Vyonix

🏹 —> 啾 ~ —>🎯

小編成日都覺得支箭射出去嗰下啾一聲既破風聲好治癒☺️ 有誰共嗚？
就好似平時生活咁，返工返學就嚟Chur爆自己，壓力拉到自己勁行，然後有樣活動俾你放鬆放鬆，都有嗰下感覺！啾一聲，舒服哂☺️

講到要放鬆自己，在香港充斥着各類繁忙都市人既城市，你哋第一時間諗到咩活動呢？瑜珈？打拳？如果想清靜一下自己又想適當地發洩，不如考慮試下射箭啦。
以小編個人經驗嚟講，小編認為射箭除左拉弓放箭個一吓好似將所有煩惱射哂出去之外，喺瞄準拉弓的過程對於參與者的專注力同穩定性都極具挑戰。但同時就係呢個時刻，成個人同周圍的環境都好似會安靜下來，對於喺城市嘈慣既我哋，絕對係一種不可多得的奢侈享受。

下次朋友話約你出去海旁放鬆一下既時候，不妨考慮射箭呢個動靜皆宜既運動吖😉

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #射箭

想試下玩棍網球這種獨樹一格的運動，可以留意下棍網球總會既體驗班/初階訓練班。
佢哋5月6月既訓練班已經開放報名喇！詳情可以留意以下網址👇

https://www.hklax.org/html/tc/%E5%AD%B8%E7%BF%92%E6%A3%8D%E7%B6%B2%E7%90%83/activity.html

或者Follow棍網總既IG : 緊貼佢哋最新資訊！

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #棍網球

男女玩法裝備都唔同？

上回講到棍網球與其他球類運動相比算是比較特別的運動，但原來與其他主流運動相比，棍網球都係相對特別的存在！
原因就係唔講都唔知，棍網球男女子嘅玩法從賽例同裝備上都唔同㗎！
就好似游水，男女子的項目都大致相同，同樣都係計時賽。又或者同棍網球相似既足球咁，男女子既賽例，勝負目標亦是一樣，同樣需要配備護脛、球鞋等裝備。嗱！但棍網球就唔同喇！

雖然在綜合玩法上男女子棍網球比賽都有好多共通點，但男子棍網球係一種以力量拼搏嘅體現。男子比賽賽例允許球員以網棍或者身體去干預敵方進攻。比如說防守球員喺雙手持棍的情況下可以以手套部位或以棍打擊攻擊球員的網棍或者手等部位阻止攻勢，阻擋進攻球員，亦允許防守球員以身體撞擊進攻球員。男子棍網球的比賽風格就是如此激烈！因此，男子棍網球員需要配備頭盔、護甲、護肘、手套等裝備全面保護球員的安全。
相反，女子棍網球比賽對以球棍阻擋攻勢則有嚴格的限制，絕不允許任何身體對抗。所以女子比賽的規定裝備上就僅有護目鏡和護齒。

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #棍網球

決定係你喇！棍網球！

呢一身裝備係咪有種似層相識嘅感覺呢？如果你有玩過寵物小精靈，一望到棍網球員真係同寵物小精靈裡面既捕蟲少年好似😂

棍網球係一種古老運動，源自於印第安土著部落，球員會揮動手中既網棍(Crosse) 做出傳球、接球、射球等動作。同足球玩法相似，比賽目標係務求將球送進對方龍門，並防止敵隊進球。講求速度和戰術的棍網球係一種團體運動，每隊派出10名球員，包括1名守門員以及9位分別司職前鋒、中場、後衛的球員，經過球員施展渾身解數後，得分較高一隊獲勝。除左網棍外，球員亦需配備頭盔同護甲以保護自己。

除左裝備獨特，佢既規則亦令棍網球成為獨當一面的球類運動。一般球類運動像足球或藍球，當球出界後，球權就會歸最後觸球方的對方所有。但棍網球就唔同喇！當球員射球出界後，球權是歸屬先跑到出界位置球員的一隊。仲有！當進攻球員沿邊線進攻時，如遭防守球員撞出界，球權是歸防守方隊伍的。呢兩項規則令到棍網球員需要無時無刻高度集中外，亦間接鼓勵球員進攻並進行速度與力量上的積極對抗。

想試吓呢項集速度與力量一身既獨特運動？即刻上香港棍網球總會網站報名嚟緊既棍網球初班啦👇
https://www.hklax.org/html/tc/%E5%AD%B8%E7%BF%92%E6%A3%8D%E7%B6%B2%E7%90%83/activity.html

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #棍網球

香港板球總會
香港板球總會成立於1968年，負責管理香港區內與板球運動相關的事宜，並一直致力發展和推廣本地板球運動，希望板球運動得以在本地扎根成長，普及至社會各階層。香港板球總會更會同康文署定期舉辦板球體驗日/訓練課程。有興趣既朋友可以到板球總會網站 https://www.hkcricket.org/ 留意更多詳情。

香港木球會
香港木球會定期舉辦板球訓練班，適合不同年齡組別人士參與。教練團隊由具國際賽經驗的專業選手組成，教練們更具備2級專業資格，擁有豐富教學經驗。仲可以選擇個別教練成為你的私人專屬教練添！
https://www.hkcc.org/cricket-coaching.aspx

板球同樂日
嚟緊香港板球總會與康文署將於今月尾 (4月23日 星期六)喺葵涌醉酒灣板球中心舉辦板球同樂日，讓普羅大眾能夠體驗一下板球運動的樂趣。費用全免！

活動詳情連結🔗 https://www.youth.gov.hk/tc/cultural-and-leisure/activities/detail.htm?content-id=2443924§ion=CLA

———————————————————————————

Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！

#運動 #冷門運動 #板球

板球是一項考驗運動員力量和技巧的綜合性競技運動。一般比賽每隊會有11位選手進行攻防戰！攻擊一方每次會派出兩位球員，一位負責擊球攞分，另一位則協助搶分。守方則會11位全員上陣，其中一位為投球手務求把球投到攻方的三門柱(wicket)把攻擊方擊球手OUT！其餘10位則負責將擊出的球接住防止攻擊方擊球取分。直至攻方有10位擊球手被OUT，雙方互換攻守。最後雙方完成協議好的攻守回合後，得分較高一隊獲勝！

板球在英國被譽為「紳士運動」。與其他「紳士運動」一樣，共通點係節奏比較慢。只要擊球手不被投球手打到三門柱，就可以繼續擊球。曾經就有擊球手連續擊球十小時，所以板球比賽每天一般至少都有六小時實際比賽時間，中間仲有茶點時間，休息時間等，一場完整既雙局比賽係可以持續三至五天不等，絕對係名符其實打到天昏地暗既運動。
正正因為咁，板球經常被標籤為「節奏慢」、「沉悶」、「難投入」、「太耗時」的運動，喺生活節奏比較快既地方（香港是一個好例子）都難以引起市民的興趣和普及起來。
之不過，為左令板球能夠保持競爭力，現代板球不斷進行改革，設計出不同投球輪數限制的賽制，讓球賽時間縮短。除左令電視轉播更容易安排，亦因為不同的賽制迫使球員採取唔同嘅戰略，令觀賞性大大增加。而國際性比賽最受歡迎的正正是T20 20輪制，一般只需3小時。而板球盛事板球世界盃則採用50輪制的一日制賽制。喺香港，最出名既就係六人賽制。每隊人數由11人下調至6人，限五回合，每場大約45分鐘，節奏明快，仲好刺激！香港板球六人賽過往有世界不同嘅球星參賽，更榮獲國際板球理事會認可，是板球最具歷史、最完善及最受注目的的國際六人比賽。

根據ESPN Cricinfo顯示，香港板球男子及女子代表隊，於T20系列賽現時世界排名分別排第21同23名！要知道板球代表隊喺有限的資源能夠創出如此排名，佢哋真係值得大家更多的鼓勵同支持！

———————————————————————————

Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！

#運動 #冷門運動 #板球 #香港運動

揮揮杆，出身汗！
想體驗下壘球這種不一樣的團體運動？大家不妨留意下以下既機構啦！

1. 香港壘球總會
壘總定期都會提供不同程度的壘球訓練課程，想參加訓練既話記得緊貼佢哋既報名日期喇！

2. Sphinx Sports Connection 人面獅旨在透過其專業且有系統既訓練，透過地區普及化令更多人接觸到壘球運動，提升壘球運動整體水平。佢哋既訓練班不但專業同有系統，令到好多小朋友愛上壘球，價錢仲非常親民，絕對係性價比高既運動興趣班！

3. Hong Kong Slo-Pitch Softball Association FB：
鍾意睇壘球想做小球迷既你，記得Follow HKSPSA 既Facebook，緊貼本土壘球聯賽既最新消息同賽事精華！

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足籃排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #冷門運動需要更多支持 #壘球 #香港運動

為什麼女性打壘球而男性打棒球？

上述提到由於場地關係棒球場的規模遠大於壘球場，內野的範圍甚至超過兩倍以上。男子的體能/力量上普遍比女子強，所以誤會壘球是設計給女生而棒球是男生運動。

其實也是跟歷史有關，有書記載艾爾·斯伯丁—體育用品大亨、棒球運動員和發起人—宣布禁止女性參加棒球比賽，並將全球棒球視為殖民主義的榜樣，教導非白人男性成為文明理性。 到 20 世紀後期，棒球已經成為各個層面的嚴肅事業，女性球員被認為是男性球員成功率上升的障礙。

所以大家已將棒球定為是男生運動，而壘球則是屬女生運動其一原因。

但現今世代，已經再沒有那個運動屬於男生或女生。不同的性別也能把各項運動玩得淋漓盡致，除了留意香港女子壘球隊外，不防也可留意香港男子壘球隊，他們在國外也曾獲得冠軍殊榮該得到更多人支持和鼓勵令他們可再邁向一大步。

Source by: NPR news, Why American Girls Don't Play Baseball by Jennifer Ring

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #冷門運動需要更多支持 #壘球 #香港運動

壘球是由棒球演變而成，原本設計來避免天氣和空間的影響而將棒球運動改在室內進行，所用的裝備和規則隨之調整，壘球運動漸漸形成，而後來又搬到戶外進行。後來，亦把這運動的賽制統一，並正式命名為壘球。

場地：棒球場的規模遠大於壘球場，內野的範圍甚至超過兩倍以上。壘球場最深遠的中外野距離也僅僅只有220英呎，相比棒球場大部分都是400英呎以上，這也是大家誤會壘球是設計給女生我其一原因。

球： 壘球的size又明顯比較大顆，顏色一般都是黃色。

球棒： 壘球棒較短較輕

規則： 兩腳必須踏在投手板上，由下而上拋球；壘球跑者則不可以離壘，但投手將球投出的一剎那時是可以起跑盜壘。

手套： 疊球手套則比棒球手套大

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #冷門運動需要更多支持

綜合各方面，主流運動就是一些耳熟能詳、被媒體廣泛報道、具認受性並獲政策支持的運動，例如：足球、籃球、排球、游泳、田徑等。
所以，「非主流運動」則是指那些鮮為人知、沒有得到足夠政策資源支援發展的運動。小編亦翻查到葵青區議會的會議紀錄，算是較接近官方的定義：「非主流運動的定義為在香港體育學院的精英訓練資助名單及香港學界體育聯會所舉辦中小學外的體育項目。非主流運動的涵蓋範圍包括於奧林匹克運動會或亞洲運動會最近五年新增的體育項目，及一些有國際性競賽的體育活動（如世界運動會、世界盃板球賽等），例如巧固球(Tchoukball) 、板球 (Cricket) 、電子競技 (Electronic Sports)等」。

世界上有超過300項運動，你總會找到屬於你的運動。

———————————————————————————
Vyonix 將為您搜羅各式各樣刺激又好玩嘅運動資訊，運動又點止跑步游水足藍排咁簡單😏
鐘意運動嘅你，記得Like同Follow我哋既Instagram，一齊掀起香港運動狂熱！
#運動 #冷門運動 #冷門運動需要更多支持