韋根香港球迷會(Wigan Athletic Hong Kong Fans Club)

韋根簽下前紐卡素後衛杜密特，直到一月已解決後防傷兵燃眉之急，以及帶來很需要的經驗🙏🏻

Welcome to Wigan Paul 💙

Hong Kong Newcastle United Supporters Club 香港紐卡素球迷會

小加歷查續約！

利物浦名宿加歷查之子占士加歷查同球隊續約到2027。占士13歲加盟球隊青年軍，一直一級一級踢上去，經歷幾次外借之後今季終於上位，由中堅改踢右閘表現出色，更加獲得球隊上個月最佳球員獎項。

嚟緊睇下小加歷查可唔可以超越佢老竇嘅成就啦🙏🏻

隨着杜曹正式被任命為英格蘭國家隊教練，前韋根助教安東尼巴利亦都被任命成為英格蘭國家隊副手。

Congratulations Antony 💙

連續六場不敗同不失球🫰🏻❤️

但係呢六場波裏邊，一場贏三比零，一場贏四比零，其他四場都係零比零。。。

睇嚟要諗吓辦法點樣將嗰啲零比零變做贏波👀😂

韋根成功簽下白禮頓年輕中場贊臣韋亞，為期兩年！

現年22歲嘅韋亞，出生自韋根嘅青訓。2020年因球隊破產被迫出售球員而被買到去他父親出任球探的白禮頓。

過去四年他先後在白禮頓B隊和被借用到維爾港，摩甘比和黑池上陣，在英甲有超過100場比賽經驗。

Welcome back Jensen!💙


We are back!!

張柏斯回歸！

無諗過韋根可以再次從利物浦借用上季冬季轉會窗借過嘅左後衛盧克張柏斯，直到今季季尾！

上季冬季來投嘅Luke, 下半季為球隊上陣18次，攻入一球交出四個助攻。

當大家都以為今季利物浦會將佢借去英冠球隊鍛鍊，利記經過一番考慮之後決定將佢send返過嚟，覺得都係我地最適合佢成長。

如果佢keep住上年嘅表現，都幾好肯定一月份利記會recall返佢再借去高d level。

不過點都好，welcome back Luke 💙

一係唔簽 一簽就一口氣簽入兩個！

球隊從曼聯借入潛質深厚年輕前鋒Hugill，為期一年，仲安排iconic嘅9號俾佢，可見對此子寄予厚望。

另外亦後李城借入年輕翼鋒Thomas，為期一年。

Welcome to Wigan lads💙

韋根宣布簽下同級對手Exeter隊長，30歲嘅中堅Will Aimson為年輕嘅後防加強經驗，簽約兩年。Will曾經和現任領隊馬隆尼一起在侯城效力。

同時間都宣佈免費簽下前富咸中場Tyrese Francois，前期2年。

Welcome Will and Tyrese 🔵⚪️

24/25作客球衣出爐！

點睇？😂

件新衫真係越睇越有當年英超嘅感覺，小編覺得似係2008-2009, 2009-2010同2012-2013主場嘅融合體

你哋又覺得點呢？但係小編都係覺得上年主場最好睇😝我都忍唔住買咗三件上季主場波衫😂

24/25主場波衫出爐！

個人就麻麻地個章係中間，但件衫又好有英超時期巨根嘅影子，你地又覺得點呢？

夏季轉會update

韋根呢2個星期認真多動作，先由車路士簽下21歲右翼Dion Rankie為期3年，然後又從利物浦借用20歲右閘Calvin Ramsay，繼續實行年輕化嘅轉會政策。

年輕化嘅趨勢下，當然要搵d老野以老帶新喇，所以球隊就同2013年FA cup決賽MOTM嘅麥馬拿文續約一年，繼續為母會效力。而今日都宣布從愛華頓簽入40歲龍門Andy Lonergan為門將兼教練一職。

Up the tics 🔵⚪️

韋根香港球迷會心痛地收到了前球員Sarkic在家中逝世嘅消息，享年26歲。

Matija於17/18球季效力球隊，總共上陣過三場。經過多年來不同外借之後，今季喺英冠米禾爾終於站穩陣腳，成為球隊正選門將。

Matija一路係英格蘭地區效力過唔少球會 而Sarkic亦都係係韋根創下左佢第一場一隊比賽上陣機會

一眾球會包括培育佢嘅維拉，效力過既伯明翰都發文感到惋惜

當年佢係我地最混亂個陣外借加盟 我地都感到十分惋惜
一路好走🙏🏻

We join the footballing world in mourning the loss of our former goalkeeper, Matija Sarkic who has sadly passed away.

Our thoughts are with Matija’s family and friends at this difficult time. 🖤

喜事重重！

年輕門將Sam Tickle一直盛傳多間英超球隊對佢有興趣，結果決定留隊續約到2028 ！

而中堅Jason Kerr今季約滿，由於球隊進行青春化而班費大幅減少，一直都以為球隊開唔番同等嘅人工所以會走，結果都最後決定留低續約兩年！

而今個夏天首簽係從賓福特借用年輕翼鋒Michael Olakigbe.

好好嘅夏天開始！

港會七人賽賽事

記住今日韋根名宿保斯（Emmerson Boyce）同埋占邦達(Pascal Chimbonda)將會代表九龍木球會元老參與今屆港會七人賽賽事

陣間9點同聽日11點都會有九木元老既賽事！

入場嘅朋友記得着返球隊波衫，比佢哋感受吓香港根迷嘅熱情！