療中心 #大小圓肌 #痛症改善

27/08/2026

🏀 飛鷹籃球隊 到訪27Stretch，體驗團體被動伸展！

籃球訓練唔只考驗速度、爆發力同耐力，頻繁嘅跑動、變向、跳躍及身體碰撞，亦會令肩頸、髖部同下肢累積唔少張力。

今次27Stretch團隊根據每位球員嘅身體狀況及運動需要，安排針對性被動伸展，包括：

▪️ 放鬆上斜方肌，減輕肩頸繃緊，有助維持上肢活動
▪️ 伸展大腿內側肌群，減少盆骨及下腰代償
▪️ 處理臀部與髖關節周邊張力，提升髖部活動能力
▪️ 由上肢到下肢逐一評估，按個人需要調整伸展方向及幅度

專業被動伸展唔係套用同一組動作，而係因應每位球員嘅活動限制、繃緊位置及訓練需要作出調整。

訓練令身體進步，恢復就幫助身體為下一次訓練做好準備。💪🏻

感謝飛鷹籃球隊到訪27Stretch體驗團體被動伸展！💜

球隊、運動團體或機構想了解團體伸展體驗？
📩 歡迎DM我哋查詢詳情！

#被動伸展 #伸展治療 #伸展治療中心

20/08/2026

🔥 想改善烏龜頸？6個Level逐步加強頸部力量！

每日低頭撳電話、長時間對住電腦，唔只會令頸部繃緊，深層頸屈肌嘅力量同控制能力亦可能慢慢下降。

收下巴唔只係一個改善姿勢嘅動作，仲可以訓練負責穩定頭頸位置嘅深層肌肉。

但同其他訓練一樣，如果永遠只做最簡單嘅版本，刺激亦會有限。

🔑 重點係逐步由：
較多承托 → 較少承托 → 加入阻力 → 不穩定環境

頸部力量終極進階挑戰👇🏻

1️⃣ Lv 1｜基礎承托
利用毛巾承托頭部練習收下巴，先掌握正確發力感覺。

2️⃣ Lv 2｜加入阻力
改用橡筋提供輕微阻力，維持頭頸穩定之餘完成收下巴。

3️⃣ Lv 3｜俯臥控制
俯臥進行動作，開始挑戰頸部對抗地心吸力嘅能力。

4️⃣ Lv 4｜懸空控制
頭部離開承托面，需要更大力量及耐力維持頸部位置。

5️⃣ Lv 5｜懸空＋毛巾阻力
喺懸空狀態下加入阻力，進一步考驗深層頸肌控制。

6️⃣ Lv 6｜懸空＋橡筋阻力
阻力及穩定要求進一步提升，挑戰頸部力量、耐力同動作控制。

⚡ 每升一級，都會增加對頸部力量、耐力及控制能力嘅要求。

你唔需要一開始就挑戰Lv 6。搵出自己能夠穩定完成、無明顯代償或不適嘅Level，再逐步進階。

目標唔係做到最高級，而係喺愈來愈高嘅難度之下，仍然能夠好好控制頭頸位置💪🏻

⚠️ 如果過程中出現明顯痛楚、手麻、頭暈或其他不適，應立即停止；本身有頸椎問題或曾經受傷，建議先向專業人士查詢。

你去到Lv幾？😎
留言話俾我哋知，再Tag埋朋友一齊挑戰！

📌 Save低逐級練習
📤 Share俾成日低頭撳電話、對電腦嘅朋友

17/08/2026

膊頭成日劈里啪啦響，想加強肩關節穩定，可以試吓用 Cable 做肩內旋💪🏻

肩內旋主要會鍛鍊肩胛下肌。肩胛下肌位於肩胛骨前面、肩胛骨與肋骨之間，所以正確嘅發力感，通常會集中喺：

📍腋下附近
📍肩胛骨較深層位置

如果做嗰陣主要係手臂攰，或者上斜方肌愈做愈緊，可能代表發力或動作位置需要調整。

做慢少少、控制好幅度，先搵準深層發力感。

覺得有用，記得Like＋Save低，下次練膊時再試！💜

＊肩膊出現持續疼痛、無力或活動受限，建議先尋求專業評估。