31/07/2026
🔸說好長洲故事：逐夢專業 鋪就銀齡健康路👴🏻👵🏻💪🏻
有幸為學校做了一個訪問有感
關於咁多年嘅努力一點一滴鋪述出嚟，感觸良多。從一開始在長洲開辦運動班及健康講座開始，之後開設運動治療中心及24小時健身室，慢慢睇到運動風氣越來越好，街坊注重健康的意識都大大提高，自己都心存感恩。
我由畢業一直將專業帶返長洲🚤，創辦長洲運動治療 CCSTC 同Cheung Chau Gym Buddy 💯，成為街坊同運動愛好者嘅健康基地🏋🏻♂️，希望大家可以預防受傷及提升健康質素。
2023年，設計咗一個關於銀髮族運動嘅教練證書課程📝，獲亞洲運動及體適能專業學院（AASFP）認證✅。由我親自任教，強調「長者係我哋需要照料嘅一群」🙌🏻，並透過專業指導，幫銀髮族維持身體機能🏃🏻♂️、延緩老化，實踐「老有所為」嘅理念🏆。我深信，年紀增長唔代表能力下降，只要透過適當訓練😎，長者仍然可以活躍喺社區，貢獻所長🥰。
期望未來可以繼續擴大影響力🔥，毋忘初心，讓更多人受惠，活出積極、自主嘅健康人生🌳。