梁頌恆 Baggio Leung

22/09/2026

大家如果睇得我耐發現我經常都會留意馬匹嘅狀態，其實主要都係邊樣少人識睇就更加要留意個樣，香港賽馬行彩池制大家對賭嘅，少人識睇嘅嘢先大機會有賠率，最起碼唔會比幕後呃到呀。

今集就搵到專家祺哥同我哋分享一下點樣睇馬匹狀態。

呢兩期賽事另一個特色就係董建華死搞亂好多馬部署，通常心急要跑嘅馬咁都不外乎係果啲原因嘅者，做好咗要搏囉，咁邊啲馬最似心急要跑？ 香港時間夜晚 2100，Live 同大家一齊拆下局。

https://www.youtube.com/live/fShzewlYzgE?si=3w70lvUiS8yglFDa

大家如果睇得我耐發現我經常都會留意馬匹嘅狀態，其實主要都係邊樣少人識睇就更加要留意個樣，香港賽馬行彩池制大家對賭嘅，少人識睇嘅嘢先大機...

17/09/2026

嚟到國際賽週前最後一次嘅英超各隊拆局 20 隊分析，去到國際賽週就會將啲心力研究返香港隊。

呢個星期對曼聯球迷嚟講都幾難捱，完全有種歷史在重演嘅感覺，局外人如我會話戰績不穩係合理預期？但個別比賽畫面見到球隊嘅精神面貌係令人擔心。

另外想同大家傾下另一個大議題，球隊成績唔好點樣分辨領隊／球員／管理層責任有幾大？我哋又用比賽畫面大家一齊研究下。

上星期幾隊周中有用過力嘅球隊都幾明顯係聯賽係出現速率下滑嘅情況，除咗曼市打比兩隊都有踢冇得計之外，阿仙奴係明顯比新特蘭嘅體力化踢法壓到有啲亂，維拉谷唔起，利物浦亦出現好多球員判斷上嘅失誤，呢個星期好多球隊都周中都有比賽，佢哋嘅情況又係點？

香港時間 2200，完晒亞運亞冠比賽之後，同大家一齊傾傾。

https://youtube.com/live/xjRV7qiJMjU

嚟到國際賽週前最後一次嘅英超各隊拆局 20 隊分析，去到國際賽週就會將啲心力研究返香港隊。呢個星期對曼聯球迷嚟講都幾難捱，完全有種...

31/08/2026

今年轉會窗都幾瘋狂，真係去到最後一日都似乎會有唔少大 deal 出現。

利物浦加普轉會消息明明已經靜咗落嚟但忽然傳曼城好接近以一億歐羅收購，然後原本傳想簽加普嘅熱刺就收購愛華頓尼迪耶，呢個都好似啱用。反而利物浦開季表現係唔對辦明顯攻守平衡出事，如果真係賣加普會唔會買個中後場補一補？但佢哋原本嘅目標 Kamara 就同車路士行得好埋，但取決於安素到底走唔走？森林今季除咗簽水晶宮前教頭加士拿再不停向水晶宮求人，搞到水晶宮要出 statement話我哋唔賣啦？葉士域治高雲地利兩隊升班馬會否再加碼搏護級？

香港時間星期一晚上九點，同大家一齊做一集期間限定交易現場，睇下邊個係最佳死線戰士。

https://youtube.com/live/EE_1bWtCpns

26/08/2026

第一輪嘅英超投注就冇乜嘢大攪作但觀賞角度係幾有驚喜，一眾強隊問題多多，而陣容無大變嘅阿仙奴季初進度一枝獨秀，成為冠軍熱門係好合理嘅。

曼聯輸俾牌面二十隊最弱嘅侯城到底係輸乜嘢？
利物浦繼續咁踢領隊伊拉奧拿我諗過唔到聖誕。
曼城新帥馬利斯卡帶領之下雖然贏波但只係有運，佢繼續萌塞致敬杜曹的話曼城今年前四都危危乎。
維拉熱刺雖然大敗但我都幾肯定第一週嘅陣容過半隊唔會係常規正選，我諗要轉會窗完果日開 Live 我先落到定論。
車路士一樣搞掂轉會先講，不過佢哋勝在前場孖寶 Palmer 同 Pedro 無踢世界盃，明顯佢哋身體狀態係真係好可能靠佢哋已經捱得過磨合期。

https://youtu.be/0655Qb9W-DU?si=Me62tiwZ6XedptW6

第一輪嘅英超投注就冇乜嘢大攪作但觀賞角度係幾有驚喜，一眾強隊問題多多，而陣容無大變嘅阿仙奴季初進度一枝獨秀，成為冠軍熱門係好合理嘅。...

14/08/2026

唔經唔覺球季暑假就嚟又完，我哋都係時候開工做分析。呢條片會一次過分析晒二十隊來季要注意嘅嘢。

阿仙奴簽般奴G實質加強咗咩嘢？
傳曼城如果 Rodri 走就會買車路士 Enzo，但我想講下車路士今個轉會窗嘅表現。
利物浦曼聯陣容厚度捱到全季？
曼城季初要小心，特別如果呢幾位球員同場。
熱刺新人新作風令人期待，反而紐卡素決定縮皮令人失望。
三隊升班馬邊隊有機留低？

https://youtu.be/NaRTO79YIuo?si=aQiSF6-9SnZmHsKK

唔經唔覺球季暑假就嚟又完，我哋都係時候開工做分析。呢條片會一次過分析晒二十隊來季要注意嘅嘢。阿仙奴簽般奴G實質加強咗咩嘢？傳曼城...

04/08/2026

世界盃年過咗一排歐洲各大強隊都開始打熱身賽，好幾隊就選擇咗嚟香港掘金仲引發咗 KOL 之亂，當然啦就算係表現賽其實相關公關團隊係咪都應該做好小小唔好阿豬阿狗都請呢呢個都係需要嘅，但其實諗深一層，近排世界各地嘅「KOL 之亂」，可能我哋都有份做成。

講完經講返轉會。

故事應該首先從銀河艦隊皇家馬德里講起，當年今年就搵到摩連奴整頓更衣室，佢哋就想搶同曼城得返一年約嘅金球獎得主 Rodri，同時間就一路 Delay 緊呢個轉會場嘅當紅炸子雞 Diomandé，睇嚟就想搞掂雲尼索斯先再決定，而一路都爭緊 Diomandé 大巴黎就唔知係咪想報仇，就竟然想爭埋 Rodri，呢段三角關係以外就影響住非常需要補充翼鋒嘅阿仙奴利物浦，同搵緊卡斯米路接班人嘅曼聯，睇下最後會唔會蝴蝶效應令邊隊執到著數。

呢幾年自從轉咗美國班主之後專一過李安納度狄卡比奧嘅車路士今季就竟然轉死性連買兩個老將，佢哋係真心知道足球係點搞了？

今年搶晒風頭嘅熱刺，迪沙比就豪言佢哋仲會有大收購，堅定流呀？

紐卡素接連兩個轉會窗失利，Eddie Howe 都走埋，睇嚟佢哋都會正式紅牛化。

香港時間 2100，同大家傾下轉會。

26/07/2026

大家睇到呢條片嘅時候香港應該打緊風大家注意自己安全。
咁啱呢排環球股市都係打緊風，納指係啱啱星期五就正式跌穿重要支持位 28200，的確納指係七月嘅表現係過去十幾年最差，甚至已經有人出嚟講AI 概念係咪玩完？係咪會好似2000 年初科網股泡沫一樣？

咁其實做個簡單比較都知道答案嘅，2000 年初有幾多間 .com 係賺到錢？

餘下嘅問題係幾時可以撈貨？ 撈貨撈咩好？

25 分鐘同大家好快拆解一下。

https://youtu.be/wlmH9XeS2q8

大家睇到呢條片嘅時候香港應該打緊風大家注意自己安全。咁啱呢排環球股市都係打緊風，納指係啱啱星期五就正式跌穿重要支持位 28200，的...

23/07/2026

世界盃終於曲終人散，我又唔會想研究阿根廷有幾矛咁無水準嘅第一年睇波咩，不過世界盃作為樣板其實都見到好多新球例對球賽影響同球壇新趨勢，可能都對大家之後嘅投注有啲啟示嘅，同大家 recap 一下到底呢屆世界盃同過去相比有咩特別趨勢見到。

緊接著其實歐洲球壇就準備接力，好多球會特別係英超呢啲有錢嘅係轉會市場已經好多大額收購，但睇睇下好多球會可能Sales 先係最緊要的人？

香港時間 2045同大家 Live 吹吓水傾下波經。

https://youtube.com/live/eYJpbieEZRE

世界盃終於曲終人散，我又唔會想研究阿根廷有幾矛咁無水準嘅第一年睇波咩，不過世界盃作為樣板其實都見到好多新球例對球賽影響同球壇新趨勢，可...

21/07/2026

自 2020 年起每年 7月 21日元朗站的警察人數都比 2019 年多，蔚為奇觀。

【「搜乜撚嘢？」】

今日是 721 襲擊七年，傍晚陸續有市民到元朗站以行動表態。其中曾被指違反 23 條被捕的牙醫李盈姿，帶同一個西瓜仔、以及當日曾在現場打人，人稱「西瓜佬」的小牛農莊莊主陳志祥的相片到場，稱是「帶西瓜仔搵西瓜佬」，她隨即被在場的便衣警察帶到站外搜身。

在搜身期間，便衣警在她背包搜出一個文件夾，當中封面的紙張上，印有不同大小、顏色的「搜乜撚嘢？」字樣，她的背包另外掛有一條黑底白字的「起來不願做奴隸的人們」的布條，她被搜身期間反問「七年前唔見咁多警察？」

16/07/2026

整呢張封面圖嘅時候啱啱西班牙就技術性擊倒無敵法國，有睇我哋嘅四強分析嘅應該唔會太驚訝，的確西班牙就算今屆更唔銳利都好，佢哋嘅傳控基本功都係今屆最有機會可以同法國周旋嘅球隊。任你嘅攻擊手宇宙最強，攞唔到個波嚟用都係徒然。

以另一邊嘅英格蘭就完美演繹另一種失敗嘅戰略邏輯，係大好形勢之下竟然選擇換人縮後比個波阿根廷去用，阿根廷對抗咗大半場都仲煩緊點樣係比美斯係危險地方攞到波，英格蘭偏偏要選擇退守放球權比一隊擁有當世球王美斯嘅球隊。

星期四晚 2100 再同大家傾下決賽，順便幫杜曹同佢老母埋單計數佢做錯咩決定斷送英格蘭大好形勢，係咪就如杜曹賽後記者會講：「輸波就有人鬧架啦？」咁簡單？

傳送門擺一樓。